ବୌଦ୍ଧ ୨୩/୧୧: ବୌଦ୍ଧ ଜିଲ୍ଲା ମନମୁଣ୍ଡା ଥାନା ବାହାବାଲାଖୋଲ ସଂରକ୍ଷିତ ଜଙ୍ଗଲରେ ମାଓ ଡମ୍ପ ଠାବ । SOG, DVF ଯବାନ ଓ ବୋମା ନିଷ୍କ୍ରିୟ ଦଳର ମିଳିତ ସର୍ଚ୍ଚ ଅପରେସନ ବେଳେ ମାଓ ଡମ୍ପ ଠାବ ହୋଇଛି । ଏଥିରେ ବିପୁଳ ପରିମାଣର ମାଓ ସାମଗ୍ରୀ ତଥା ୭ଟି ଡେଟୋନେଟର୍, ବିଦ୍ୟୁତ୍ ତାର, ମୋବାଇଲ ଫୋନ୍ ଜବତ ହୋଇଛି । ଏବେବି ସ୍ଥାନୀୟ କନପା ଓ କୁଆକୁମୁଡା ଜଙ୍ଗଲରେ ସୁରକ୍ଷାବାହିନୀ ସର୍ଚ୍ଚ ଅପରେସନ ଜାରି ରଖିଛି । 

ସେପଟେ ଶୁକ୍ରବାର ମାଲକାନଗିରି ସୀମାନ୍ତ ସୁକୁମା ଜିଲ୍ଲାରେ ସୁରକ୍ଷାକର୍ମୀ ଓ ମାଓବାଦୀ ମୁହାଁମୁହିଁ ହୋଇଥିଲେ । ପୋଲିସ ଏନକାଉଣ୍ଟରରେ ୧୦ଜଣ ନକ୍ସଲ ନିହତ ହୋଇଛନ୍ତି । ଘଟଣାସ୍ଥଳରୁ ୩ଟି ଅଟୋମେଟିକ ବନ୍ଧୁକ ସହ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ କରିଛି ପୋଲିସ । DRG ଜବାନଙ୍କ ଅପରେସନ ବେଳେ ଏହି ସଫଳତା ମିଳିଥିବା ନେଇ ସୁରମା ଏସପି ସୂଚନା ଦେଇଥିଲେ ।