scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଛତିଶଗଡ଼ ଦାନ୍ତେୱାଡାରେ ନକ୍ସଲ ହମଲା : ଦୂରଦର୍ଶନର ଓଡ଼ିଆ କ୍ୟାମେରାମ୍ୟାନ ମୃତ, ଦୁଇ ଯବାନ ସହିଦ

30/10/2018 at 1:54 PM

ମାଲକାନଗିରି ୩୦/୧୦ : ଛତିଶଗଡ଼ ଦାନ୍ତେୱାଡା ଅରଣପୁରରେ ନକ୍ସଲ ପୋଲିସ ଗୁଳି ବିନିମୟ ହୋଇଛି | ଗୁଳି ବିନିମୟରେ ୨ ଜବାନ ଶହୀଦ ହୋଇଛନ୍ତି | ଏହାସହ ଗଣମାଧ୍ୟମରେ ଜଣେ କ୍ୟାମେରାମ୍ୟାନଙ୍କ ମଧ୍ୟ ମୃତ୍ୟୁ ହୋଇଛି | ଅରଣପୁର ଜଙ୍ଗଲ ରାସ୍ତାରେ ନକ୍ସଲମାନେ ଆମ୍ବୁସ ପକାଇଥିବା ବେଳେ ଜାଲରେ ଫଶି ଯାଇଥିଲେ ଦୁରଦର୍ଶନର କ୍ୟାମେରାମ୍ୟାନ ଓ ସିଆର୍ପିଏଫ୍ ଜବାନ |
ସୂଚନାଯୋଗ୍ୟ ଯେ, ଦୁରଦର୍ଶନର କ୍ୟାମେରାମ୍ୟାନ ଏକ ଉନ୍ନୟନମୂଳକ କାର୍ଯ୍ୟର ତଦାରଖ କରିବା ପାଇଁ ମାଓ ପ୍ରବଣ ବସ୍ତର ଅଂଚଳକୁ ଯାଇଥିଲେ | ମୃତ ଦୁରଦର୍ଶନର କ୍ୟାମେରାମ୍ୟାନ ଜଣକ ହେଲେ ଅଚ୍ୟୁତାନନ୍ଦ ସାହୁ | ତାଙ୍କ ନିଜ ଘର ବଲାଙ୍ଗୀର ଜିଲ୍ଲା ଲୁଇସିଂହାରେ || ଅନ୍ୟ ଦୁଇଜଣଙ୍କ ମଧ୍ୟରୁ ଜଣେ ହେଲେ ପୋଲିସ ଅଧିକାରୀ ରୁଦ୍ର ପ୍ରତାପ ଏବଂ ମୁଖ୍ୟ କନେଷ୍ଟେବଳ ମଙ୍ଗଳୁ | ଆଜି ସକାଳ ୧୧.୪୫ ରେ ନିର୍ବାଚନ ନିୟନ୍ତ୍ରଣରେ ଥିବା ଅଂଚଳ ପରିଦର୍ଶନ ପାଇଁ ଯାଉଥିବା ବେଳେ ନକ୍ସଲଙ୍କ ଗୁଳିରେ ଏମାନଙ୍କ ମୃତ୍ୟୁ ହୋଇଛି |

୩ଦିନ ପୂର୍ବରୁ ଛତିଶଗଡ଼ ବିଜେପୁରରେ ନକ୍ସଲଙ୍କ ଲ୍ୟାଣ୍ଡ ମାଇନ ବିସ୍ଫୋରଣରେ ୪ଜଣ ସିଆରପିଏଫ ଯବାନ ସହିଦ ହୋଇଥିଲେ | ଯେଉଁଥିରେ ଜଣେ ଓଡ଼ିଆ ମଧ୍ୟ ଥିଲେ | ଆଉ ୨ ଜଣ ଯବାନ ଗୁରୁତର ଆହତ ହୋଇ ଏବେ ମଧ୍ୟ ଚିକିତ୍ସାଧୀନ ଅଛନ୍ତି |
ଆସନ୍ତା ନଭେମ୍ବର ୧୨ ଏବଂ ୨୦ ତାରିଖରେ ଛତିଶଗଡ଼ରେ ଲୋକସଭା ନିର୍ବାଚନ ହେବାକୁ ଅଛି | ତେବେ ଦକ୍ଷିଣ ଛତିଶଗଡ଼ର ମାଓ ପ୍ରବଣ ଅଂଚଳରେ ପ୍ରଥମ ପର୍ଯ୍ୟାୟରେ ଭୋଟ ଗ୍ରହଣ ହେବ |
ଗତକାଲି ଆଇନମନ୍ତ୍ରୀ ରବି ଶଙ୍କର ପ୍ରସାଦ ନିର୍ବାଚନ ପ୍ରଚାର ବେଳେ କହିଥିଲେ ଯେ, ଛତିଶଗଡ଼ରେ ମାଓବାଦୀ ଆକ୍ରମଣ ଧୀରେ ଧୀରେ କମିବାରେ ଲାଗିଛି |

   Related Posts