ନୂଆଦିଲ୍ଲୀ ୨୦।୦୨ - ଦିଲ୍ଲୀରେ ନିର୍ବାଚନ ଚାଲିଥିବା ବେଳେ ପ୍ରଦେଶ ବିଜେପି ଅଧ୍ୟକ୍ଷ ମନୋଜ୍ ତିଓ୍ୱାରୀଙ୍କର ଏକ ଭିଡିଓ ଭାଇରାଲ୍ ହୋଇଥିଲା । ହରିୟାନାର ଭାଷା କହୁଥିବା ଭିଡିଓକୁ ଲୋକେ ପସନ୍ଦ କରିବା ସହ ସେୟାର କରିଥିଲେ । ମନୋଜ ତିଓ୍ୱାରୀ ଇଂରାଜୀ ଓ ହରିୟାନାର ଭାଷା କହୁଥିବା ଦେଖଇବା ପାଇଁ ମିଳିଥିଲା । ଆଇର୍ଟିଫିସିଆଲ୍ ଇଣ୍ଟେଲିଜେନସି ବା ଡିପ୍ଫେକ୍ ଭିଡିଓକୁ ନେଇ ଏହାକୁ ତିଆରି କରାଯାଇଥିବା କୁହାଯାଉଛି ।
ଏହି ଭିଡିଓରେ ସେ ଦିଲ୍ଲୀର ମୁଖ୍ୟମନ୍ତ୍ରୀ କେଜ୍ରିଓ୍ୱାଲଙ୍କୁ ଲକ୍ଷ୍ୟ କରି ଅନେକ କଥା କହୁଥିଲେ । ଅସଲ ଭିଡିଓରେ ସେ ଏହାକୁ ହିନ୍ଦୀରେ କହିଥିଲେ । ମାତ୍ର ଟେକନୋଲଜିର ବ୍ୟବହାର କରାଯାଇ ଏହାକୁ ହରିୟାନା ଭାଷାରେ କରାଯାଇଥିଲା। ତାଙ୍କର ଭାବ ସମାନ ଥିଲେ ମଧ୍ୟ ଓଷ୍ଠ ଚାଳନା ବା ଲିପସିଙ୍ଗ୍ରେ ପରିବର୍ତ୍ତନ କରାଯାଇଥିଲା ।
ଏହାକୁ ବିଭିନ୍ନ ହ୍ୱାଟସ୍ଆପ୍ ଗ୍ରୁପରେ ୫,୮୦୦ ଥର ସେୟାର କରାଯାଇଛି । ଏହି ଭିଡିଓକୁ ଅନେକ ଲୋକ ପସନ୍ଦ କରିଥିବା କଥା ଦିଲ୍ଲୀ ବିଜେପି ମିଡିଆ ସେଲ୍ର ପ୍ରଭାରୀ ନୀଳକାନ୍ତ ବକ୍ସି କହିଛନ୍ତି । ଏହି ଭିଡିଓକୁ ଚଣ୍ଡୀଗଡର କମ୍ପାନୀ ଆଇଡିୟାଜ୍ ଫ୍ୟାକ୍ଟ୍ରୀରେ ତିଆରି କରାଯାଇଛି । ପୂର୍ବରୁ ନିର୍ବାଚନ ସମୟରେ ଏହାର ବ୍ୟବହାର କରାଯାଇ ନାହିଁ ।
