ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭାଷା ବା କଥାକୁ ନେଇ ପ୍ରଶ୍ନ କରିଛନ୍ତି ପୂର୍ବତନ ପ୍ରଧାନମନ୍ତ୍ରୀ ଡକ୍ଟର ମନମୋହନ ସିଂହ । ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ପଦର ଗରିମା ନଷ୍ଟ କରୁଥିବାନେଇ କଂଗ୍ରେସ ନେତାଙ୍କ ଅଭିଯୋଗ ବେଳେ, ପୂର୍ବତନ ପ୍ରଧାନମନ୍ତ୍ରୀ ଆଉ ଏକ ସଂଗୀନ ଅଭିଯୋଗ କରିଛନ୍ତି । ପ୍ରଧାନମନ୍ତ୍ରୀ ମୋଦି ଧମକ ପୂର୍ଣ୍ମ ଭାଷା ବ୍ୟବହାରକ କରୁଛନ୍ତି । ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଲେଖିଥିବା ଚିଠିରେ ଏହି ଅଭିଯୋଗ କରିଛନ୍ତି ମିଷ୍ଟର କୁଲ୍ ଆଣ୍ଡ ଜେଣ୍ଟଲ ପିଏମ୍‌ ଭାବେ ପରିଚିତ ଡକ୍ଟର ମନମୋହନ ସିଂହ । ପ୍ରଧାନମନ୍ତ୍ରୀଙ୍କ ମନ୍ତବ୍ୟକୁ ନେଇ ଚିନ୍ତା ପ୍ରକଟ କରିଛନ୍ତି । କହିଛନ୍ତି ଅନ୍ୟକୁ ଭୟଭୀତ କରିବା ଭଳି ଭାଷା କହୁଛନ୍ତି ପ୍ରଧାନମନ୍ତ୍ରୀ । ଗଣମାଧ୍ୟମ ରିପୋର୍ଟ ଅନୁଯାୟୀ ଡକ୍ଟର ମନମୋହନ ସିଂହ ଏନେଇ ତୀବ୍ର ପ୍ରତିବାଦ ସହ ରାଷ୍ଟ୍ରପତିଙ୍କୁ ଚିଠି ଲେଖି ଚିନ୍ତା ପ୍ରକଟ କରିଛନ୍ତି । କିଛି କଂଗ୍ରେସ ସାଂସଦ ମଧ୍ୟ ପ୍ରଧାନମନ୍ତ୍ରୀଙ୍କ କଥା କୁ ନେଇ ଚିନ୍ତା ବୟ୍କ୍ତ କରିଛନ୍ତି ।