ନୂଆଦିଲ୍ଲୀ ୨୨।୦୬: ପୂର୍ବ ଲଦାଖର ଗଲଓ୍ୱାନ ଘାଟିରେ ହୋଇଥିବା ହିସାଂତ୍ମକ ଘଟଣାକୁ ନେଇ ଭାରତ-ଚୀନ୍ ମଧ୍ୟରେ ବିବାଦ ଦେଖାଦେଇଛି । ଯାହାଫଳରେ କି ସୀମାରେ ଉତ୍ତେଜନା ଓ ଯୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇଛି । ତେବେ ଏହି ସମୟରେ ପୂର୍ବ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ବୟାନ ଆସିଛି । ମନମୋହନ ସିଂହ ନିଜ ବୟାନରେ କହିଛନ୍ତି ଯେ, ଭାରତ ସରକାରଙ୍କ ଉଚିତ ଜବାବ ଦେବାକୁ ପଡିବ । ଲଦାଖ ସୀମାରେ ସହିଦ ହୋଇଥିବା ବୀର ଯବାନଙ୍କୁ ଶ୍ରଦ୍ଧାଞ୍ଜଳୀ ଦେଇ କହିଛନ୍ତି । ଯବାନଙ୍କ ବଳିଦାନ ବ୍ୟର୍ଥ ନଯିବା ଦରକାର । ସରକାରଙ୍କୁ ଚୀନ୍ର ଧମକରେ ଡରିବା ଉଚିତ୍ ନୁହେଁ, ବରଂ ଚୀନ୍କୁ ଦୃଢ ଜବାବ ଦେବା ପାଇଁ ସମୟ ଆସିଯାଇଛି । ସରକାରଙ୍କ ପକ୍ଷରୁ କୌଣସି ପ୍ରକାର ବୟାନରେ ଦୁର୍ବଳ ବୋଲି ନହେବା ଉଚିତ୍ । ସମୟ ଆସିଯାଇଛି ପୁରା ରାଷ୍ଟ୍ର ଏକ ହୋଇ ଦୁଃସାହଶ ସହ ଜବାବ ଦେବା ଉଚିତ୍ ।
wp:html/wp:htmlWe call upon the PM&Govt to rise to the occasion, to ensure justice for Col. B. Santosh Babu&our jawans who have made ultimate sacrifice&resolutely defended our territorial integrity. To do any less would be a historic betrayal of the people’s faith.: Former PM Dr Manmohan Singh pic.twitter.com/PtD031VEIx
— ANI (@ANI) June 22, 2020
ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଚୀନ୍ ସହିତ ଲାଗିରହିଥିବା ବିବାଦ ସମୟରେ ନିଜ ବୟାନ ଜାରି କରିଛନ୍ତି । ନିଜ ବୟାନରେ ମନମୋହନ କହିଛନ୍ତି ଯେ, ସରକାରଙ୍କୁ ଆଗ୍ରହ କରୁଛି ଯେ, କୌଣସି ପ୍ରକାର ଭ୍ରମାତ୍ମକ ବୟାନ ଜାରି କରାନଯାଉ । କୁଟନୀତି ସ୍ତରରେ ଦୃଢ ମୁକାବିଲା କରିବା ଉଚିତ୍ । ବର୍ତ୍ତମାନ ଆମ ଦେଶ ଏକ କଠିନ୍ ପରିସ୍ଥିତିରେ ଛିଡା ହୋଇଛି । ଏହି ସମୟରେ ଆମେ ସରକାରଙ୍କୁ ଏତିକି ଅନୁରୋଧ କରୁଛି ଯେ, ସରକାର ଏପରି କୌଣସି ପଦକ୍ଷେପ ନଉଠାନ୍ତୁ, ଯେପରି ଭବିଷ୍ୟତରେ କିଛି ବି ଅସୁବିଧା ହେବନାହିଁ । ଦେଶର ପ୍ରଜାତନ୍ତ୍ର ର ଦାୟିତ୍ୱ ପ୍ରଧାନମନ୍ତ୍ରୀଙ୍କ ହାତରେ ରହିଛି । ପୂର୍ବ ପ୍ରଧାନମନ୍ତ୍ରୀ ଆହୁରୀ ମଧ୍ୟ କହିଛନ୍ତି ଯେ, ଚୀନ୍ ଅପ୍ରେଲ୍ ମାସରୁ ବର୍ତ୍ତମାନ ପର୍ଯ୍ୟନ୍ତ ଗଲଓ୍ୱାନ୍ ଘାଟି ଓ ପେଙ୍ଗାଙ୍ଗରେ ଅନେକ ଥର ଅନୁପ୍ରବେଶ କରିଚାଲିଛି । ଭାରତୀୟ ସୀମାରେ ନିଜର ଦାବି ଦେଖାଇଆସୁଛି । ଆମେ ଚୀନ୍ର କୌଣସି ଦାବି ଧମକକୁ ମାନିବା ନା ତା ସାମ୍ନାରେ ମୁଣ୍ଡ ନୁଆଇଁବା । ଏହାହିଁ ଚୀନ୍କୁ ଉଚିତ୍ ଜବାବ ଦିଆଯାଇପାରିବା ବୋଲି ମନମୋହନ କହିଛନ୍ତି ।
ସୂଚନାଯୋଗ୍ୟ ଯେ, ଗଲଓ୍ୱାନ ଘାଟିରେ ଚୀନ୍-ଭାରତ ସୈନ୍ୟ ମଧ୍ୟରେ ଗତକିଛି ଦିନ ତଳେ ହିସାଂତ୍ମକ ଘଟଣା ଘଟିଥିଲା । ଯେଉଁଥିରେ ଭାରତର ୨୦ଯବାନ ସହିଦ ହୋଇଥିବା ବେଳେ ଚୀନ୍ର ୪୦ରୁ ଅଧିକ ସୈନ୍ୟ ମୃତାହତ ହୋଇଥିବା ଖବର ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଚୀନ୍ ପକ୍ଷରୁ କେତେଜେଣ ସୈନ୍ୟ ମୃତ୍ୟୁବରଣ କରିଛନ୍ତି । ସେନେଇ କିଛି ସ୍ପଷ୍ଟ ସୂଚନା ଦିଆଯାଇନାହିଁ । ଏପଟେ ବିବାଦ ତୁଟାଇବା ପାଇଁ କୁଟନୈତିକ ଓ ଜେନେରାଲ ସ୍ତରରେ ଆଲୋଚନା ଜାରି ରହିଛି ।
