suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ପାରିବାରିକ କଳହର କରୁଣ ପରିଣତି, ସ୍ୱାମୀକୁ କିରୋସିନି ଢାଳି ଜାଳିଦେଲା ସ୍ତ୍ରୀ
  • ||
  • ଭୂକମ୍ପରେ ଥରିଲା ଇରାନ : ୭ ମୃତ, ୪୪୦ରୁ ଅଧିକ ଆହତ
  • ||

ଅସାଧୁ ବ୍ୟବସାୟୀ ଓ ସମବାୟ ସମିତି ସମ୍ପାଦକଙ୍କ ଚକ୍ରବ୍ୟୁହ : ମଣ୍ଡି ଖୋଲିଛି କିନ୍ତୁ ଧାନ ବିକି ପାରୁ ନାହାନ୍ତି ଚାଷୀ

23/02/2020 at 5:15 PM

ଯାଜପୁର୨୩/୨: ଟାର୍ଗେଟ ପୂରଣ ହେବାକୁ ବସିଲାଣି, ଚାଷୀ କିନ୍ତୁ ମଣ୍ଡିରେ ଧାନ ଗଦେଇ ରଖିଛି । ଟୋକନ୍ ମିଳୁନଥିବାରୁ ଧାନ ବିକି ପାରୁନି । ଏମିତି ସମସ୍ୟା ଦେଖାଦେଇଛି ଯାଜପୁର ବ୍ଲକ ବରୁହାଁ ସମବାୟ ସମିତିରେ । ପ୍ରଶ୍ନ ହେଉଛି ଯଦି ଚାଷୀ ଧାନ ବିକି ପାରୁନି ତେବେ ଟାର୍ଗେଟ ପୂରଣ ହେଉଛି କିପରି । ଉତ୍ତର ଭାରି ସହଜ- ଅସାଧୁ ବ୍ୟାବସାୟୀ ଏବଂ ସମବାୟ ସମିତି ସଂପାଦକ ଚଳାଇଛନ୍ତି ଖେଳ ।

ଅସାଧୁ ବ୍ୟବସାୟୀ ଓ ସମବାୟ ସମିତି ସମ୍ପାଦକଙ୍କ ଚକ୍ରବ୍ୟୁହରେ ଚାଷୀ । ଧାନ କିଣିବା ଲାଗି ମଣ୍ଡି ଖୋଲିଛି । କିନ୍ତୁ ଧାନ ବିକି ପାରୁ ନାହାନ୍ତି ଚାଷୀ । ମଣ୍ଡିରେ ଧାନ ଗଦା କରି ଟୋକନ୍ କୁ ଚାହିଁ ରହିଛନ୍ତି । ଏମିତି ଅବସ୍ଥା ଯାଜପୁର ବ୍ଲକ ବରୁହାଁ ସମବାୟ ସମିତିର । ବରୁହାଁ ସମବାୟ ସମିତିକୁ ୩୫ ଶହ କୁଇଣ୍ଟାଲ ଧାନ କିଣିବାକୁ ଟାର୍ଗେଟ ଦିଆଯାଇଛି । କିନ୍ତୁ ପଞ୍ଜିକରଣ କରିଥିବା ୧୮୦ ଚାଷୀଙ୍କ ମଧ୍ୟରୁ ମାତ୍ର ୧୭ ଜଣ ବିକିଛନ୍ତି ଧାନ । ୯୨ ଜଣଙ୍କ ଲାଗି ଟୋକନ୍ ଆସିଥିବା ବେଳେ ପାଇଛନ୍ତି ୬୨ ଜଣ । କିନ୍ତୁ ଧାନ କିଣା ଟାର୍ଗେଟ ପୂରଣ ହେବାକୁ ବସିଲାଣି । ଚାଷୀ ମାତ୍ର ୧୩ ଶହ ୧୨ କୁଇଣ୍ଟାଲ ଧାନ ବିକିଥିବା ବେଳେ ବାକି ଧାନ କେଉଁଠୁ ଆସିଲା ତାକୁ ନେଇ ଉଠିଛି ପ୍ରଶ୍ନ ।

ମଣ୍ଡି ସମସ୍ୟା ଯୋଗୁଁ ରାଜ୍ୟ ବାହାରର ଚାଷୀଙ୍କୁ କମ୍ ଦାମରେ ଧାନ ବିକିବାକୁ ବାଧ୍ୟ ହେଉଛନ୍ତି ଚାଷୀ । କାରଣ ଚାଷୀ ଯେତେ ଯାହା ଅଭିଯୋଗ କଲେ ବି ଶୁଣିବାକୁ କେହି ନାହିଁ । ଚାଷୀ ଦଲାଲଙ୍କୁ ଧାନ ବିକୁଥିବା କଥାକୁ ସ୍ବୀକାର କରିଛନ୍ତି ସମବାୟ ସମିତି ସଂପାଦକ । ଘଟଣାର ତଦନ୍ତ କରିବାକୁ ଯାଇଥିବା ଏଆରସିଏସ କହିଛନ୍ତି ସମ୍ପାଦକଙ୍କ ଭୁଲ ଲାଗି ଏପରି ହୋଇଛି । 

ଚାଷୀଙ୍କ ଏ ମଣ୍ଡି ସମସ୍ୟା କେବେଳ ଯେ ବରୁହାଁ ସମବାୟ ସମିତିରେ ତାହା ନୁହେଁ, ଯାଜପୁର ଜିଲ୍ଲାର ଅନେକ ମଣ୍ଡିରେ ଏମିତି ସମସ୍ୟା ଲାଗି ରହିଛି ।

   Related Posts