ନୂଆଦିଲ୍ଲୀ ୨୧।୦୯: କଥାରେ ଅଛି ଭଗବାନ ଯେବେ ବି ଦିଅନ୍ତି ଛପର ଫାଡି ଦିଅନ୍ତି । ଏହା କେବଳ ଢଗ କଥା ନୁହେଁ  ବରଂ ସତ । ଏହାର ଉଦାହରଣ ହେଉଛନ୍ତି ଜଣେ ୭୭ ବର୍ଷୀୟ ବୃଦ୍ଧ । ତାଙ୍କର ଲାଗିଛି ଏକ ଲଟେରୀ । ସେ ପୁଣି ୫ ମିଲିୟନ ଡଲାରର । ଯାହା ତାଙ୍କ ଭାଗ୍ୟ ହିଁ ବଦଳେଇ ଦେଇଛି । ବ୍ୟକ୍ତି ଜଣକ ହେଉଛନ୍ତି ଆମେରିକା କଲୋରଡୋର ୭୭ ବର୍ଷିୟ ମିଷ୍ଟର ବ୍ରଡ୍‌ ।  ଲଟେରୀ ଜିତିବା ପରେ ବ୍ୟକ୍ତି ଜଣକ ନିଜ ପତ୍ନୀଙ୍କ ପାଇଁ ଏପରି କିଛି କିଣିଛନ୍ତି, ଯାହା ବେଶ୍ ଚର୍ଚ୍ଚାରେ ରହିଛି ।

୭୭ ବର୍ଷିୟ ମିଷ୍ଟର ବ୍ରଡ୍‌ କଲୋରଡୋ ଲୋଟୋ ପ୍ଲସ୍ ଜ୍ୟାକପଟରେ ୫ ମିଲିୟନ୍‌ ଡଲାର ଅର୍ଥାତ୍ ୪୨ କୋଟି ଟଙ୍କା ଜିତିଛନ୍ତି । କୋଟି କୋଟି ଟଙ୍କା ଜିତିବା ପରେ ମିଷ୍ଟର ବ୍ରଡ୍‌ ପ୍ରଥମେ ନିଜ ପତ୍ନୀଙ୍କ ପାଇଁ ତରଭୁଜ ଏବଂ ଫୁଲ କିଣିଥିଲେ । ଆଉ ଏପରି ସାଧାରଣ ଜିନିଷ କିଣିବା ପରେ ବ୍ୟକ୍ତିଙ୍କ ଚର୍ଚ୍ଚାକୁ ଆସିଥିଲେ । ଅନେକ ପ୍ରଶ୍ନ କରିଥିଲେ କି କୋଟି କୋଟି ଟଙ୍କା ଜିତିବା ପରେ ବି ବ୍ୟକ୍ତି ଜଣକ ପତ୍ନୀଙ୍କୁ ଏତେ ସାଧାରଣ ଜିନିଷ କାହିଁକି ଦେଲେ ?

ବାସ୍ତବରେ ମିଷ୍ଟର ବ୍ରଡ ଏବଂ ତାଙ୍କ ପତ୍ନୀ ଏକ ସାଧାରଣ ଜୀବନ ଯାପନ କରନ୍ତି । ବ୍ରଡଙ୍କ ପତ୍ନୀଙ୍କର ଅସ୍ତ୍ରୋପଚାର ହେବାର ଅଛି । ଏଥିପାଇଁ ସେ ତାଙ୍କୁ ପସନ୍ଦ ଥିବା ଜିନିଷ କିଣି ଦେଇଥିଲେ । ମିଷ୍ଟର ବ୍ରଡ କହିଛନ୍ତି କି ଏହି ଲଟେରୀ ଟଙ୍କା ତାଙ୍କୁ ବେଶ୍ ସହାୟକ ହେବ । କାରଣ ପତ୍ନୀଙ୍କ ଅସ୍ତ୍ରୋପଚାର ପାଇଁ ଟଙ୍କା ଆବଶ୍ୟକ ଥିଲା । ଆଉ ଏହି ଟଙ୍କାରେ ସେ ପତ୍ନୀଙ୍କର ଚିକିତ୍ସା କରିପାରିବେ । ଏଥିପାଇଁ ବ୍ରଡ ବେଶ୍‌ ଖୁସି ଅଛନ୍ତି । 

ଖବର ଅନୁଯାୟୀ, ରିଟାୟର୍ଡ ମିଷ୍ଟର ବ୍ରଡ୍‌ ବୁଲିବାକୁ ଯାଇଥିଲେ । ସେହି ସମୟରେ ସେ ଏକ ଲଟେରୀ ଟିକେଟ୍‌ କିଣିଥିଲେ । ଯେତେବେଳେ ସେ ନିଜ ଯାତ୍ରାରୁ ଫେରିଥିଲେ, ସେତେବେଳେ ସେ ୱେବସାଇଟରେ ନିଜର ଲଟେରୀ ଟିକେଟ୍ ଚେକ୍‌ କରିଥିଲେ । ଓ୍ବେବ୍‌ସାଇଟ୍‌ରେ ଯାହା ଦେଖିଲେ ଆଶ୍ଚର୍ଯ୍ୟ ହୋଇଗଲେ । ସେ ଭାବିଲେ ଯେ ଏଥିରେ କିଛି ନିଶ୍ଚିତ ଭୁଲ ହୋଇଛି । କିନ୍ତୁ ଏହା ବାସ୍ତବ ଥିଲା ।

You Can Read: