scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମଶା କାମୁଡିବାରୁ ୩୦ ଅପରେସନ, ୪ ସପ୍ତାହ କୋମାରେ ରହିଲେ ବ୍ୟକ୍ତି

28/11/2022 at 10:58 PM

ନୂଆଦିଲ୍ଲୀ: ମଶାକୁ ନେଇ ଆଜିକାଲି ପ୍ରାୟ ସମସ୍ତେ ଚିନ୍ତିତ ରହୁଛନ୍ତି । ରାତିର ନିଦ ଛଡାଇ ନେଇ ଯାଉଛି ମଶା । ବେଳେବେଳେ ମଶାଙ୍କ କେବଳ ଗୋଟିଏ କାମୁଡା ମଧ୍ୟ ସୁସ୍ଥରୁ ସୁସ୍ଥ ବ୍ୟକ୍ତିକୁ ମୃତ୍ୟୁ ମୁଖରେ ପହଞ୍ଚାଇ ଦେଇଥାଏ । କିଛି ରିପୋର୍ଟ ଅନୁସାରେ, ଯେଉଁ ଜୀବଜନ୍ତୁମାନେ ମଣିଷର ଜୀବନ ନିଅନ୍ତି ସେମାନଙ୍କ ମଧ୍ୟରେ ମଶା ସବୁଠୁ ଉପରେ ରହିଛି । ତେବେ ଏହାରି ଭିତରେ ମଶା କାମୁଡାର ଏପରି ଏକ ଖବର ସାମନାକୁ ଆସିଛି ଯାହା ଜାଣିଲେ ଆପଣଙ୍କ ହୋସ୍ ଉଡିଯିବ।  

ମଶାଙ୍କ କାମୁଡାରେ ହେଉଥିବା ଅନେକ ରୋଗ ବିଷୟରେ ଆପଣ ଶୁଣିଥିଲେ, କିନ୍ତୁ ମଶା କାମୁଡାରେ ଜଣେ ବ୍ୟକ୍ତି ୪ ସପ୍ତାହ ଯାଏ କୋମାକୁ ଚାଲିଯିବା କେବେ ଶୁଣି ନଥିବେ । ବ୍ୟକ୍ତିଙ୍କ ୩୦ ଅପରେସନ ମଧ୍ୟ କରାଯାଇଛି । ଜର୍ମାନୀର ସେବେଷ୍ଟିୟନ ରୋଟସଚକଙ୍କୁ ଏସିଆନ ଟାଇଗର ପ୍ରଜାତିର ମଶା କାମୁଡିଥିଲା ଏବଂ ସେ ମୃତ୍ୟୁ ମୁଖରେ ପଡ଼ିଥିଲେ ।

ରୋଡରମାର୍କ ନିବାସୀ ୨୭ ବର୍ଷୀୟ ସେବେଷ୍ଟିୟନ ରୋଟସଚକଙ୍କୁ ଏସିଆନ ଟାଇଗର ପ୍ରଜାତିର ମଶା କାମୁଡିବା ପରେ ତାଙ୍କ ରକ୍ତରେ ବିଷ ଖେଳି ଯାଇଥିଲା । ଡେଲି ଷ୍ଟାରର ରିପୋର୍ଟ ଅନୁସାରେ, ଏହାପରେ ତାଙ୍କ କିଡନୀ, ହୃତପିଣ୍ଡ ଏବଂ ଫୁସଫୁସ କାମ କରିବା ବନ୍ଦ କରିଥିଲା । ପ୍ରଥମେ ଫ୍ଲୁ ପରି ଲକ୍ଷଣ ଦେଖା ଦେଇଥିଲା ଏବଂ ପରେ ଶେଯରୁ ଉଠି ପାରି ନଥିଲେ । ତାଙ୍କର ବଞ୍ଚିବା ବି ମୁସ୍କିଲ ହୋଇପାଡିଥିଲା ।

ସେବେଷ୍ଟିୟନଙ୍କ ବାମ ଜଙ୍ଘରେ ସେରାଟିଆ ନାମକ ବ୍ୟାକ୍ଟେରିଆ ଆକ୍ରମଣ କରିଥିଲା ଏବଂ ଅଧା ଜଙ୍ଘ ଖାଇ ଦେଇଥିଲା । ପରେ ଏସିଆନ ଟାଇଗର ମଶା କାମୁଡି ଥିବା ଡାକ୍ତର ଜାଣିବାକୁ ପାଇଥିଲେ । ଡାକ୍ତରମାନେ ସେବେଷ୍ଟିୟନଙ୍କ ଶରୀରରେ ୩୦ ଅପରେସନ କରିଥିଲେ । ଗୋଡର ଦୁଇଟି ଆଙ୍ଗୁଠି ମଧ୍ୟ କାଟିବାକୁ ପଡ଼ିଥିଲା । ସେ ୪ ସପ୍ତାହ ଯାଏଁ କୋମା ରହିଥିଲେ । ଆଇସିୟୁରେ ତାଙ୍କୁ ରଖାଯାଇ ଡାକ୍ତରୀ ଟିମ ଚିକିତ୍ସା କରାଇଥିଲେ।

   Related Posts