suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ଭିଜିଲାନ୍ସ ଜାଲରେ ବରିଷ୍ଠ କିରାଣୀ, ଲାଞ୍ଚ ନେବାବେଳେ ମାଡ଼ି ବସିଲେ ଅଧିକାରୀ
  • ||
  • ନିଶ୍ଚିନ୍ତକୋଇଲି: ଜୁଏଲାରୀ ଦୋକାନରୁ ଚୋରି, ତାଲା ଭାଙ୍ଗି ଲୁଟିନେଲେ ୧୯ ଲକ୍ଷରୁ ଅଧିକ ସୁନା ଗହଣା
  • ||
  • ପୁରୀ: ଶ୍ରୀମନ୍ଦିରରେ ଶ୍ରୀଜିଉଙ୍କ ନୀତି ବିଳମ୍ବ, ଦର୍ଶନ ନପାଇ ଭକ୍ତ ଅସନ୍ତୋଷ
  • ||

ଝିଅକୁ କୋଚିଂ ସେଣ୍ଟରକୁ ନେଇ ଯିବା ବେଳେ ବାଜିଲା ଗୁଳି, ଗ୍ୟାଙ୍ଗ୍‌ଷ୍ଟର ସହ ଚାଲିଗଲା ବ୍ୟକ୍ତିଙ୍କ ଜୀବନ

3/12/2022 at 11:05 PM

ଜୟପୁର, ୦୩/୧୨: ଝିଅକୁ କୋଚିଂ ସେଣ୍ଟରରେ ଆଡ୍‌ମିସନ୍‌ କରିବା ପାଇଁ ଯାଉଥିବା ବେଳେ ଚାଲିଗଲା ଜୀବନ । ଗ୍ୟାଙ୍ଗ୍‌ଷ୍ଟରକୁ ଗୁଳି କରୁଥିବା ବେଳେ ଗ୍ୟାଙ୍ଗ୍‌ଷ୍ଟର ସହ ଜଣେ ସାଧାରଣ ବ୍ୟକ୍ତିଙ୍କ ମୃତ୍ୟୁ ହୋଇଛି । ମିଳିଥିବା ସୂଚନା ଅନୁସାରେ ଜୟପୁର ସିକର ସିଟିର ପିପ୍ରାଲି ରୋଡ୍‌ ଅଞ୍ଚଳରେ ଏପରି ଏକ ଘଟଣା ଘଟିଛି । ଉକ୍ତ ଅଞ୍ଚଳର ଗ୍ୟାଙ୍ଗ୍‌ଷ୍ଟର ରାଜୁ ଥେଥ୍‌ ନିଜ ଘରର ଗେଟ୍‌ ଭିତରକୁ ପ୍ରବେଶ କରୁଥିବା ବେଳେ ୪ ଜଣ ଦୁର୍ବୃତ୍ତ ତା ଉପରକୁ ଆତର୍କିତ ଗୁଳି ଚଳାଇଥିଲେ । ଫଳରେ ଗୁଳି ରାଜୁ ଦେହରେ ବାଜିବା କିଛି ସାଧାରଣ ଲୋକଙ୍କ ଦେହରେ ବାଜିଥିଲା । ଗୁଳିମାଡ଼ରେ ରାଜୁର ମୃତ୍ୟୁ ସହ ଅନ୍ୟଜଣଙ୍କ ମୃତ୍ୟୁ ହୋଇଛି । ଏଥିସହ ଜଣେ ଆହତ ମଧ୍ୟ ହୋଇଥିବା ଜଣାପଡ଼ିଛି ।

ଗୁଳିମାଡ଼ରେ ମୃତ ସାଧାରଣ ବ୍ୟକ୍ତିଙ୍କ ନାମ ତାରାଚାନ୍ଦ କାଦ୍ୱାସାରା ବୋଲି ଜଣାପଡ଼ିଛି । ଘଟଣା ଘଟିଥିବା ଅଞ୍ଚଳରେ ବହୁତ କୋଚିଂ ସେଣ୍ଟର ରହିଛି । ତାରାଚାନ୍ଦ ତାଙ୍କ ଝିଅକୁ ନେଇ ଏକ କୋଚିଂ ସେଣ୍ଟରରେ ଆଡ୍‌ମିସନ୍‌ ପାଇଁ ଯାଇଥିବା ସମୟରେ ତାଙ୍କ ଉପରେ ଗୁଳିବାଜି ଥିଲା । ଏଥିରେ ତାଙ୍କର ପ୍ରାଣ ଯାଇଥିବା ବେଳେ ତାଙ୍କ ସଂପର୍କୀୟ ଆହତ ହୋଇଛନ୍ତି ।

ଗୁଳିମାଡ଼ ସମୟର ଭିଡିଓ ସିସିଟିଭିରେ କଏଦ୍‌ ହୋଇଛି । ରାଜୁର ଭାଇ ଗୁଳିମାଡ଼ ସମୟରେ ଏକ ହଷ୍ଟେଲ୍‌ ଭିତରକୁ ଦୌଡ଼ି ପଳାଇ ଯିବାରୁ ବର୍ତ୍ତି ଯାଇଛନ୍ତି । ପୋଲିସ୍‌ର ସୂଚନା ମୁତାବକ ରାଜୁ ଦେହରେ ୩ଟି ଗୁଳି ବାଜିଥିଲା । ସେଖାୱାତି ଅଞ୍ଚଳର ଏକ ଗ୍ୟାଙ୍ଗ୍‌ ସହ ତାର ଝଗଡ଼ା ରହିଥିଲା । ୪ ଦୁର୍ବୃତ୍ତ ଗୁଳିମାଡ଼ କରି ଫେରାର ହୋଇଯାଇଥିଲେ । ପରେ ଲରେନ୍ସ ବିସ୍ନୋଇ ଗ୍ୟାଙ୍ଗ୍‌ର ଜଣେ ସଦସ୍ୟ ରୋହିତ ଗୋଦରା ଏ ଘଟଣା ପାଇଁ ନିଜକୁ ଦାୟୀ କରି ଫେସ୍‌ବୁକ୍‌ରେ ପୋଷ୍ଟ କରିଥିବା ଦେଖିବାକୁ ମିଳିଛି । ପୋଲିସ୍‌ ସେମାନଙ୍କୁ ବିଭିନ୍ନ ଜାଗାରେ ଖୋଜୁଥିବା ଜଣାପଡ଼ିଛି ।      

   Related Posts