scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଗହଣା ଦୋକାନୀଙ୍କ ପତ୍ନୀଙ୍କୁ ଚୂନ ଲଗାଇଲେ ଭଣ୍ଡ ସାଧୁ ; ଘରେ ପଶି ଲୁଟିନେଲେ ୧.୭୫ କୋଟି ଟଙ୍କା ଓ ସୁନା ଗହଣା

12/07/2021 at 9:47 PM

ଋଷିକେଶ ୧୨/୦୭ : ସାଧୁଙ୍କ କଳା କାରନାମା ଏବେ ଚର୍ଚ୍ଚାରେ । ସାଧୁ ନୁହେଁ ତ ଟାଉଟର । ଆଖି ପିଛୁଳାକେ ଜଣେ ଗହଣା ଦୋକାନୀଙ୍କ ପତ୍ନୀଙ୍କ ଠାରୁ କଳାକନା ବୁଲାଇ ଦେଇଛି ଜଣେ ଭଣ୍ଡ ସାଧୁ । ପ୍ରାୟ ୧.୭୫ କୋଟି ମୂଲ୍ୟର ସୁନା ଗହଣା ଏବଂ ନଗଦ ଟଙ୍କା ଲୁଟିନେଇଥିବା ସୂଚନା ମିଳିଛି । ଘଟଣା ବାବଦରେ ଥାନାରେ ମାମଲା ରୁଜୁ କରିବା ପରେ ଅଭିଯୁକ୍ତ ଭଣ୍ଡ ସାଧୁକୁ ଲାଲ ଟପ୍ପର ଅଞ୍ଚଳ କଟେଜ୍‌ ନମ୍ବର ୨୧ରୁ ଗତ ରବିବାର ଦିନ ଗିରଫ କରିଛି ପୋଲିସ ।

ଗିରଫ ଭଣ୍ଡ ସାଧୁ ଜଣକ ହେଉଛି ପ୍ରିୟବ୍ରତ ଅନିମେଶ । ତା ନିକଟରୁ ପ୍ରାୟ ୧୦ ଲକ୍ଷ ଟଙ୍କା ମୂଲ୍ୟର ସୁନା ଏବଂ ରୂପା ଗହଣା ଜବତ କରାଯାଇଛି । ଏ ନେଇ ଋଷିକେଶ ଡିଏସ୍‌ପି ଦିନେଶ ଚନ୍ଦ୍ର ଧନୁଦିୟାଲ ସୂଚନା ଦେଇଛନ୍ତି । ଅଭିଯୁକ୍ତକୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ସୂଚନା ମିଳିଛି । ପୋଲିସ କହିବା ମୁତାବକ, ଅଭିଯୁକ୍ତ ସାଧୁ ପ୍ରିୟବ୍ରତ ଅନିମେଶର ନିକଟରେ ଏକ ପୁସ୍ତକ ମଧ୍ୟ ଉନ୍ଚୋଚନ ହୋଇଥିଲା । ଏହି ପୁସ୍ତକକୁ ଉନ୍ମୋଚନ କରିଥିଲେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ।

ସୂଚନା ମୁତାବକ, ଋଷିକେଶର ଜଣେ ଗହଣା ବ୍ୟବସାୟୀ ହିତେନ୍ଦ୍ର ପନଓ୍ବର ଚୋରି ହେବା ନେଇ ଥାନାରେ ମାମଲା ରୁଜୁ କରିଥିଲେ । ଅଭିଯୋଗକୁ ଆଧାର କରି ପୋଲିସ ସାଧୁ ପ୍ରିୟବ୍ରତ ଅନିମେଶକୁ ଗିରଫ କରିଥିଲା । ତଦନ୍ତ ବେଳେ ତା ନିକଟରୁ ବିପୁଳ ପରିମାଣର ସୁନାଗହଣା ଏବଂ ଟଙ୍କା ଜବତ କରିଛି ପୋଲିସ । ଏହା ସହିତ ପୋଲିସ କହିଛି ଯେ, ହିତେନ୍ଦ୍ରଙ୍କ ପତ୍ନୀ ଜଣେ ମାନସିକ ରୋଗୀ । ଅଭିଯୁକ୍ତ ସାଧୁ କୌଶଳ କ୍ରମେ ତାଙ୍କ ସହ କଥା ବାର୍ତ୍ତା କରିବା ସହିତ ଦେହ ଖରାପ ବାହାନା କରି ତାଙ୍କ ଠାରୁ କିଛି ଟଙ୍କା ଆଦାୟକ କରିବା ପାଇଁ ଘର ଭିତରକୁ ପଶିଥିଲେ । ତେବେ ଘରେ କେହି ନଥିବା ଜାଣିବା ପରେ ଏବଂ ହିତେନ୍ଦ୍ରଙ୍କ ପତ୍ନୀ ଜଣେ ମାନସିକ ରୋଗୀ ଜାଣିବା ପରେ ଲୁଟ କରିବା ପାଇଁ ସୁଯୋଗ ପାଇଯାଇଥିଲେ ଅଭିଯୁକ୍ତ । ପରେ ଘରୁ କଳାକନା ବୁଲାଇ ଥିଲେ ।

ଅଭିଯୁକ୍ତ ଜଣକ ନିଜ ପତିଆରା ପାଇଁ ରାଜନୈତିକ ବ୍ୟକ୍ତି ବିଶେଷ ତଥା ରାଜ୍ୟର ବିଶିଷ୍ଟ ବ୍ୟକ୍ତିମାନଙ୍କ ସହିତ ଫଟୋ ଉଠାଇ ବିଭିନ୍ନ ସୋସିଆଲ ମିଡିଆରେ ସେୟାର କରୁଥିଲା । ଯାହା ଫଳରେ ଲୋକମାନଙ୍କର ଆସ୍ଥା ବଢିଥିଲା । ଏହାର ସୁଯୋଗ ନେଇ ସେ ଲୋକମାନଙ୍କୁ ବିଭିନ୍ନ ଉପାୟରେ ଲୁଟୁଥିଲା । ଅଭିଯୁକ୍ତ ସାଧୁ ବିରୁଦ୍ଧରେ ପୂର୍ବରୁ ମଧ୍ୟ ମାମଲା ରହିଛି । ହରିୟାଣାର କର୍ଣ୍ଣାଲ ଅଞ୍ଚଳରେ ଅଭିଯୁକ୍ତ ସାଧୁ ପ୍ରିୟବ୍ରତ ଅନିମେଶ ନାଁରେ ଅନେକ ମାମଲା ରହିଛି । ପୂର୍ବରୁ ସେ ଦୁଇ ଦୁଇଥର ଜେଲ ମଧ୍ୟ ଯାଇଛି । ପୋଲିସ ତାକୁ ଗିରଫ କରିବା ସହିତ ମାମଲାର ଅଧିକ ତଦନ୍ତ ଜାରି ରଖିଛି ।  

   Related Posts