ଢେଙ୍କାନାଳ, ୦୯|୦୨ : ଢେଙ୍କାନାଳ ଜିଲ୍ଲା କଙ୍କଡାହାଡ ଥାନା ଚୂନରଗଡି ଗ୍ରାମରେ ଗତ ୪ ତାରିଖ ବିଳମ୍ବିତ ରାତିରେ ଜଣେ ମହିଳା ନିଆଁରେ ପୋଡିହୋଇ ଯାଇଛନ୍ତି । ଏହି ଘଟଣାର ରହସ୍ୟ ଉନ୍ମୋଚନ କରିଛି ପୋଲିସ । ଘଟଣାର ତଦନ୍ତ ପରେ ଖୁଲାସା କରିଛି କଙ୍କଡାହାଡ ପୋଲିସ । ନିଜ ସ୍ୱାମୀ ହିଁ ପତ୍ନୀର ଚରିତ୍ରକୁ ସନ୍ଦେହ କରି ପୋଡି ମାରିଦେଇଥିବା ସ୍ୱୀକାର କରିଛି ।
ମହିଳା ପୋଡି ହୋଇ ମରିବା ପରେ ପୋଲିସ ତାଙ୍କ ସ୍ୱାମୀଙ୍କୁ ଅଟକ ରଖିଥିଲା । ମୃତା ରିଙ୍କି ମହାକୁଡ଼ଙ୍କ ସ୍ୱାମୀ ନବକିଶୋର କବାଟ ଅଟକ ରଖିଥିବାବେଳେ ତାଙ୍କୁ ସୋମବାର କୋର୍ଟଚାଲାଣ କରିଥିଲା ।
ସୂଚନା ଅନୁସାରେ, ଗତ ୪ ତାରିଖ ବିଳମ୍ବିତ ରାତିରେ ଚୂନରଗଡି ଗ୍ରାମର ରିଙ୍କି ମହାକୁଡ ନିଆଁରେ ପୋଡିହୋଇ ଜୀବନ୍ତ ଦଗ୍ଧ ହୋଇ ଯାଇଥିଲେ । ଏ ସମ୍ପର୍କରେ ମୃତା ମହିଳାଙ୍କ ଭାଇ ହତ୍ୟା ଅଭିଯୋଗ ଆଣିଥିଲେ। ଅଭିଯୋଗ ପରେ ସାଇଣ୍ଟିଫିକ ଟିମ୍ ତଦନ୍ତ କରି ଫେରିଥିବା ବେଳେ ଅଭିଯୁକ୍ତ ସ୍ୱାମୀ ନବକିଶୋରକୁ ପୋଲିସ ଅଟକ ରଖି ପଚରାଉଚରା ଚଳାଇଥିଲା । କିନ୍ତୁ ସୋମବାର ନିଜେ ନବକିଶୋର ତାଙ୍କ ସ୍ତ୍ରୀର ଚରିତ୍ରକୁ ସନ୍ଦେହ କରି ତାକୁ ହତ୍ୟା କରିଥିବା ଆଗରେ ସ୍ୱୀକାର କରିଥିଲା । କେମିତି ସେ ତା ସ୍ତ୍ରୀ କୁ ମାରିଲା ତାହାର ସମ୍ପୂର୍ଣ୍ଣ ଡେମୋ ମଧ୍ୟ ପୋଲିସକୁ ଦେଖାଇଥିଲା ।