ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

‘ଟି ନଟରାଜନ୍ ମ୍ୟାନ୍ ଅଫ୍ ଦି ମ୍ୟାଚ୍‌ର ହକଦାର’, ଏମିତି କହି ସମସ୍ତଙ୍କ ହୃଦୟ ଜିତିଲେ ପାଣ୍ଡ୍ୟା

7/12/2020 at 1:23 PM

ସିଡନୀ,୦୭/୧୨:  ଅଷ୍ଟ୍ରେଲିଆକୁ ଭାରତ ଦ୍ୱିତୀୟ ଟି୨୦ରେ ପରାସ୍ତ କରି ସିରିଜ ଉପରେ କବଜା କରିଛି । ମ୍ୟାଚ୍ ବିଜୟର ହିରୋ ଥିଲେ ହାର୍ଦ୍ଦିକ ପାଣ୍ଡ୍ୟା । ସେ ୨୨ ବଲରୁ ବିସ୍ଫୋରକ ୪୨ ରନ୍ ସ୍କୋର କରିଥିଲେ । ୧୯୫ ରନର ବିଜୟ ଲକ୍ଷ୍ୟକୁ ପିଛା କରୁଥିବା ଭାରତ ବିରାଟ କୋହଲି ପ୍ୟାଭିଲିୟନ ଫେରିବା ପରେ ସଙ୍କଟରେ ପଡିଥିଲା । କିନ୍ତୁ ପାଣ୍ଡ୍ୟା ଆକର୍ଷଣୀୟ ବ୍ୟାଟିଂ କରି ଦଳକୁ ୬ ଓ୍ୱିକେଟରେ ବିଜୟୀ କରାଇଥିଲେ । ଏହାସହ ସିରିଜକୁ ଭାରତ ୨-୦ରେ ଜିତିନେଇଛି ।

ହାର୍ଦ୍ଦିକ ପାଣ୍ଡ୍ୟାଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଘୋଷଣା କରାଯାଇଥିଲା । କିନ୍ତୁ ପାଣ୍ଡ୍ୟା ନିଜର ବିଶାଳ ହୃଦୟ ରଖି କହିଥିଲେ ଯେ, ପ୍ରକୃତରେ ମ୍ୟାନ୍ ଅଫ୍ ଦି ମ୍ୟାଚର ହକଦାର ହେଉଛନ୍ତି ଟି ନଟରାଜନ । ସେ ଭଲ ବୋଲିଂ କରିଛନ୍ତି । ୪ ଓଭରରେ ମାତ୍ର ୨୦ ରନ୍ ବ୍ୟୟ କରିଥିଲେ ।

ପାଣ୍ଡ୍ୟା କହିଛନ୍ତି ଯେ, ବିଜୟ ଲକ୍ଷ ସହଜ ଥିଲା । ସେ ସ୍କୋରବୋର୍ଡକୁ ଦେଖି ଖେଳିବା ପସନ୍ଦ କରନ୍ତି । ଏପରି ହେଲେ ଆପଣ କେଉଁ ବୋଲରଙ୍କୁ ଟାର୍ଗେଟ୍ କରିବେ ତାହା ଭଲ ଭାବେ ବୁଝିପାରିବେ । ଏହାସହ ପୂର୍ବ ଭୁଲରୁ ସେ ଅନେକ କିଛି ଶିଖିଥିବା କହିଛନ୍ତି ।

ଆହୁରି ମଧ୍ୟ ସେ କହିଛନ୍ତି ଯେ, ଦଳ ବଡ ଲକ୍ଷ୍ୟ ହାସଲ କରିଛି । ଅଷ୍ଟ୍ରେଲିଆ ଭଲ ବ୍ୟାଟିଂ କରିଥିଲା । ଭାରତୀୟ ବୋଲର ଏହି ଷ୍ଚାଡିୟମରେ ଅସହଜ ମନେ କରୁଥିଲେ । କିନ୍ତୁ ଟି ନଟରାଜନ ଆକର୍ଷଣୀୟ ବୋଲିଂ କରିଥିବାରୁ ତାଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଦିଆଯାଉ ବୋଲି ପାଣ୍ଡ୍ୟା କହିଛନ୍ତି ।

   Related Posts