ବୈପାରୀଗୁଡା ୧୯।୭: ଚୋରି କରିବାକୁ ଯାଇ ପ୍ରାଣ ହରାଇଲେ l ମୃତକ ବୋରିଗୁମ୍ମା ଥାନା ଅନ୍ତର୍ଗତ କମରା ଗାଁର ଭାରତ ଗଣ୍ଡା l ଘଟଣା ସ୍ଥଳରେ ଜୟପୁର ଏସଡିପିଓ ତଦନ୍ତ କରୁଛନ୍ତି । କୋରାପୁଟ ଜିଲ୍ଲା କୁନ୍ଦୁରା ବ୍ଲକ ଆଟିଗାଁରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି l 

ସୂଚନାଯୋଗ୍ୟ ଯେ, ଆଟିଗାଁରେ ବ୍ୟବସାୟୀ ସଚିନ୍ଦ୍ର ଗୁପ୍ତାଙ୍କ ଘରେ ରାତି ପ୍ରାୟ ୨ଟା ବେଳେ ୫ ଜଣ  ଦୁର୍ବୃତ୍ତ ଚୋରି କରିବା ଉଦ୍ଦେଶ୍ୟରେ ଯାଇଥିଲେ l ବ୍ୟବସାୟୀଙ୍କ ଘର କବାଟ ତାଡି ଘରେ ପଶି ପରିବାର ଲୋକଙ୍କୁ ଖଣ୍ଡା ଦେଖାଇ ଭୟଭୀତ କରିଥିଲେ l ଆଉ ୧ ଲକ୍ଷ ଟଙ୍କା, ସୁନା ଚେନ ନେବା ପରେ ବ୍ୟବସାୟୀଙ୍କ ସହ ହାତାହାତି ପରିସ୍ଥିତି ଉପୁଜିଥିଲା l ଖବର ପାଇ ଗାଁ ଲୋକେ ପହଞ୍ଚିଥିଲେ l ୪ ଜଣ ଚୋର ଘଟଣାସ୍ଥଳରୁ ଚମ୍ପଟ ମାରିଥିବା ବେଳେ ଜଣେ ଚୋର ଧରାପଡିଥିଲା l ଚୋରକୁ ଉତ୍ତମ ମଧ୍ୟମ ଦେବା ପରେ କୁନ୍ଦୁରା ପୋଲିସକୁ ଜିମା ଦେଇଥିଲେ l ପୋଲିସ ଅଭିଯୁକ୍ତଙ୍କୁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ l ଚିକିତ୍ସାଧିନ ଅବସ୍ଥାରେ ଚୋରଙ୍କ ମୃତ୍ୟୁ ଘଟିଛି l ମୃତକ ବୋରିଗୁମ୍ମା ଥାନା ଅନ୍ତର୍ଗତ କମରା ଗାଁର ଭାରତ ଗଣ୍ଡା l ଘଟଣାସ୍ଥଳରେ ଜୟପୁର ଏସଡିପିଓ ତଦନ୍ତ କରୁଛନ୍ତି l 

You Can Read: