ଆଈକୁ ଚକ୍ମା ଦେଇ ଭୁବନେଶ୍ବର ଷ୍ଟେସନରୁ ୧୨ ବର୍ଷର ନାବାଳିକାକୁ ଅପହରଣ
Published By : Prameya-News7 Bureau | October 20, 2018 IST
ଭୁବନେଶ୍ବର ୨୦|୧୦ : ଭୁବନେଶ୍ବର ରେଲଓ୍ବେ ଷ୍ଟେସନରୁ ନାବାଳିକାକୁ ଅପହରଣ ଅଭିଯୋଗ ହୋଇଛି । ବୁଢି ଆଈ ମା’ ପାଖରୁ ୧୨ ବର୍ଷର ନାବାଳିକାକୁ ଜଣେ ଅଜଣା ଲୋକ ଅପହରଣ କରିନେଇଥିବା ନେଇ ଜିଆରପି ପୋଲିସରେ ଏତଲା ଦାୟର ହୋଇଛି । ପାରାଦୀପ ଷଣ୍ଡକୁଦ ଅଞ୍ଚଳରୁ ଆଇ ନାତୁଣୀ ଟ୍ରେନ୍ ଯୋଗେ ଆସୁଥିବାବେଳ ଏକ ଅଜଣା ଲୋକ ଟ୍ରେନରେ ତାଙ୍କ ସହ ଦୋସ୍ତି କରିଥିଲେ । ଭୁବନେଶ୍ବର ପହଂଚିବା ପରେ ଅଜଣା ବ୍ୟକ୍ତି ଜଣକ ତାଙ୍କ ପାଖରୁ ନାତୁଣୀକୁ ନେଇ ପଳାଇଥିବା ଅଭିଯୋଗ କରିଛନ୍ତି । ଅଜଣା ବ୍ୟକ୍ତି ଜଣକ ଠିକଣା ସ୍ଥାନରେ ପହଂଚାଇ ଦେବାକୁ ପ୍ରତିଶ୍ରୁତି ଦେଇଥିଲେ। ହେଲେ ଭୁବନେଶ୍ବର ଷ୍ଟେସନରେ ପହଂଚିବା ପରେ ଅଜଣା ବ୍ୟକ୍ତି ଜଣକ ନାତୁଣୀକୁ କୁରକୁରେ ଖାଇବାକୁ ଦେବାକୁ କହି କିଛି ଦୂରକୁ ନେଇଯାଇଥିଲେ । ପରେ ତାଙ୍କର ଆଉ ଦେଖା ଦର୍ଶନ ମିଳିନଥିଲା । ଏନେଇ ଜିଆରପି ପୋଲିସ ଏତଲା ଦାୟର କରିବା ପରେ ସିସିଟିଭି ଯାଞ୍ଚ କରିବା ସହ ତଦନ୍ତ ଆରମ୍ଭ କରିଛି ।