ନୂଆଦିଲ୍ଲୀ: ଆମେରିକାରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଚୋରି କରିବା ପରେ ଜଣେ ବ୍ୟକ୍ତିଗତ ସହାୟକ ତାଙ୍କ ମାଲିକଙ୍କୁ ଅତି ନିର୍ମମ ଭାବେ ହତ୍ୟା କରିଛି। ଚୋରି ଟଙ୍କାରେ ଗାର୍ଲଫ୍ରେଣ୍ଡକୁ ଦେଇଛି ଉପହାର। ରିପୋର୍ଟ ଅନୁଯାୟୀ ଟେକ୍ ସିଇଓ ଫହିମ ସାଲେହଙ୍କ ଠାରୁ 400,000 ଡଲାର୍ ଚୋରି କରିଥିଲା ଅଭିଯୁକ୍ତ ହସପିଲ। ହସପିଲ ଜାଲିଆତି କରି ଚୋରି କରୁଥିବା ବୋଲି ସାଲେହଙ୍କୁ ଜଣାପଡ଼ିଥିଲା। ଏନେଇ ସେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ। ଏହା ପରେ ସାଲେହ ତାଗିଦ୍ କରିବା ପରେବି ଆସିଷ୍ଟାଣ୍ଟ ଚୋରି କରିବା ଜାରି ରଖିଥିଲା। ଏହି କାରଣରୁ ତାଙ୍କୁ ଆଇନଗତ କାର୍ଯ୍ୟାନୁଷ୍ଠାନ ନେବାକୁ ଚିନ୍ତା କରିଥିଲେ ସାଲେହ କିନ୍ତୁ ଧରାପଡ଼ିବା ଭୟରେ ରଚିଥିଲା ଷଡ଼ଯନ୍ତ୍ର।
ଓକିଲ କହିଛନ୍ତି ଯେ ହସପିଲ ଏହି ହତ୍ୟାକାଣ୍ଡ ନେଇ ଆଗରୁ ଯୋଜନା କରିଥିଲା। ପ୍ରଥମେ ଏକ ଟେଜର ଗନ୍ ତଥା ବନ୍ଧୁକରେ ମାରିଥିଲା ଓ ପରେ ଶରୀରକୁ ଖଣ୍ଡ ଖଣ୍ଡ କରି କାଟି ଦିଆଯାଇଥିଲା। ପୋଲିସ କହିଛି ଯେ ଅଭିଯୁକ୍ତର ପିଲାଦିନ ବହୁତ ଯନ୍ତ୍ରଣାଦାୟକ ଥିଲା। ସେଥିପାଇଁ ସେ ଚୋରି କରୁଥିଲା। ସବୁଠୁ ବଡ଼ କଥା ହେଲା ହତ୍ୟାକାଣ୍ଡର କିଛି ଦିନ ପରେ ହସପିଲ ତାଙ୍କ ଗର୍ଲଫ୍ରେଣ୍ଡକୁ ଅନେକ ଉପହାର ଦେଇଥିଲା। ଏହା ଚୋରି ଟଙ୍କାରେ କିଣାଯାଇଥିବା କୁହାଯାଉଛି।
ରିପୋର୍ଟ ଅନୁଯାୟୀ, ଯଦି ହସପିଲଙ୍କ ଅପରାଧ ପ୍ରମାଣିତ ହୁଏ ତେବେ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇପାରେ। ତେବେ ଅଭିଯୁକ୍ତ ପକ୍ଷରୁ ଭାବପ୍ରବଣତା ଦର୍ଶାଇ ଦଣ୍ଡକୁ ହ୍ରାସ କରିବାକୁ ଚେଷ୍ଟା କରୁଛନ୍ତି।
ମ୍ୟାନହଟନ୍ ଆସିଷ୍ଟାଣ୍ଟ ଜିଲ୍ଲା ଓକିଲ ଲିଣ୍ଡା ଫୋର୍ଡ କୋର୍ଟଙ୍କୁ କହିଛନ୍ତି ଯେ 'ଏହି ସମୟ ମଧ୍ୟରେ ସେ କେବଳ ହତ୍ୟା କରିବାକୁ ଯୋଜନା କରୁନଥିଲେ, ବରଂ କିପରି ଅପରାଧକୁ ଲୁଚାଇ ରଖିବେ ଓ ଅପରାଧିକ ପ୍ରକ୍ରିୟାରେ ସାକ୍ଷ୍ୟ ପ୍ରଦାନରୁ କିପରି ରୋକାଯାଇପାରିବ ସେ ଯୋଜନା କରିଥିଲେ।
ରିପୋର୍ଟରେ କୁହାଯାଇଛି ଯେ ରକ୍ତ ଦାଗ ସଫା କରିବା ପାଇଁ ସଫେଇ ସାମଗ୍ରୀ କିଣିବା ପାଇଁ ହସପିଲ ସାଲେହଙ୍କ କ୍ରେଡିଟ କାର୍ଡ ବ୍ୟବହାର କରିଥିଲେ। ସାଲେହଙ୍କୁ କିପରି ହତ୍ୟା କରାଯାଇଥିଲା ତାହା ଓକିଲମାନେ ଖଣ୍ଡପୀଠକୁ କହିଛନ୍ତି। ସେ କହିଛନ୍ତି ଯେ ମାସ୍କ ପିନ୍ଧି ହସପିଲ ପ୍ରଥମେ ଟେଜର୍ ବନ୍ଧୁକ ସହିତ ସାଲେହଙ୍କୁ ମାରିଥିଲେ। ଗୋଟିଏ ଦିନ ପରେ ତାଙ୍କ ଶରୀରକୁ ଛୁରୀରେ ଖଣ୍ଡ ଖଣ୍ଡ କରାଯାଇଥିଲା। ତା’ପରେ ତାଙ୍କ ମୁଣ୍ଡ କାଟି ଦେଇଥିଲା।
ସେ ଆହୁରି ମଧ୍ୟ କହିଛନ୍ତି ଯେ ହସପିଲ ଅପରାଧ ଲୁଚାଇବାକୁ ଚେଷ୍ଟା କରିଥିଲେ ମଧ୍ୟ ତାଙ୍କର ଉଦ୍ୟମ ବିଫଳ ହୋଇଥିଲା। ସେ ସଫା କରିବା ପାଇଁ ଏକ ଆଣ୍ଟି-ଫେଲନ୍ ଡିସ୍କ ଆଣିଥିଲେ, ଯାହାକୁ ସେ ଅପସାରଣ କରିବାକୁ ଭୁଲି ଯାଇଥିଲେ, ଯାହା ପରେ ଘଟଣାସ୍ଥଳରେ ମିଳିଥିଲା।|