ଆଠଗଡ ୩।୩: ଶାଳକର ତୃତୀୟ ବିବାହ କରାଇ ଭିଣୋଇ ଥାନାରେ ଅଟକ । କଟକ ଜିଲ୍ଲା ଗୁରୁଡିଝାଟିଆ ଥାନା ମାଣିଆବନ୍ଧ କଙ୍କଡାଯୋଡି ଗାଁରେ ଘଟିଛି ଏଭଳି ଘଟଣା ।
{"id":232024,"sizeSlug":"large"}![](https://www.prameyanews7.com/wp-content/uploads/2020/03/vlcsnap-2020-03-03-12h00m08s106.jpg)
ସୂଚନାଯୋଗ୍ୟ ଯେ, ଅରବିନ୍ଦ ସାହୁ ଆଗରୁ ଦୁଇଟି ବିବାହ କରିଥିବା ବେଳେ ଏବେ ପୁଣି ଥରେ ବୌଦ୍ଧ ଜିଲ୍ଲାର ବଢିଗାଁରେ ବିବାହ କରିଛନ୍ତି । ଗତ ଫେବୃଆରୀ ୨୮ ତାରିଖରେ ଭିଣୋଇ ସନ୍ତୋଷ ସାହୁ ଅରବିନ୍ଦଙ୍କୁ ନିଜ ଭାଇ କହି ବିବାହ କରାଇ ଦେଇଥିଲେ । ତେବେ ଅରବିନ୍ଦ ଆଗରୁ ଦୁଇ ଜଣକୁ ବିବାହ କରିଥିବା ଖବର ଜାଣିବା ପରେ ନବବିବାହିତା ନିଜ ଘର ଲୋକଙ୍କୁ ଜଣାଇଥିଲେ ।
{"id":232025,"sizeSlug":"large"}![](https://www.prameyanews7.com/wp-content/uploads/2020/03/vlcsnap-2020-03-03-12h00m49s075.jpg)
ଏହାପରେ ଅରବିନ୍ଦ ଫେରାର ହୋଇଯାଇଛନ୍ତି । ଏପଟେ ଝିଅ ଘର ଲୋକ ଗୁରୁଡିଝାଟିଆ ଥାନାରେ ଏତଲା ଦେଇଛନ୍ତି । ପୋଲିସ ନବବିବାହିତାକୁ ଉଦ୍ଧାର କରିବା ସହ ଯୌତୁକ ଜିନିଷ ଜବତ କରିଛି । ଭିଣୋଇ ସନ୍ତୋଷ ସାହୁକୁ ଥାନାରେ ଅଟକ ରଖି ପଚରାଉଚରା କରୁଛି ପୋଲିସ ।