ଝାରସୁଗୁଡା ୨।୧୧: ରଖେ ହରି ତା ମାରେ କିଏ । ଏହାର ଜୀବନ୍ତ ଉଦାହରଣ ଦେଖିବାକୁ ମିଳିଛି ଝାରସୁଗୁଡା ରେଳଷ୍ଟେସନରେ । ଚଳନ୍ତା ଟ୍ରେନରେ ଚଢିବାକୁ ଉଦ୍ୟମ କରି ଜଣେ ବ୍ୟକ୍ତି ରେଳ ଧାରଣାରେ ଖସି ପଡୁଥିବା ବେଳେ ନିକଟରେ ଥିବା ଲୋକେ ତାଙ୍କୁ ଟାଣି ଆଣିଛନ୍ତି । ଫଳରେ ନିଶ୍ଚିତ ମୃତ୍ୟୁ ମୁଖରୁ ବର୍ତ୍ତିଯାଇଛନ୍ତି ସମ୍ପୃକ୍ତ ବ୍ୟକ୍ତି । ସିସିଟିଭିରେ ଏହି ଭିଜୁଆଲ କଏଦ ହୋଇଛି । 

ଗତକାଲି ରାତି ପ୍ରାୟ ସାଢେ ୭ଟା ବେଳେ ଜଗଦଲପୁର ହାୱଡ଼ା ସୁପରଫାଷ୍ଟ ଏକ୍ସପ୍ରେସ ଝାରସୁଗୁଡା ରେଳଷ୍ଟେସନ ଛାଡିବା ପରେ ଜଣେ ଘୁଗୁନି ବିକ୍ରେତା ଚଢ଼ିବାକୁ ଚେଷ୍ଟା କଲା ବେଳେ ଏହି ଅଘଟଣ ଘଟିଥିଲା । ସୌଭାଗ୍ୟବଶତଃ ସେ ବଞ୍ଚିଯାଇଛନ୍ତି ।