previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା : ନୀତୀଶ କୁମାରଙ୍କ ଅଷ୍ଟମ ପାଳି, ମୁଖ୍ୟମନ୍ତ୍ରୀ ଭାବେ ନେଲେ ଶପଥ
  • ||
  • ରାଜ୍ୟରେ କମିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୫୩ କୋଭିଡ୍ ପଜିଟିଭ୍
  • ||
  • ବ୍ରହ୍ମପୁର: ଗଞ୍ଜେଇ ଚାଲାଣ ବେଳେ ଧରାପଡିଲା ସୁନା ତସ୍କରୀ, ୨୦ ସୁନା ବିସ୍କୁଟ ଜବତ
  • ||
  • ସୋର : ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍, ୩୦ରୁ ଅଧିକ ଆହତ
  • ||

‘ମରିଯିବୁ ନହେଲେ ମାରିଦେବୁ କିନ୍ତୁ କରୋନା ଯାଞ୍ଚ ପାଇଁ ନମୁନା ଦେବୁନି’ – ଯୁବକଙ୍କ ଭିଡିଓ ଭାଇରାଲ୍

30/08/2020 at 2:40 PM

ଫତେହାବାଦ ୩୦/୦୮ : ହରିୟାଣା ଫତେହାବାଦ କରୋନା ସଂକ୍ରମଣ ଯାଞ୍ଚ ପାଇଁ ନମୁନା ସଂଗ୍ରହ କରିବାରେ ଅସୁବିଧା ହେଉଥିବା ଜଣାପଡିଛି | ଡେପୁଟି ସିଏମଓଙ୍କୁ ଜଣେ ବ୍ୟକ୍ତି କହିଲେ, ‘ମରିଯିବୁ ନହେଲେ ମାରିଦେବୁ କିନ୍ତୁ କରୋନା ଯାଞ୍ଚ ପାଇଁ ନମୁନା ଦେବୁନାହିଁ |’ ଏହି ଘଟଣାର ଏକ ଲାଇଭ ଭିଡିଓ ସାମ୍ନାକୁ ଆସିଛି | ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି | ଫତେହାବାଦ ଜିଲ୍ଲା ଧାରସୁଲ ଗାଁରେ କରୋନା ସଂକ୍ରମିତ ଜଣେ ମହିଳାଙ୍କ ପୁଅଙ୍କ ନମୁନା ନେବାକୁ ଯାଇଥିବା ଡାକ୍ତରଙ୍କୁ ଗାଳିଗୁଲଜ କରାଯାଇଥିଲା |

ବ୍ୟକ୍ତି ଜଣକ ହାତରେ ବାଡ଼ି ଧରି ଡାକ୍ତର ଓ ସ୍ୱାସ୍ଥ୍ୟ ବିଭାଗ ଟିମକୁ ଘରୁ ବାହାରିବାକୁ ଧମକ ଦେଇଥିଲେ | ନମୁନା ସଂଗ୍ରହକୁ ନେଇ ଗାଁରେ ପାଖାପାଖି ୨୦ ମିନିଟ ଯାଏଁ ହାଇ ଭୋଲଟେଜ ଡ୍ରାମା ଚାଲିଥିଲା | ନମୁନା ନ ଦେଇଥିବାରୁ ଏବଂ ତାଙ୍କୁ ଗାଳିଗୁଲଜ ଓ ଧମକ ଦେଇଥିବାରୁ ଡାକ୍ତର ଥାନାରେ ଅଭିଯୋଗ କରିଥିଲେ | ଡାକ୍ତରଙ୍କ ବୟାନ ଆଧାରରେ ପୋଲିସ ମାମଲା ରୁଜ୍ଜୁ କରିଛି | 

ଟିମ ସହ ଥିବା ଡେପୁଟି ସିଏମଓ ଡ.ହନୁମାନଙ୍କ ସହ ଉକ୍ତ ବ୍ୟକ୍ତି ବହୁତ ଯୁକ୍ତିତର୍କ କରିଥିଲେ | ଟିମ ସହ ଅପବ୍ୟବହାର କରିବା ସହ ନମୁନା ଦେବାକୁ ମନା କରି ଉକ୍ତ ବ୍ୟକ୍ତି ଜଣକ ଅଭିଯୁକ୍ତଙ୍କ ପରିବାରର ଅନ୍ୟ ସଦସ୍ୟଙ୍କ ନମୁନା ନଷ୍ଟ କରିବାକୁ ମଧ୍ୟ ପ୍ରୟାସ କରିଥିଲେ | ପୋଲିସ ପୁରା ମାମଲାର ତଦନ୍ତ କରୁଛି |

   Related Posts