ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ORHDC ଦୁର୍ନୀତି ମାମଲା, IAS ବିନୋଦ କୁମାରଙ୍କ ସହ ୬ ଜଣଙ୍କୁ ଜେଲ୍‌ଦଣ୍ଡ ଶୁଣାଇଲେ ସ୍ପେଶାଲ୍‌ ଜଜ୍‌
  • ||
  • ଫିରୋଜାବାଦରେ ଛାତିଥରା ଅଗ୍ନିକାଣ୍ଡ, ଜିଅନ୍ତା ଜଳିଗଲେ ପରିବାରର ୬ଜଣ
  • ||
  • କୁହୁଡ଼ି ନେଲା ଜୀବନ; ରାସ୍ତା ଦେଖାନଯିବାରୁ ବସ୍‌କୁ ପିଟିଲା ଟ୍ରକ୍, ଦୁର୍ଘଟଣାରେ ଚାଲିଗଲା ୬ ଜୀବନ
  • ||
  • ଇଡିରେ ହାଜର ହେଲେ ଅବିନାଶ ପ୍ରିୟଦର୍ଶୀ, ସୁପ୍ରିମ ଅଟୋ ମୋବାଇଲ ମୁଖ୍ୟ ପରିଚାଳକ ହେଲେ ଅବିନାଶ
  • ||

ଛାତିରେ ହେଉଥିଲା ଭୀଷଣ ଯନ୍ତ୍ରଣା, ଅପରେସନ ବେଳେ ଯାହା ବାହରିଲା ତାଜୁବ ହୋଇଗଲେ ଡାକ୍ତର

7/10/2021 at 3:25 PM

ନୂଆଦିଲ୍ଲୀ ୦୭/୧୦: ମଣିଷ ଶରୀରରେ ସୃଷ୍ଟି ହେଉଥିବା ରୋଗ ବଡ ଅଜବ ଅଟେ। କେତେବେଳେ କାହା ପେଟରୁ ଲୁହା ଏବଂ ଅନ୍ୟ ଧାତୁ ବାହାରିଥାଏ ତ ଆଉ କେତେବେଳେ ବ୍ୟକ୍ତି ହିଁ ପଥର ପାଲଟିଯାଏ। ଏପରି ଏକ ମାମଲା ଜଣେ ବ୍ୟକ୍ତିଙ୍କ ପାଖରେ ଦେଖାଯାଇଛି। ଯାହାଙ୍କ ଛାତିରେ ଯନ୍ତ୍ରଣା ହେବା ପରେ ଡାକ୍ତରମାନେ ତାଙ୍କ ହୃଦୟରୁ କିଛି ଏପରି ଜିନିଷ ବାହାର କରିଛନ୍ତି, ଯାହା କଳ୍ପନା କରିବା କଷ୍ଟକର।

ସୂଚନା ଅନୁଯାୟୀ,୫୬ ବର୍ଷ ବୟସ୍କ ବ୍ୟକ୍ତିଙ୍କ ଛାତିରେ କ୍ରମାଗତ ଯନ୍ତ୍ରଣା ହେଉଥିଲା। ଯେତେବେଳେ ସେ ଡାକ୍ତରଙ୍କ ପାଖକୁ ଗଲେ, ସେ ସିଟି ସ୍କାନ୍ କରି ଦେଖିଲେ ଯେ ଏକ ତୀକ୍ଷ୍ଣ ବସ୍ତୁ ଫୁସଫୁସ ନିକଟରୁ ହୃତପିଣ୍ଡକୁ କ୍ଷତି ପହଞ୍ଚାଉଛି। ଅନୁସନ୍ଧାନ ପରେ ଡାକ୍ତରମାନେ ଅସ୍ତ୍ରୋପଚାର କରି ହୃଦୟ ଏବଂ ଫୁସଫୁସ ମଧ୍ୟଭାଗରୁ ଏହି ଖଣ୍ଡକୁ ବାହାର କରିଥିଲେ।

ଯେଉଁ ବ୍ୟକ୍ତିଙ୍କ ଛାତିରେ ଯନ୍ତ୍ରଣା ହେଉଥିଲା, ତାଙ୍କୁ ଅଷ୍ଟିଓପୋରୋସିସ୍ ରୋଗ ହୋଇଥିଲା। ଏହି ରୋଗ ହେତୁ ତାଙ୍କ ଶରୀରରେ ଥିବା ମେରୁଦଣ୍ଡର ହାଡରେ ଫ୍ୟାକ୍ଚର ହେଉଥିଲା। ଏହି ସମସ୍ୟାର ସମାଧାନ ପାଇଁ ଡାକ୍ତରମାନେ କିଫୋପ୍ଲାଷ୍ଟି କରିଥିଲେ। ଏଥିରେ ମେରୁଦଣ୍ଡରେ ଏକ ସ୍ୱତନ୍ତ୍ର ପ୍ରକାରର ସିମେଣ୍ଟ ଇଞ୍ଜେକ୍ସନ ଦିଆଯାଏ, ଯାହାଫଳରେ ହାଡର ଦୈର୍ଘ୍ୟ ପୂର୍ବ ପରି ସମାନ ହୋଇଯାଏ। କିନ୍ତୁ ଏହି କ୍ଷେତ୍ରରେ ସିମେଣ୍ଟ ହାଡରେ ଲାଗି ନଥିଲା। ଏକ ସିମେଣ୍ଟ ଖଣ୍ଡ ବାହାରି ଶିରା ଭିତରକୁ ଚାଲିଯାଇଥିଲା।

୧୦ ସେମି ଲମ୍ବା ତୀକ୍ଷ୍ଣ ସିମେଣ୍ଟ ଖଣ୍ଡ, ଶିରା ଦେଇ ଯାଇ ସେହି ବ୍ୟକ୍ତିଙ୍କ ହୃତପିଣ୍ଡର କଡରେ ଲାଗିଯାଇଥିଲା ଏବଂ ଡାହାଣ ଫୁସଫୁସରେ ବି କଣା କରିଦେଇଥିଲା। ଏହି କାରଣରୁ ବ୍ୟକ୍ତି ଜଣଙ୍କ ଛାତିରେ ଯନ୍ତ୍ରଣା ଅନୁଭବ କରିଥିଲେ ଏବଂ ଦୁଇ ଦିନ ଧରି ସେ ନିଶ୍ୱାସ ନେବାରେ ମଧ୍ୟ ଅସୁବିଧା ଅନୁଭବ କରିଥିଲେ।

   Related Posts