ଝିଆରୀର ମାଙ୍ଗଳିକ ଦୋଷ ଦୂର କରିବା ପାଇଁ ୪ବର୍ଷ ଧରି ଦୁଷ୍କର୍ମ କରୁଥିଲା ଦାଦା ; ଅଭିଯୁକ୍ତ ଦାଦାକୁ ଗିରଫ କଲା ପୋଲିସ
Published By : Prameya-News7 Bureau | October 02, 2018 IST
![](https://api-news7.prameyanews7.com/prameya/document/media/2/2018/10/Untitled-2.jpg)
ନୂଆଦିଲ୍ଲୀ ୨|୧୦: ଦିଲ୍ଲୀରେ ଜଣେ ବ୍ୟକ୍ତି ନିଜ ଝିଆରୀର ମାଙ୍ଗଳିକ ଦୋଷ ଦୂର କରବା ପାଇଁ ଚାରି ବର୍ଷ ଧରି ଦୁଷ୍କର୍ମ କରିଥିବା ଘଟଣା ନଜରକୁ ଆସିଛି।ପୀଡିତାର ଅଭିଯୋଗ ପରେ ଦିଲ୍ଲୀ ପୋଲିସ ଅଭିଯୁକ୍ତ ଦାଦାକୁ ଗିରଫ କରିଛି ।
ଏଭଳି ଘଟଣା ରାଜଧାନୀ ଦିଲ୍ଲୀରେ ଘଟିଛି । ଦୀର୍ଘ ଚାରି ବର୍ଷ ଧରି ନିଜ ଝିଆରୀକୁ ଦୁଷ୍କର୍ମ କରିଥିଲେ ଦାଦା । ଯେତେବେଳେ ପୀଡିତାଙ୍କୁ ୧୯ବର୍ଷ ବୟସ ହୋଇଥିଲା ଦାଦା ତାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ସେ ଅଭିଯୋଗ କରିଛନ୍ତି । ତାଙ୍କର ମାଙ୍ଗଳିକ ଦୋଷ ରହିଛି ଏବଂ ତାକୁ ନିବାରଣ କରାନଗଲେ ତାଙ୍କ ବାପାଙ୍କର ମୃତ୍ୟୁ ହୋଇଯିବ ବୋଲି ଦାଦା ତାଙ୍କୁ କହିଥିଲେ । ବାପାଙ୍କ ମୃତ୍ୟୁ ହୋଇଯିବା କଥା ଶୁଣି ସେ ଦାଦାଙ୍କ କଥାରେ ରାଜି ହୋଇଯାଇଥିଲେ । ତାଙ୍କୁ ଏଭଳି ଭାବେ ଡରାଇ ଦାଦା ତାଙ୍କ ସହ ଦୁଷ୍କର୍ମ କରିଥିଲେ । ମଣିଷପଣିଆ ସହ ସଂପର୍କକୁ ଖାତିର ନକରି ତାଙ୍କ ଦାଦା ଚାରି ବର୍ଷ ଧରି ପୀଡିତାଙ୍କ ସହ ଦୁଷ୍କର୍ମ କରିଥିଲେ ।
ପୀଡିତାଙ୍କ ବିବାହ ପରେ ମଧ୍ୟ ଦାଦା ତାଙ୍କ ସହ ଏଭଳି ଦୁଷ୍କର୍ମ କରୁଥିଲେ । ବିବାହ ପରେ ମଧ୍ୟ ତାଙ୍କୁ ଡକାଇ ତାଙ୍କ ସହ ଦୁଷ୍କର୍ମ କରିବାକୁ ଲାଗିଲେ । ଏଭଳି ସବୁବେଳେ ହେବା ଦ୍ବାରା ପୀଡିତା ଆଉ ସହ୍ୟ କରିପାରିନଥିଲେ । ସେ ସବୁ ଘଟଣା ତାଙ୍କ ଶ୍ବଶୁରଙ୍କୁ କହିଥିଲେ । ବୋହୂଠାରୁ ଏଭଳି କଥା ଶୁଣିବା ପରେ ଦିଲ୍ଲୀ ସ୍ଥିତ ନରେଲା ଥାନାକୁ ତାଙ୍କୁ ନେଇଯାଇଥିଲେ । ପୀଡିତା ଥାନାରେ ଦାଦାଙ୍କ ବିରୋଧରେ ଅଭିଯୋଗ କରିଥିଲେ । ପୀଡିତାଙ୍କ ଅଭିଯୋଗ ଆଧାରରେ ଅଭିଯୁକ୍ତ ଦାଦା ବିରୋଧରେ ମାମଲା ଦାୟର କରି ତାଙ୍କୁ ଗିରଫ କରିଛି ପୋଲିସ ।