ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଦୋହଲିଲାଣି ମମତାଙ୍କ ଗଡ, ଲଗାତର ଝଟକା ଦେଉଛନ୍ତି ଦଳୀୟ ନେତା, ସ୍ଥିତି ସୁଧାରିବାକୁ ଜରୁରୀ ବୈଠକ ଡାକିଲେ ଦିଦି

18/12/2020 at 10:59 AM

କୋଲକାତା,୧୮/୧୨:     ପଶ୍ଚିମବଙ୍ଗରେ ମମତା ବାନାର୍ଜୀଙ୍କ ଗଡ ଧିରେଧିରେ ଭୁଶୁଡିବାରେ ଲାଗିଲାଣି । କାରଣ ବିଜେପି  ମମତାଙ୍କ ଗଡ ଭାଙ୍ଗିବାକୁ ଜୋରଦାର କସରତ ଆରମ୍ଭ କରିଦେଇଛି । ବିଜେପିର ଜାତୀୟସ୍ତରର ନେତା ପଶ୍ଚିମବଙ୍ଗରେ ଡେରା ପକାଉଛନ୍ତି । ଗୃହମନ୍ତ୍ରୀ ଅମିତ ଶାହଙ୍କ ଫୋକସରେ ରହିଛି ପଶ୍ଚିମବଙ୍ଗ । ଆଉ ଗୋଟିଏ ବର୍ଷ ପରେ ଏଠାରେ ବିଧାନସଭା ନିର୍ବାଚନ ଥିବା ବେଳେ ଏବେଠୁ ବଳ କଷାକଷି ହେଲେଣି ବିଜେପି ଓ ଟିଏମସି ।

ରାଜନୈତିକ ଗୋଟିଚାଳନାରେ ସିଦ୍ଧହସ୍ତ ମମତାଙ୍କ ଉପରୁ ଏବେ ଦଳର ଅନେକ ନେତା ଆସ୍ଥା ହରାଇଲେଣି । ଗୋଟିଏ ପରେ ଗୋଟିଏ ବିଧାୟକ ତଥା ରାଜ୍ୟ ରାଜନୀତିରେ ଦବଦବା ରଖୁଥିବା ଛାମୁଆ ନେତା ଏବେ ବିଜେପି ମୁହାଁ । ମମତାଙ୍କ ଘନିଷ୍ଠ ଶୁଭେନ୍ଦୁ ଅଧିକାରୀ ଦଳ ଛାଡିଥିବା ବେଳେ ଗୁରୁବାର ଜିତେନ୍ଦ୍ର ତିଓ୍ୱାରୀ ମଧ୍ୟ ଦଳରୁ ନିଜକୁ ଅଲଗା କରିଛନ୍ତି । ଦଳର ଅପରି ଅବସ୍ଥାକୁ ଦେଖି ଶୁକ୍ରବାର ମମତା ବାନାର୍ଜୀ ଜରୁରୀ ବୈଠକ ଡାକିଛନ୍ତି ।

ଜାତୀୟ ଗଣମାଧ୍ୟମର ସୂଚନାନୁସାରେ, ଟିଏମସି ନେତ୍ରୀ ମମତା ବୈଠକରେ ଦଳର ଆଗାମୀ ରଣନୀତି ବାବଦରେ ଆଲୋଚନା କରିବେ । ଦଳକୁ କିପରି ସୁଦୃଢ କରାଯିବ ସେନେଇ ମଧ୍ୟ ରୋଡମ୍ୟାପ୍ ପ୍ରସ୍ତୁତ କରାଯିବ ।

କୁହାଯାଉଛି ଯେ, ମମତାଙ୍କ ବିରୋଧରେ ମୋର୍ଚ୍ଚା ଖୋଲିଥିବା ଶୁଭେନ୍ଦୁ ଅଧିକାରୀ ଏବେ ଟିଏମସି ବିରୋଧରେ ପ୍ରଚାର ଆରମ୍ଭ କରିଦେଇଛନ୍ତି ।ସେ ସମସ୍ତ ଅସନ୍ତୁଷ୍ଟ ନେତାଙ୍କୁ ଏକାଠି କରୁଛନ୍ତି । ଗୁରୁବାର ସେ ସାଂସଦ ସୁନିତ ମଣ୍ଡଲ ଓ ଜିତେନ୍ଦ୍ର ତିଓ୍ୱାରୀଙ୍କ ସହ ଅନେକ ନେତାଙ୍କ ସହ ରୁଦ୍ଧଦ୍ୱାର ବୈଠକ କରିଥିଲେ । କଣ ପାଇଁ ଏହି ବୈଠକ ବସିଥିଲା ସେନେଇ କିଛି ଖବର ମିଳିନାହିଁ ।

ଶୁକ୍ରବାର ମମତା ଡାକିଥିବା ବୈଠକ ଏଥିପାଇଁ ଗୁରୁତ୍ୱପୂର୍ଣ୍ଣ କାରଣ ୧୯ ଓ ୨୦ ଡିସେମ୍ବରରେ ଅମିତ ଶାହ ପଶ୍ଚିମବଙ୍ଗ ଗସ୍ତ କରିବେ ବୋଲି କାର୍ଯ୍ୟକ୍ରମ ରହିଛି । ଏହି ଗସ୍ତରେ ଶୁଭେନ୍ଦୁ ପଦ୍ମ ଧରିବେ ବୋଲି କୁହାଯାଉଛି । ରାଜ୍ୟର ୫୦ରୁ ଅଧିକ ଆସନରେ ଶୁଭେନ୍ଦୁଙ୍କର ଭଲ ଦବଦବା ରହିଛି ।

ଶାହ ୨ଦିନ କୋଲକାତାରେ ରହିବେ । ଏଠାରେ ସେ ତିନୋଟି ରାଲି କରିବାର କାର୍ଯ୍ୟକ୍ରମ ରହିଛି । ଏସବୁ ଉପରେ ନଜର ଦେଇ ଶୁକ୍ରବାର ମମତାଙ୍କ ନେତୃତ୍ୱରେ ଅନୁଷ୍ଠିତ ବୈଠକ ଅନେକ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି ।

   Related Posts