କଣ୍ଟାବାଞ୍ଜି ୨୭/୧୦: ମମିତା ମେହେର ହତ୍ୟା ମାମଲାରେ କଣ୍ଟାବାଞ୍ଜି ଏଡିଜେ କୋର୍ଟରେ ମମିତାଙ୍କ ଦାଦା କୌଶିକ ମେହେର  ହାଜର ହୋଇ ସାକ୍ଷି ଦେଇଛନ୍ତି। ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଓ ତା ସହଯୋଗୀ ରାଧେଶ୍ୟାମ ଚଣ୍ଡୀକୁ ମଧ୍ୟ କୋର୍ଟରେ ହାଜର କରାଯାଇଥିଲା। ଗୁରୁବାର କୌଶିକ ମେହେରଙ୍କ  ସାକ୍ଷ ଗ୍ରହଣ କରାଯାଇଛି ବୋଲି ଏହି ମାମଲାର ସରକାରୀ ଓକିଲ ଅମରେନ୍ଦ୍ର ମିଶ୍ର କହିଛନ୍ତି। ସମୟ ଅଭାବରୁ ଅନ୍ୟମାନଙ୍କ ସାକ୍ଷ ଗ୍ରହଣ କରାଯାଇ ନାହିଁ। ବଲାଙ୍ଗୀର ଏସପି ନିତିନ କୁଶଳକର ଏଡିଜେ କୋର୍ଟରେ ଆରମ୍ଭରୁ ଶେଷ ଯାଏ ଉପସ୍ଥିତ ଥିଲେ। ନ୍ୟାୟିକ ପ୍ରକ୍ରିୟା ଚାଲୁଥିବାରୁ କୌଣସି ପ୍ରତିକିୟା ଦେବେ ନାହିଁ ବୋଲି ସେ  ଗଣମାଧ୍ୟମକୁ କହିଛନ୍ତି। ଆମକୁ ଶୀଘ୍ର ନ୍ୟାୟ୍ ମିଳିଲେ ନ୍ୟାୟିକ ପ୍ରକ୍ରିୟାରେ ସନ୍ତୁଷ୍ଟ ହେବୁ କୌଶିକ ମେହେର ଗଣମାଧ୍ୟମକୁ କହିଛନ୍ତି ।