ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

ଲକ୍ଷ୍ମୀପୁର ହିଂସା ଘଟଣାରେ ବିଜେପିକୁ ଘେରିଲେ ମମତା ବାନାର୍ଜୀ : କହିଲେ, ‘ଏହା ରାମ ରାଜ୍ୟ ନୁହେଁ କିଲିଂ ରାଜ୍ୟ’

4/10/2021 at 9:50 PM

କୋଲକାତା ୦୪/୧୦ : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ଉତ୍ତର ପ୍ରଦେଶ ଲକ୍ଷ୍ମୀପୁରର ଖିରୀରେ ଘଟିଥିବା ହିଂସାକୁ ନେଇ ସିଧାସଳଖ ବିଜେପିକୁ ଘେରିଛନ୍ତି । ଗତକାଲି କେନ୍ଦ୍ରମନ୍ତ୍ରୀଙ୍କ ପୁଅଙ୍କ ଗାଡି ଧକ୍କାରେ ୪ ଜଣ ଚାଷୀ, ଜଣେ ସ୍ଥାନୀୟ ସାମ୍ବାଦିକଙ୍କ ସମେତ ୮ ଜଣଙ୍କର ଜୀବନ ଯାଇଥିଲା । ଘଟଣାକୁ ଦୃଢ ନିନ୍ଦା କରିବା ସହିତ ଦିଦି କହିଛନ୍ତି, ‘ବିଜେପି ସରକାର ଲୋକତନ୍ତ୍ର ବିଶ୍ବାସ କରେ ନାହିଁ ଏବଂ କେବଳ ନିରଙ୍କୁଶତା ଚାହେଁ ।’  

ମମତା ବାନାର୍ଜୀ କହିଛନ୍ତି, ‘ଏହା ଖୁବ ଦୁଃଖ ଦାୟକ ଏବଂ ଦୁର୍ଭାଗ୍ୟପୂର୍ଣ୍ଣ । ଏହି ଘଟଣାର ନିନ୍ଦା କରିବା ପାଇଁ ଭାଷା ନାହିଁ । ବିଜେପି ସରକାର ଲୋକତନ୍ତ୍ରରେ ବିଶ୍ବାସ କରେନାହିଁ, କେବଳ ନିରଙ୍କୁଶତା ଚାହେଁ । କଣ ଏହା ରାମ ରାଜ୍ୟ? ନା, ଏହା ରାମ ରାଜ୍ୟ ନୁହେଁ ବରଂ କିଲିଂ ରାଜ୍ୟ ।’

ସୂଚନାଯୋଗ୍ୟ, ଲକ୍ଷ୍ମୀପୁର ଘଟଣାକୁ ନେଇ ବିପକ୍ଷ ଦଳମାନେ ଲଗାତାର ଭାବେ ସରକାରଙ୍କୁ ଟାର୍ଗେଟ୍‌ କରିବାରେ ଲାଗିଛନ୍ତି । କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧିଙ୍କ ସମେତ ଅନେକ ନେତା ଲକ୍ଷ୍ମୀପୁର ଖିରୀ ଯାଉଥିବା ବେଳେ ପୋଲିସ ତାଙ୍କୁ ଅଟକାଇବା ସହ ହେପାଜତକୁ ନେଇଥିଲା । କେବଳ ସେତିକି ନୁହେଁ, ସମାଜବାଦୀ ପାର୍ଟି ନେତା ଅଖିଳେଶ ଯାଦବଙ୍କୁ ମଧ୍ୟ ଲକ୍ଷ୍ନୌ ସ୍ଥିତ ତାଙ୍କ ବାସଭବନ ବାହାରୁ ହେପାଜତକୁ ନେଇଯାଇଥିଲା ପୋଲିସ । କାରଣ ସେ ଲକ୍ଷ୍ମୀପୁର ଯିବାକୁ ଅନୁମତି ନଥିବା ବେଳେ ଯିବାକୁ ଚାହୁଁଥିଲେ ।

   Related Posts