ମାଲକାନଗିରି ୧୯।୦୧ : ମାଲକାନଗିରି ଜିଲ୍ଲାରେ ବାଘ ଛାଲ ଜବତ । ମୋଟୁ ବନାଞ୍ଚଳ ଅନ୍ତର୍ଗତ ପୋଟେରୁତ କେନାଲ ରାସ୍ତାରୁ ଗୋଟିଏ କଲରାପତରିଆ ବାଘ ଛାଲ ଜବତ କରିଛି ବନ ବିଭାଗ ।
ଖବର ଅନୁଯାୟୀ, ମାଲକାନଗିରି ଜିଲ୍ଲା ମାନ୍ୟମକୋଣ୍ଡା ପଞ୍ଚାୟତ ଅନ୍ତର୍ଗତ ମାଙ୍ଗିପାଲି ଗାଁର ମୁକେଶ ମାଡକାମି, ପେଣ୍ଟା ମାଡକାମି ଓ ଦୁଲା ମାଡକାମି ଗୋଟିଏ ମୋଟର ସାଇକେଲରେ ଏହି ବାଘ ଛାଲକୁ ନେଇ ଆନ୍ଧ୍ର ପ୍ରଦେଶ ବିକ୍ରି କରିବାକୁ ଯାଉଥିଲେ । ଏହି ସମୟରେ ବିଶେଷ ସୂତ୍ରରୁ ଖବର ପାଇ ବନ ବିଭାଗ ଏହାକୁ ଜବତ କରିଛି । ଗିରଫ ତିନି ଜଣଙ୍କୁ ଆଜି କୋର୍ଟ ଚାଲାଣ କରାଯିବା ସହ ଘଟଣାର ଅଧିକ ତଦନ୍ତ କରାଯିବ ବୋଲି ମାଲକାନଗିରି ଡିଏଫଓ କହିଛନ୍ତି ।
ତେବେ ଜବତ ହୋଇଥିବା ବାଘ ଛାଲଟିର ଲମ୍ବ ୧.୧୩ ମିଟର ହୋଇଥିବା ଜଣାପଡିଛି । ଏତେ ଲମ୍ବର ବାଘ ଛାଲ, ଏମାନେ ଆଣିଲେ କେଉଁଠି । ତାକୁ ନେଇ ଏବେ ସବୁଠୁ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି ।
