ମାଲକାନଗିରି ୬|୭: ମାଲକାନଗିରିରେ ୨ ଶିଶୁଙ୍କୁ ବିଷ ଦେଇ ସୀତା ମାଡକାମୀଙ୍କ ଆତ୍ମହତ୍ୟା ଘଟଣାରେ ସଦର ମେଡିକାଲରେ ଚିକିତ୍ସାଧୀନ ୨ ଶିଶୁଙ୍କୁ ଭେଟିଛନ୍ତି ବିଧାୟକ ଆଦିତ୍ୟ ମାଢି । ସ୍ବାସ୍ଥ୍ୟ ଅବସ୍ଥା ପଚାରି ବୁଝିବା ସହ ସେମାନଙ୍କ ଭବିଷ୍ୟତ ପାଇଁ ସରକାର ଦାୟିତ୍ବ ନେବା ଆବଶ୍ୟକ ବୋଲି ସେ କହିଛନ୍ତି । ଗତ ୩୦ରେ ଗୌଡଗୁଡା ପଞ୍ଚାୟତ ଗେରେଇଗୁଡା ଗାଁର ସୀତା ମାଡକାମୀ ୨ ପିଲାଙ୍କୁ ବିଷଦେଇ ନିଜେ ଆତ୍ମହତ୍ୟା କରିବା ଘଟଣା ପୁରା ରାଜ୍ୟରେ ଆଲୋଡନ ସୃଷ୍ଟି କରିଥିଲା । ବିଧାନସଭାରେ ବି ଏହି ପ୍ରସଙ୍ଗ ଉଠିଥିଲା । ସରକାରଙ୍କ ଯୋଜନା ଲୋକଙ୍କ ନିକଟରେ ପହଞ୍ଚୁନଥିବା ବାଚସ୍ପତିଙ୍କୁ କହିଥିଲେ ବିଧାୟକ ଆଦିତ୍ୟ ମାଢି । ବାଚସ୍ପତିଙ୍କ ତଦନ୍ତ ନିର୍ଦ୍ଦେଶ ପରେ ବିଡିଓ ଗାଁକୁ ଯାଇ ଘଟଣାର ତଦନ୍ତ କରିଥିବାବେଳେ ଜିଲ୍ଲାପାଳ ମେଡିକାଲ ଯାଇ ୨ ଶିଶୁଙ୍କୁ ଦେଖାକରିଥିଲେ ।