vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୨୮ କୋଭିଡ୍ ପଜିଟିଭ୍
  • ||
  • ଦେଶରେ ବଢୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୮୯୩୦ କରୋନା ପଜିଟିଭ୍
  • ||
  • ଇଂଲଣ୍ଡରେ ଜନ୍ମଦିନ ପାଳିଲେ ଧୋନୀ, କାଟିଲେ କେକ୍ : ପତ୍ନୀ ସାକ୍ଷୀ ସେୟାର କଲେ ଭିଡିଓ
  • ||
  • କେବଳ ସ୍ପାଇସଜେଟ୍ ନୁହେଁ, ଅନ୍ୟ କମ୍ପାନୀର ବିମାନରେ ମଧ୍ୟ ବଢୁଛି ତ୍ରୁଟି : ଯାତ୍ରୀଙ୍କ ସୁରକ୍ଷାକୁ ନେଇ ଚିନ୍ତା
  • ||
  • ୪୧ ବର୍ଷରେ ପାଦ ଦେଲେ କ୍ୟାପ୍ଟେନ୍ କୁଲ୍ : ଟିମ୍ ଇଣ୍ଡିଆକୁ ଜିତାଇଥିଲେ ଦିନିକିଆ ଓ ଟି୨୦ ବିଶ୍ୱକପ୍
  • ||
  • ଜନ୍ମଦିନରେ ଓ୍ୱିମ୍ବଲଡନ୍ ଦେଖିବାକୁ ପହଁଚିଲେ ମାହି, ସାମ୍ନାକୁ ଆସିଲା ଫଟୋ
  • ||

ମାଲକାନଗିରିରେ ବନ୍ୟା ସ୍ଥିତି ସଙ୍ଗୀନ, ସେପଟେ ଆସୁଛି ଆଉ ଏକ ଲଘୁଚାପ, ଉପକୂଳ ଓଡିଶାରେ ଛେଚିବ

17/08/2020 at 7:25 PM

ଭୁବନେଶ୍ୱର, ୧୭|୦୮:  ମାଲକାନଗିରି ବନ୍ୟା ସ୍ଥିତିରେ ଆସିନି ସୁଧାର । ଜିଲ୍ଲାର ଅନେକ ଅଞ୍ଚଳ ଏବେ ବି ବାହ୍ୟ ଜଗତରୁ ବିଚ୍ଛିନ୍ନ ହୋଇ ରହିଛି । ବଢି ଚାଲିଛି ବିଭିନ୍ନ ନଦୀର ଜଳସ୍ତର । ପୋଟେରୁ, କାଙ୍କୁରୁକୋଣ୍ଡା, ଏମଭି-୯୬, କନ୍ୟାଶ୍ରମ, କୋରୁକୋଣ୍ଡା ଓ ତାର୍ଲାକୋଟା ପୋଲ ଉପରେ ଆଜି ମଧ୍ୟ ପାଣି ପ୍ରବାହିତ ହେଉଛି । କାଙ୍କରକୋଣ୍ଡା ପୋଲ ଉପରେ ୬ ଫୁଟ ପାଣି ଚାଲୁଛି।  କାଲିମେଳା, ପଡିଆ, କୋରୁକୋଣ୍ଡା ଓ ଚିତ୍ରକୋଣ୍ଡା ବ୍ଲକରେ ବ୍ୟାପକ କ୍ଷତି ହୋଇଛି ।

ସବୁଠୁ ବେଶୀ କ୍ଷତି ହୋଇଛି କାଲିମେଳା ବ୍ଲକର ଗୁମକା, କାଙ୍କୁରୁକୋଣ୍ଡା ଓ ବଦିଲି ପଞ୍ଚାୟରେ । ପୋଟେରୁ ନଦୀର ବନ୍ୟା ଏହି ସବୁ ଅଞ୍ଚଳକୁ ବୁଡାଇ ଦେଇଛି । ଶହ ଶହ ହେକ୍ଟର ଧାନ ଫସଲ ନଷ୍ଟ ହୋଇଥିବା ବେଳେ ଅନେକ ଝାଟିମାଟି ଘର ମାଟିରେ ମିଶି ଯାଇଛି । ବନ୍ୟା ବିପନ୍ନଙ୍କୁ ଉଦ୍ଧାର ପାଇଁ ଓଡ୍ରାଫ୍ ଟିମ୍ କୁ ଆଲର୍ଟ ରଖାଯାଇଛି । ତେବେ ଅନେକ ସ୍ଥାନରେ ପ୍ରଶାସନ ପହଞ୍ଚି ନଥିବା ଅଭିଯୋଗ ହୋଇଛି ।

ଢେଙ୍କାନାଳ ଜିଲ୍ଲାର ଭୁବନ ଓ ଗଁନ୍ଦିଆ ବ୍ଲକରେ ବନ୍ୟା ସ୍ଥିତିରେ ସୁଧାର ଆସିଛି । ବ୍ରାହ୍ମଣୀ ନଦୀରେ ପାଣି କିଛି ମାତ୍ରାରେ କମିଛି । ବାଲେଶ୍ବରରେ ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା ନଦୀ ।  ମୟୁରଭଂଜ ଜିଲ୍ଲାର ରାସଗୋବିନ୍ଦପୁର, ବାଲେଶ୍ବର ଜିଲ୍ଲାର ବସ୍ତା ଓ ବାଲିଆପାଳ ବ୍ଲକର ତଳି ଅଞ୍ଚଳରେ ପାଣି ପଶିଛି । ସେହିପରି କେନ୍ଦ୍ରାପଡା ଚରପଡା ବିକଟ ବିରୂପା  ନଦୀ ପଠାରୁ ୪ ଜଣ ଘୁଷୁରି ଜଗୁଆଳିଙ୍କୁ ଉଦ୍ଧାର କରାଯାଇଛି । ନଦୀରେ ହଠାତ୍ ପାଣି ମାଡି ଆସିବାରୁ ସେମାନେ ଏକ କୁଦରେ ଅଟକି ରହିଥିଲେ ।  ଅଗ୍ନିଶମ ବିଭାଗ ଏମାନଙ୍କୁ ଉଦ୍ଧାର କରିଛି । ଶୁକ୍ରବାର ଠାରୁ  ଲାଗି ଥିବା ପ୍ରବଳ ବର୍ଷା ଫଳରେ ଦେବଗଡ଼ ପୌରାଞ୍ଚଳରେ ପାଣି ପଶିଛି।

୧୯ରୁ ଆସୁଛି ଆଉ ଏକ ଲଘୁଚାପ । ୧୮ରୁ ରାଜ୍ୟରେ ପ୍ରବଳ ବର୍ଷା ସମ୍ଭାବନା ଥିବା ପାଣିପାଗ ବିଭାଗ ପୂର୍ବାନୁମାନ କରିଛି । ଉପକୂଳ ଜିଲ୍ଲା ସମତେ କେନ୍ଦୁଝର, ଢେଙ୍କାନାଳରେ ପ୍ରବଳ ବର୍ଷିବ । ଚଳିତମସରେ ଏହା ଚତୁର୍ଥ ଲଘୁଚାପ । ସେପଟେ ଜଗତସିଂହପୁର ଏରସମା ବ୍ଲକ କଳାବେଦି ନିକଟରେ ପାଖପାଖି ୩ ଶହ ମିଟର ଜନବସତି ଆଡକୁ ମାଡିଆସିଛି ସମୁଦ୍ର । ଫଳରେ ଲୋକେ ସେଠାରେ ଲୋକେ ଭୟଭୀତ ହୋଇପଡ଼ିଛନ୍ତି।

   Related Posts