ମଲୟାଲମ ନିର୍ଦ୍ଦେଶକ ସିଦ୍ଦିକିଙ୍କ ପରଲୋକ, ସଲମାନଙ୍କ ‘ବଡିଗାର୍ଡ’ ଫିଲ୍ମର କରିଥିଲେ ନିର୍ଦ୍ଦେଶନା

Published By : Prameya-News7 Bureau | August 08, 2023 IST

ନୂଆଦିଲ୍ଲୀ, ୦୮/୦୮: ଦକ୍ଷିଣ ଭାରତ ସିନେମା ଜଗତକୁ ବଡ଼ ଝଟକା। ମଲୟାଲମ ସିନେମା ଜଗତର ପ୍ରସିଦ୍ଧ ନିର୍ଦ୍ଦେଶକ ସିଦ୍ଦିକଙ୍କ ଦେହାନ୍ତ। ହାର୍ଟ ଆଟାକ୍‌ କାରଣରୁ ଏହି ୬୩ ବର୍ଷୀୟ ନିର୍ଦ୍ଦେଶକଙ୍କ ମୃତ୍ୟ ହାଇଛି। ସିଦ୍ଦିକି ସଲମାନ ଖାନଙ୍କ ହିନ୍ଦି ଫିଲ୍ମ ବଡିଗାର୍ଡର ନିର୍ଦ୍ଦେଶନା ଦେଇଥିଲେ।

ସୂଚନା ଅନୁଯାୟୀ, ସିଦ୍ଦିକିଙ୍କୁ ସୋମବାର ହାର୍ଟ ଆଟାକ୍ ଆସିଥିଲା। ଏହା ପରେ ତାଙ୍କୁ ସଙ୍ଗେ ସଙ୍ଗେ କୋଚ୍ଚିର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲ। କିନ୍ତୁ ହସ୍ପିଟାଲ ପହଞ୍ଚିବା ପୂର୍ବରୁ ତାଙ୍କର ଅବସ୍ଥା ଆହୁରି ଖରାପ ହୋଇଥିଲା। ଆଉ ହସ୍ପିଟାଲରେ ଡାକ୍ତରଙ୍କ ସମସ୍ତ ଚେଷ୍ଟା ସତ୍ତ୍ବେ ବି ତାଙ୍କ ଜୀବନ ରକ୍ଷା କରାଯାଇପାରିନଥିଲା। ତାଙ୍କର ମୃତ୍ୟୁ ପରେ ସମଗ୍ର ସିନେମା ଜଗତରେ ଖେଳିଯାଇଛି ଶୋକର ଛାୟା। ବୁଧବାର ସନ୍ଧ୍ୟା ୬ଟାରେ ସିଦ୍ଦିକିଙ୍କ ଅନ୍ତିମ ସଂସ୍କାର କରାଯିବ।

ଏହି ସବୁ ଫିଲ୍ମ କରିଥିଲା ଲୋକପ୍ରିୟ:

ସିଦ୍ଦିକିଙ୍କ ପ୍ରଥମ ଫିଲ୍ମ ‘ରାମଜୀ ରାଓ ସ୍ପିକିଂ’ ୧୯୮୯ରେ ଆସିଥିଲା। ଏହା ବ୍ୟତୀତ ତାଙ୍କର ଲୋକପ୍ରିୟ ଫିଲ୍ମ ତାଲିକାରେ ‘ହରିହର ନଗର’ (୧୯୯୦), ‘ଗଡଫାଦର’ (୧୯୯୧), ‘ଭିଏତନାମ କଲୋନୀ’ (୧୯୯୨), ‘କାବୁଲିଓ୍ବାଲା’ (୧୯୯୩) ଏବଂ ‘ହିଟଲର’ (୧୯୯୬) ଏବଂ ‘ବଡିଗାର୍ଡ’ ଭଳି ଫିଲ୍ମ ରହିଛି।ସଲମାନଙ୍କ ‘ବଡିଗାର୍ଡ’ ଫିଲ୍ମର ତାମିଲ ସଂସ୍କରଣକୁ ମଧ୍ୟ ସେ ନିର୍ଦ୍ଦେଶନା କରିଥିଲେ। ଯାହାର ନାମ ଥିଲା ‘କବଲନ’। ସେଥିରେ ବିଜୟଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିଥିଲା।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.