ପୁଅ ପାଇଁ ପୁଣି ଏକାଠି ନଜର ଆସିଲେ ମଲାଇକା-ଅରବାଜ, ଦୂରେଇ ଯିବେ କି ଅର୍ଜୁନ୍ ?
25/08/2022 at 10:07 AM
ମୁମ୍ଵାଇ ୨୫।୦୮: ବଲିଉଡ୍ ଆଇଟମ୍ ନମ୍ଵର ତଥା ଜଣାଶୁଣା ଅଭିନେତ୍ରୀ ମଲାଇକା ଆରୋରା। ତାଙ୍କ ପୁଅକୁ ସେ ବହୁତ ଭଲ ପାଆନ୍ତି । ଦୁହେଁ ଏକାଠି ପ୍ରାୟତଃ ଦେଖିବାକୁ ମିଳନ୍ତି। ମଲାଇକା ଏବଂ ଅରହାନ ଖାନଙ୍କ ମଧ୍ୟରେ ଥିବା ସମ୍ପର୍କ ବହୁତ ଶକ୍ତିଶାଳୀ । ଉଭୟ ପରସ୍ପରକୁ ବହୁତ ସମ୍ମାନ ମଧ୍ୟ ଦିଅନ୍ତି । ନିକଟରେ ମଲାଇକା ଆରୋରାଙ୍କର ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ସେ ତାଙ୍କ ପୂର୍ବ ସ୍ୱାମୀ ଅର୍ଥାତ୍ ଅରବାଜ ଖାନ ଏବଂ ପୁଅ ଅରହାନଙ୍କ ସହ ଠିଆ ହୋଇଛନ୍ତି। ଭିଡିଓ ଦେଖି ଲାଗୁଛି ଯେ ଉଭୟ ଅରହାନକୁ ଛାଡିବାକୁ ଆସିଛନ୍ତି।
ନିକଟରେ ବିମାନବନ୍ଦରରୁ ଅରବାଜ ଖାନ, ମଲାଇକା ଆରୋରା ଏବଂ ସେମାନଙ୍କ ପୁଅ ଅରହାନ ଖାନଙ୍କ ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ ଦୁହେଁ ନିଜ ପୁଅ ଉପରେ ପ୍ରେମ ବର୍ଷା କରୁଛନ୍ତି। ଦେଖାଯାଉଛି ଯେ ପୁଅ ଅରହାନ କାରଣରୁ ଦୁହେଁ ଏକାଠି ହୋଇଛନ୍ତି । ଆମେ ଆପଣଙ୍କୁ କହିବୁ, ଅରହାନ ବିଦେଶରେ ପାଠପଢା କରୁଛନ୍ତି। ଏବେ ସେ ଛୁଟିଦିନରେ ମୁମ୍ବାଇକୁ ଆସିଥିଲେ । ଏହି ସମୟରେ ତିନିଜଣଙ୍କୁ ଏକାଠି ଦେଖିବାକୁ ମିଳିଥିଲା।
ଅନ୍ୟପଟେ କହିବାକୁ ଗଲେ ୧୯୯୮ରେ ମଲାଇକା ଅରୋରା ଏବଂ ଅରବାଜ ଖାନ ବିବାହ କରିଥିଲେ। ଦୁହେଁ ପରସ୍ପରକୁ ଭଲଭାବେ ଜାଣିବା ପରେ ବିବାହ କରିବାକୁ ନିଷ୍ପତ୍ତି ନେଇଥିଲେ । ୫ବର୍ଷ ଡେଟିଂ କରିବା ପରେ ମଲାଇକା ଏବଂ ଅରବାଜ ପରସ୍ପରକୁ ସବୁଦିନ ପାଇଁ ଏକାଠି ରହିବାକୁ ପ୍ରତିଶୃତି ଦେଇଥିଲେ। ବିବାହ ପରେ ଦୁହେଁ ୧୯ବର୍ଷ ଏକାଠି ରହିଲେ କିନ୍ତୁ ତା’ପରେ ସେମାନଙ୍କ ସମ୍ପର୍କ ଫାଟ ସୃଷ୍ଟି ହୋଇଥିଲା।
୨୦୧୭ରେ ଏକ ଛାଡପତ୍ର ହେବା ପରେ ୨୦୧୮ରେ ଖବର ଆସିବାକୁ ଲାଗିଲା ଯେ ମଲାଇକା ଏବଂ ଅର୍ଜନ୍ କପୁର ଏକ ସଂପର୍କରେ ଅଛନ୍ତି । ସେ ଏହି ସମ୍ପର୍କକୁ ଲୁଚାଇବାକୁ ବହୁତ ଚେଷ୍ଟା କରିଥିଲେ କିନ୍ତୁ ଏହା ଲୁଚି ପାରିଲା ନାହିଁ। ସେମାନଙ୍କ ପ୍ରେମ ୨୦୧୭ରେ ଆରମ୍ଭ ହୋଇଥିଲା । ଅର୍ଥାତ୍ ଅରବାଜଙ୍କ ସହ ସମ୍ପର୍କ ଶେଷ ହେବା ମାତ୍ରେ ଅର୍ଜୁନ ମଲାଇକାଙ୍କ ଜୀବନକୁ ଆସିଥିଲେ। ସେପଟେ ଅରବାଜଙ୍କ ଜୀବନରେ ଏଣ୍ଟ୍ରି କରିଛନ୍ତି ଜର୍ଜିଆ ।
