scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମେଦିନାପୁର ବାଣ ବିସ୍ଫୋରଣ ଘଟଣା : କଟକରେ ଚିକିତ୍ସାଧିନ ଅବସ୍ଥାରେ ମୁଖ୍ୟ ଅଭିଯୁକ୍ତର ମୃତ୍ୟୁ

19/05/2023 at 5:43 PM

କଟକ ୧୯।୫: ପଶ୍ଚିମବଙ୍ଗ ପୂର୍ବ ମେଦିନାପୁର ଏଗ୍ରା ଥାନା ଅଞ୍ଚଳରେ ବାଣ ବିସ୍ଫୋରଣ ଘଟଣାର ମୁଖ୍ୟ ଅଭିଯୁକ୍ତ ତଥା ବାଣ କାରଖାନା ମାଲିକ ଭାନୁ ବାଗଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । ଗତ ୧୬ତାରିଖ ବିଳମ୍ବିତ ରାତିରେ ଭାନୁଙ୍କୁ ଗୁରୁତର ଅବସ୍ଥାରେ ତାଙ୍କ ପରିବାର ଲୋକେ କଟକ ସଦର ଥାନା ଅନ୍ତର୍ଗତ ଏକ ଘରୋଇ ହସ୍ପିଟାଲରେ ଭର୍ତ୍ତି କରିଥିଲେ । ଭାନୁଙ୍କ ଶରୀରର ୮୦ ପ୍ରତିଶତ ଅଂଶ ପୋଡିଯାଇଥିଲା । ଗୁରୁବାର କୋଲକାତା କ୍ରାଇମବ୍ରାଞ୍ଚର ଏକ ଟିମ୍ କଟକ ଆସି ଭାନୁଙ୍କୁ ଗିରଫ ଦର୍ଶାଇବା ସହ ତାଙ୍କ ସହ ଆସିଥିବା ଦୁଇ ଜଣଙ୍କୁ ଅଟକ ରଖି ସଦର ପୋଲିସ ସହାୟତାରେ ଗିରଫ କରିଥିଲା । ମୃତକଙ୍କ ଘର ପୂର୍ବ ମେଦିନାପୁର ଏଗ୍ରା ଥାନା ଅନ୍ତର୍ଗତ ଖାଦିପୁଲରେ ବୋଲି ଜଣାପଡିଛି ।

ଗତ ୧୬ ତାରିଖରେ ଭୁଲ ପରିଚୟ ଏବଂ ଠିକଣା ଦେଇ କଟକର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଥିଲେ ଅଭିଯୁକ୍ତ । ସମ୍ପର୍କୀୟଙ୍କ ଏକ କାର୍ଯ୍ୟକ୍ରମରେ ରୋଷେଇ କରୁଥିବା ବେଳେ ଗ୍ୟାସ୍ ଟାଙ୍କି ଫାଟିଯିବାରୁ ସେ ଆହତ ହୋଇଛନ୍ତି ବୋଲି ହସ୍ପିଟାଲ କର୍ତ୍ତୃପକ୍ଷଙ୍କୁ ପରିବାର ଲୋକେ କହିଥିଲେ । ଘଟଣା ସମ୍ପର୍କରେ ସ୍ଥାନୀୟ ପୋଲିସକୁ ଅବଗତ କରାଯାଇଥିଲା ବୋଲି ହସ୍ପିଟାଲ କର୍ତ୍ତୃପକ୍ଷ କହିଛନ୍ତି । କୋଲକାତା ପୋଲିସ ଟିମ୍ ଏବଂ କଟକ କମିଶନରରେଟ ପୋଲିସ ଟିମ୍ ଘରୋଇ ହସ୍ପିଟାଲରେ ଅଛନ୍ତି । ଶୁକ୍ରବାର କଟକ ଏସସିବି ମେଡିକାଲ କଲେଜରେ ମୃତକଙ୍କ ଶବ ବ୍ୟବଚ୍ଛେଦ କରାଯିବ ବୋଲି ସୂଚନା ମିଳିଛି । ଗୁରୁବାର ମୃତକଙ୍କ ପୁତୁରା ଇନ୍ଦ୍ରଜିତ ବାଗ ଏବଂ ପୁଅ ପ୍ରିଥିଜିତ ବାଗକୁ କଟକରୁ ଗିରଫ କରିଛି କୋଲକାତା ପୋଲିସ । କଟକ ସଦର ଥାନାରେ ଘଟଣାକୁ ନେଇ ଏକ ଅପମୃତ୍ୟୁ ମାମଲା ରୁଜୁ ହୋଇଛି ।

   Related Posts