scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପରକୀୟା ପ୍ରେମରେ ପଡ଼ି ଢେଙ୍କାନାଳର ମଂଟୁ ପାତ୍ରଙ୍କୁ ହତ୍ୟା କରିଥିଲା ଯବାନ ସଂଜୟ : ଗିରଫ ହେଲା ମୁଖ୍ୟ ଅଭିଯୁକ୍ତ; ପୂର୍ବରୁ ଗିରଫ ହୋଇଛି ମୃତ ମଂଟୁ ପାତ୍ରଙ୍କ ସ୍ତ୍ରୀ ଅରୁଣା

20/10/2018 at 8:30 PM

ଢେଙ୍କାନାଳ ୨୦/୧୦: ଢେଙ୍କାନାଳର ବହୁଚର୍ଚ୍ଚିତ ସୁନା ବ୍ୟବସାୟୀ ମଣ୍ଟୁ ପାତ୍ର ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ସଞ୍ଜୟ କୁମାରଙ୍କୁ ଢେଙ୍କାନାଳ ପୋଲିସ ଗିରଫ କରିଛି । ସଞ୍ଜୟ କୁମାର ଜଣେ ସାମରିକ ଯବାନ । ଆସାମର ଦିବ୍ରୁଗଡ଼ରେ ଥିବା ଆହ୍ଲାବାଦ ରେଜିମେଣ୍ଟରେ କାମ କରୁଥିଲା ସଞ୍ଜୟ । ଏହି ଘଟଣାରେ ପୋଲିସ ମୃତ ମଣ୍ଟୁ ପାତ୍ରଙ୍କ ସ୍ତ୍ରୀ ଅରୁଣା ପାତ୍ରଙ୍କୁ କିଛିଦିନ ତଳେ ଗିରଫ କରିଥିଲା ।

ହତ୍ୟାକାଣ୍ଡ ପଛର ମୁଖ୍ୟ କାରଣ ପରକୀୟା ପ୍ରେମ ବୋଲି ପ୍ରଥମରୁ ସନ୍ଦେହ କରାଯାଇଥିଲା । ଅରୁଣା ପାତ୍ରଙ୍କୁ ଗିରଫ କରିବାପରେ ସମଗ୍ର ଘଟଣା ପଦାକୁ ଆସିଥିଲା । ଅରୁଣା ପାତ୍ରଙ୍କୁ ଜେରା କରିବାବେଳେ ମଣ୍ଟୁ ପାତ୍ରଙ୍କୁ ସଞ୍ଜୟ କୁମାର ହତ୍ୟା କରିଥିଲା ଓ ସେଥିରେ ଅରୁଣା ସହଯୋଗ କରିଥିଲା ବୋଲି ପୋଲିସ ଜାଣିପାରିଥିଲା ।

          ମୃତ ମଣ୍ଟୁ ପାତ୍ରଙ୍କ ସ୍ତ୍ରୀ ଅରୁଣା ପାତ୍ର ଏବଂ ସଞ୍ଜୟ ମଧ୍ୟରେ ଫେସବୁକ୍‌ରୁ ପ୍ରେମ ଆରମ୍ଭ ହୋଇଥିଲା ପରସ୍ପରକୁ ନିଜର କରିବା ପାଇଁ ଦୁହେଁ ବ୍ୟଗ୍ର ଥିଲେ । ହେଲେ ଅରୁଣାଙ୍କ ସ୍ୱାମୀ ମଣ୍ଟୁ ପାତ୍ର କଣ୍ଟା ହୋଇଥିଲା । ସେଥିପାଇଁ ମଣ୍ଟୁ ପାତ୍ରକୁ ରାସ୍ତାରୁ ହଟାଇବା ପାଇଁ ସ୍ତ୍ରୀ ଅରୁଣା ଓ ସଞ୍ଜୟ ଯୋଜନା କରିଥିଲେ । ଯୋଜନା ମୁତାବକ ସେପ୍ଟେମ୍ୱର ୩ ତାରିଖ ଦିନ ଦ୍ୱିପହରେ ଗହଣା ଦୋକାନ ବନ୍ଦ କରି ମଣ୍ଟୁ ଘରକୁ ଖାଇବାକୁ ଆସିଥିଲେ । ଅରୁଣା ସ୍ୱାମୀଙ୍କ ଖାଇବାରେ ନିଶାଦ୍ରବ୍ୟ ମିଶାଇ ଦେଇଥିଲେ । ଫଳରେ ମଣ୍ଟୁ ମଧ୍ୟାହ୍ନ ଭୋଜନ କରିବା ପରେ ପରେ ନିଜ ଶୋଇବା ଘରେ ଅଚେତ ହୋଇ ପଡ଼ିଥିଲେ । ଏହାର ସୁଯୋଗ ନେଇ ସଞ୍ଜୟ ଘର ଭିତରକୁ ପଶି ଅରୁଣା ସହାୟତାରେ ମଣ୍ଟୁଙ୍କୁ ଅତି ନିର୍ମମଭାବେ ହତ୍ୟା କରିଥିଲେ । ସମଗ୍ର ଢେଙ୍କାନାଳରେ ଏହି ଘଟଣା ଚର୍ଚ୍ଚାର ବିଷୟ ହୋଇଥିଲା । ମୃତ ମଣ୍ଟୁ ପାତ୍ର ଏବଂ ଆରୁଣାଙ୍କର ୧୨ ବର୍ଷର ଗୋଟିଏ ପୁଅ ମଧ୍ୟ ଅଛି ।

          ସୁଚନାଯୋଗ୍ୟ ଯେ, ମଣ୍ଟୁ ପାତ୍ରଙ୍କ ନିଜ ଘର ପଶ୍ଚିମବଙ୍ଗର ମେଦିନପୁର ଜିଲ୍ଲାରେ । ଚାରିତ୍ରିକ ଦୋଷ ଯୋଗୁଁ ମଣ୍ଟୁ ପାତ୍ର ଏବଂ ଅରୁଣା ପାତ୍ରଙ୍କ ମଧ୍ୟରେ ବରାବର ଝଗଡ଼ା ଲାଗିରହୁଥିଲା । ମଣ୍ଟୁ ପାତ୍ରଙ୍କ ହତ୍ୟାପରେ ପରେ ମଣ୍ଟୁଙ୍କ ବଡ଼ ଭାଇ ଏହି ହତ୍ୟାକାଣ୍ଡ ପଛରେ ପରକୀୟା ପ୍ରିତିଥିବା ପୋଲିସ ଆଗରେ ସନ୍ଦେହ ପ୍ରକାଶ କରିଥିଲେ ।

   Related Posts