ରାଉରକେଲା ୦୮/୦୨: ରାଉରକେଲା ଡବଲ୍ମର୍ଡର ଘଟଣାରେ ମୁଖ୍ୟ ଅଭିଯୁକ୍ତ ଦମ୍ପତ୍ତିଙ୍କୁ ଗିରଫ। ଝାଡ଼ଖଣ୍ଡର ସିମାଗେଡ଼ା ଜିଲ୍ଲାରୁ ସେମାନଙ୍କୁ ପୋଲିସ ଗିରଫ କରିଛି। ସେମାନଙ୍କ ପରିଚୟ ଗଞ୍ଜୁ ଭୁମିଜ ଓ ସୁକୁମଣୀ ଭୁମିଜ। ସରକାରୀ ଜମି ବିବାଦ କାରଣରୁ ସେମାନେ ଏପରି ହତ୍ୟାକାଣ୍ଡକରିଥିବା ଜଣାପଡ଼ିଛି। ଏହି ବିବାଦ ପାଇଁ ଅଭିଯୁକ୍ତମାନେ ୨ ଯୁବକଙ୍କୁ ଶାବଳ ସହ ପଥରରେ ଛେଚି ନିର୍ମମ ହତ୍ୟା କରିଥିଲେ।
ସୂଚନାଥାଉକି, ଗତ ଶନିବାର ଫର୍ଟିଲାଇଜର କନଷ୍ଟ୍ରକସନ କଲୋନୀରେ ଏପରି ଅପରାଧ ହୋଇଥିଲା। ଏହି ମାମଲାରେ ରାଉରକେଲା ଟାଙ୍ଗରପାଲି ପୋଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ଏହି ହତ୍ୟାକାଣ୍ଡରେ ଆଉ ଜଣେ ଅଭିଯୁକ୍ତ ଏବେ ମଧ୍ୟ ଫେରାର ଅଛି।
