ନୂଆଦିଲ୍ଲୀ ୦୩/୧୦: ଏଣିକି ମହିଳାଙ୍କୁ ମିଳିବ ୫ ବର୍ଷ ମାତୃତ୍ୱ ଛୁଟି । ଏକଥା ହୁଏତ ଆପଣଙ୍କୁ ଆଶ୍ଚର୍ଯ୍ୟ ଲାଗିପାରେ । ଆଜ୍ଞା ହଁ ଏମିତି ନିମୟ ଲାଗୁ ହୋଇଛି । ଗାଡି ନିର୍ମାତା କମ୍ପାନୀ ମହିନ୍ଦ୍ରା ଆଣ୍ଡ ମହିନ୍ଦ୍ରା ତରଫରୁ ନିଜର ମହିଳା କର୍ମଚାରୀଙ୍କ ପାଇଁ ନୂଆ ମାତୃତ୍ୱ ଛୁଟି ନିୟମ ଜାରି କରିଛି । ସେପଟେ କମ୍ପାନୀର ଏଭଳି ନିୟମକୁ ସାରା ଶିଳ୍ପ ଜଗତ ପ୍ରଶଂସା କରିଛି ।
କମ୍ପାନୀ ତରଫରୁ ପ୍ରଣୟନ କରାଯାଇଥିବା ନୂଆ ମାତୃତ୍ୱ ଛୁଟି ନୟମରେ ମହିଳାମାନଙ୍କୁ ମାତୃତ୍ୱ ଛୁଟି ବାବଦରେ ୫ବର୍ଷ ଛୁଟି ମିଳିବ । ଏହି ନିୟମକୁ କମ୍ପାନୀ ‘କ୍ୟାରିୟର ଆଣ୍ଡ କେୟାର’ ଯୋଜନାରେ ନାମିତ କରିଛି । ମହିନ୍ଦ୍ରା ଆଣ୍ଡ ମହିନ୍ଦ୍ରା କମ୍ପାନୀ ସହିତ ଜଡିତ ସମସ୍ତ ମହିଳା କର୍ମଚାରୀଙ୍କୁ ଏହି ସୁବିଧା ମିଳିବ ।
ସୂଚନା ଥାଉକି, ମହିନ୍ଦ୍ରା ଆଣ୍ଡ ମହିନ୍ଦ୍ରା କାରଖାନାରେ କାମ କରୁଥିବା ମହିଳା କର୍ମଚାରୀମାନଙ୍କୁ ମଧ୍ୟ ନୂଆ ମାତୃତ୍ୱ ନୀତି ଅଧୀନରେ ସୁରକ୍ଷା ପ୍ରଦାନ କରାଯିବ । କମ୍ପାନୀର ମାନବ ସମ୍ବଳ ମୁଖ୍ୟ ରୁଜେହ ଇରାନୀ କହିଛନ୍ତି କି, ଯେଉଁ ମହିଳାମାନେ ସନ୍ତାନ ଜନ୍ମ କରିବାକୁ ଯାଉଛନ୍ତି ବା ସରୋଗେସି ମାଧ୍ୟମରେ ମା’ ହେବାକୁ ଯାଉଛନ୍ତି ସେମାନଙ୍କୁ ଏହି ନୀତି ଅଧୀନରେ ଅନ୍ତର୍ଭୁକ୍ତ କରାଯିବ ।
wp:embed {"url":"https://www.prameyanews7.com/dgca-guidelines-perfume-ban-in-flight-new/","type":"wp-embed","providerNameSlug":"prameya-news-7"}ନୂଆ ମାତୃତ୍ୱ ଛଟି ନୀତିରେ ସମସ୍ତ ଗର୍ଭବତୀ ମହିଳାଙ୍କୁ ୬ ମାସର ନମନୀୟ କାର୍ଯ୍ୟ ବିକଳ୍ପ ଓ ଏବଂ ୨୪ ମାସର ହାଇବ୍ରିଡ କାର୍ଯ୍ୟ ବିକଳ୍ପ ଦିଆଯାଇଛି । ଛୁଟି ସରିବା ପରେ ମ୍ୟାନେଜରଙ୍କ ଅନୁମୋଦନ କ୍ରମେ ୨୬ ସପ୍ତାହ ମାତୃତ୍ୱ ଛୁଟି ଉପଲବ୍ଧ ହେବ । ଏହା ସହ ମହିଳା କର୍ମଚାରୀଙ୍କୁ ସପ୍ତାହର ଆବଶ୍ୟକ ମାତୃତ୍ୱ ଛଟି ମଧ୍ୟ ଦିଆଯିବ ।
ଏହାସହ କମ୍ପାନୀ ତରଫରୁ ଏନେଇ ଏକ ସେଟ୍ ପ୍ରସ୍ତୁତ କରାଯାଇଛି । ଏଥିରେ ପୁରା ୫ବର୍ଷର ଯାତ୍ରାକୁ ଅନ୍ତର୍ଭୁକ୍ତ କରାଯାଇଛି । ଏହି ଅଧୀନରେ ପ୍ରସବ ପୂର୍ବରୁ ଗୋଟିଏ ବର୍ଷ, ମାତୃତ୍ୱ ସମୟରେ ଏକ ବର୍ଷ ଓ ମା’ ହେବାର ୩ ବର୍ଷ ପରେ ଏହି ବୀମାରାଶି ପ୍ରଦାନ କରାଯିବ । ମହିନ୍ଦ୍ରା ଆଣ୍ଡ ମହିନ୍ଦ୍ରାର ଡାଇଭରର୍ସିଟି କାଉଁସିଲ ମୁଖ୍ୟ ତଥା ଅଧ୍ୟକ୍ଷ ଆଶା ଖାର୍ଗା କହିଛନ୍ତି ଯେ, ଏହି ଶିଳ୍ପପ୍ରତି ଅଧିକରୁ ଅଧିକ ମହିଳାଙ୍କୁ ଆକୃଷ୍ଟ କରିବା ପାଇଁ କମ୍ପାନୀ ଲକ୍ଷ୍ୟ ରଖିଛି ।
ଏହାସହ ନୂଆ ମାତୃତ୍ୱ ନିୟମରେ ଆଇଭିଏଫ୍ ଚିକିତ୍ସା ଖର୍ଚ୍ଚରେ ୭୫ ପ୍ରତିଶତ ରିହାତି, ଦୈନିକ ପରିବହନ ସୁବିଧା ଏବଂ ଗର୍ଭାବସ୍ଥାର ଶେଷ ତୈମାସିକରେ ପ୍ରିମିୟମ ଇକୋନୋମି କିମ୍ବା ବିଜନେଓ କ୍ଲାସ ଯାତ୍ରାର ସୁବିଧା ମଧ୍ୟ କମ୍ପାନୀ ଉପଲବ୍ଧ କରାଇବ ।
