ଢେଙ୍କାନାଳ ୨୨/୧୧: ବିଶ୍ୱପ୍ରସିଦ୍ଧ ମହିମା ଧର୍ମର ମୁଖ୍ୟ ପୀଠ ଢେଙ୍କାନାଳର ଜୋରନ୍ଦା ମହିମାଗାଦୀର ତୃତୀୟ ବେଢାରୁ ଉଚ୍ଛେଦ କାର୍ଯ୍ୟ ଆରମ୍ଭ ହୋଇଛି । ଯାହାକୁ ନେଇ ମହିମା ଗାଦିରେ ଚାପା ଉତ୍ତେଜନା ପ୍ରକାଶ ପାଇଛି । କୌଣସି ଅପ୍ରୀତିକର ପରିସ୍ଥିତି ଏଡ଼ାଇବା ପାଇଁ ପୋଲିସ ପ୍ରଶାସନ ପକ୍ଷରୁ ୫ପ୍ଲାଟୁନ ପୁଲିସ ଫୋର୍ସ ମୁତୟନ କରାଯାଇଛି ।
ପୋଲିସ ପ୍ରଶାସନ ପକ୍ଷରୁ ଢେଙ୍କାନାଳ ଏସ୍ ଡିପିଓ ସମେତ ବରିଷ୍ଠ ପୁଲିସ ପଦାଧିକାରୀ ମାନେ ଘଟଣାସ୍ଥଳରେ ଡେରା ପକାଇଛନ୍ତି । ଉଛେଦ କରାଯାଉଥିବା ମହିମଗାଦୀ ସ୍ଥିତ ମୁଖ୍ୟ ଗାଦୀ ମନ୍ଦିର ତୃତୀୟ ବେଢାରେ ରହିଥିଲା କୌ ପନୀ ଧାରୀ ମହିମା ସାଧୁ ମାନଙ୍କ ଆଖଣ୍ଡ ବତୀ ମନ୍ଦିର, ଧୂନୀ ମନ୍ଦିର ଓ ଭେକ ମନ୍ଦିର ।
କୌପନୀଧାରୀ ମହିମା ସମାଜ ପକ୍ଷରୁ ଏହି ଜାଗାରେ ଦୀର୍ଘ ବର୍ଷ ଧରି କରାଯାଉଥିଲା ନୀତିକାନ୍ତି । ମହିମା ଗାଦୀର ମୋଟ ୭୬ଏକର ଜାଗାରୁ ଏହି ମାହାଲ ମୁଳ ୯ଗୁଣ୍ଠ ଜାଗାରେ ସ୍ୱର୍ଗତ ଦୀନବନ୍ଧୁ ବାବାଙ୍କ ଅନ୍ତେ ୧୯୪୪ମସିହାରୁ ଉଭୟ ବକଳ ଓ କୌପନୀ ଧାରୀ ସାଧୁଙ୍କ ଲାଗି ରହିଥିଲା ବିବାଦ । ଏପରିକି ଏହି ଜାଗାକୁ ନେଇ ଉଭୟ ସାଧୁ ଗୋଷ୍ଠୀଙ୍କ ମଧ୍ୟରେ ତିକ୍ତତା ଓ ଗଣ୍ଡଗୋଳକୁ ନେଇ ଅନେକ ସମୟରେ ମହିମାଗାଦୀ ସମଗ୍ର ରାଜ୍ୟରେ ଚର୍ଚ୍ଚାର ପରିସରକୁ ଆସିଛି । ତେବେ ଜୋରନ୍ଦା ଯାତ୍ରାରେ ଭକ୍ତ ଓ ଶ୍ରଦ୍ଧାଳୁଙ୍କ ଭିଡ଼ ଓ ଜଣ ସମାଗମକୁ ନେଇ ତୃତୀୟ ବେଢାର ଏହି ମାହାଳ ମୂଳ ଜାଗା ଖାଲି କରିବା ଆବଶ୍ୟକତା ଜରୁରୀ ସମ୍ପର୍କରେ ବକଳ ଧାରୀ ମହିମା ସମାଜ ପକ୍ଷରୁ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।
ଫଳରେ ଗତ ୧୮୯୮ମସିହାରେ ହାଇକୋର୍ଟଙ୍କ ପକ୍ଷରୁ ଉଚ୍ଛେଦ ପାଇଁ ନିର୍ଦେଶ କୁ ରଦ୍ଦ ପାଇଁ କୌପନି ଧାରୀ ମହିମା ସାଧୁ ମାନେ ସୁପ୍ରିମ କୋର୍ଟକୁ ଯାଇଥିଲେ । ମାତ୍ର ହାଇକୋର୍ଟଙ୍କ ନିର୍ଦେଶକୁ ସୁପ୍ରିମ କୋର୍ଟ ବଳବତ୍ତର ରଖିବାରୁ ପ୍ରଶାସନ ପକ୍ଷରୁ ଏହି ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି। ବକଲ ଧାରୀକୋର୍ଟଙ୍କ ନିର୍ଦେଶ କ୍ରମେ ପ୍ରଶାସନ ପକ୍ଷରୁ କାରାଯାଉଛି ଉଚ୍ଛେଦ। ତେବେ ଏହି ଉଚ୍ଛେଦ ଜାଗାକୁ ଗଣମାଧ୍ୟମ ଓ କ୍ୟାମେରା କୁ ଅନୁମତି ଦେଉ ନଥିବା ନେଇ ପୁଲିସ ପ୍ରଶାସନର ମାନମୁଖୀ କାର୍ଯ୍ୟ ନେଇ ଚାପା ଉତ୍ତ୍ୱେଜନା ପ୍ରକାଶ ପାଇଛି।
