scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଧରମଭାଇ ସାଙ୍ଗେ ଚାଲିଥିଲା ପରକୀୟା ପ୍ରୀତି, ହୋଟେଲ୍ ରୁମରୁ ମିଳିଲା ମହିଳାଙ୍କ ମୃତଦେହ

8/08/2022 at 9:04 AM

ନୟାଗଡ ୦୮/୦୮: ହୋଟେଲରୁ ମିଳିଲା ମହିଲାଙ୍କ ମୃତଦେହ । ଧରମଭାଇ ହତ୍ୟା କରିଥିବା ଅଭିଯୋଗ ଆଣିଲେ ପରିବାର । ତେବେ ପରକୀୟା ପ୍ରୀତି ମୃତ୍ୟୁର କାରଣ ବୋଲି ସନ୍ଦେହ କରାଯାଉଛି । ମୃତକ ହଲେ ଫତେଗଡ ଥାନା ଖୁଣ୍ଟୁପଡା ଗଁ।ର ଟିକନ ବାଘାସିଂହଙ୍କ ସ୍ତ୍ରୀ ସିଲି । ସିଲିଙ୍କ ସ୍ୱାମୀ ବାହାର ରାଜ୍ୟରେ ରହି କାମ କରୁଥିବାବଳେ ଗତ ୬ ମାସ ହେଲା ଗଁ।ରେ ରହୁଥିଲେ । ତାଙ୍କର ୯ବର୍ଷର ଏକ ପୁଅ ଅଛି ।

ସିଲିଙ୍କୁ ନିଜ ଗାଁର ଦୟାନିଧୀ ମହାପାତ୍ର ଧରମଭଉଣୀ କରିଥିଲେ । ଉଭୟ ପରିବାରଙ୍କ ମଧ୍ୟରେ ସବୁ ସମୟରେ ଯିବାଆସିବା ରହିଥାଏ । ଏପରିକି ଦୟାନିଧୀ ବିଭିନ୍ନ ସମୟରେ ସିଲିଙ୍କ ଠାରୁ ଆର୍ଥୀକ ଧାର ଉଦ୍ଧାର ମଧ୍ୟ ନେଉଥିବା ସିଲିଙ୍କ ପରିବାର ଅଭିଯୋଗ କରିଛି । ଗତ ୫ ତାରିଖରେ ସିଲି ଦୟାନିଧୀଙ୍କ ଘରକୁ ଯାଇ ଆଉ ଫେରିନଥିଲେ ।

ପରିବାର ଲୋକ ବହୁ ଖୋଜାଖୋଜି କରି ନପାଇବା ପରେ ଜଗନ୍ନାଥ ପ୍ରସାଦ ଫାଣ୍ଡିରେ ଅଭିଯୋଗ କରିଥିଲେ । ଦୟାନିଧୀ ଏବଂ ସିଲି ୫ତାରିଖ ରାତିରେ ନୟାଗଡ ସହରରେ ଥିବା ତ୍ରୀନାଥ ହୋଟେଲ୍ରେ ରୁମ୍ ବୁକ୍ କରି ରହୁଥିଲେ । ଆଜି ସନ୍ଧ୍ୟାରେ ଦୟାନିଧୀ ବାହାରକୁ କାମକୁ ଯାଇ ଫେରିବା ପରେ ରୁମ୍ ବାଡାଇଥିଲେ ମଧ୍ୟ ସିଲି ଭିତରପଟୁ କବାଟ ଖୋଲିନଥିଲେ ।

ପରେ ହୋଟେଲ୍ କର୍ମଚାରୀଙ୍କ ସାହାଯ୍ୟରେ କବାଟ ଭାଙ୍ଗି ଖୋଲିବା ପରେ ଫ୍ୟାନରେ ସିଲିଙ୍କ ମୃତଦେହ ଝୁଲୁଥିବା ଦେଖିଥିଲେ । ତେବେ ପରିବାର ଲୋକେ ଦୟାନିଧୀ ସିଲିକୁ ହତ୍ୟା କରିଥିବା ଅଭିଯୋଗ କରିଛି । ଘରୁ ଆସିବା ସମୟରେ ସିଲି ବହୁ ପରିମାଣରେ ସୁନାଗହଣା ଓ ଟଙ୍କା ନେଇକରି ଆସିଥିଲା ବୋଲି ସେମାନେ କହିଛି । ଦୟାନିଧୀ ଝିଅ , ମହିଳାଙ୍କୁ ଆଣି ଦେହବ୍ୟବସାୟ କରେ ।

ସିଲି ଏଥିରେ ରାଜି ନହେବାରୁ ଏବଂ ସୁନାଗହଣା ଲୋଭରେ ତାକୁ ହତ୍ୟା କରାଯାଇଥିବା ସେମାନେ ଅଭିଯୋଗ କରିଛି । ହୋଟେଲ୍ କର୍ମଚାରୀଙ୍କ ଠାରୁ ଖବର ପାଇବାପରେ ଟାଉନ୍ ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଦୟାନିଧୀଙ୍କୁ ଅଟକ ରଖି ପଚରାଉଚରା କରୁଛି । ଫରେନ୍ସିକ୍ ଟିମ୍ ଆସିବା ପରେ ମୃତଦେହକୁ ବ୍ୟବଛେଦ ପାଇଁ ପଠାଯିବ ବୋଲି ଜଣାପଡିଛି ।

   Related Posts