ଟିଟିଲାଗଡ ୧୩।୩: ବଲାଙ୍ଗୀର ଜିଲ୍ଲା ଟିଟିଲାଗଡ଼ ବିଧାନସଭା ନିର୍ବାଚନ ମଣ୍ଡଳୀରେ ମହିଳା ଦିବସ ଅବସରରେ ମହିଳା ସମାବେଶ କରି ଶକ୍ତି ପ୍ରଦର୍ଶନ କରିଛନ୍ତି ଟିଟିଲାଗଡ଼ ବିଧାୟିକା ତଥା ମନ୍ତ୍ରୀ ଟୁକୁନି ସାହୁ । ସଇଁତଳା ବ୍ଲକର ଛନଛଡା ଖେଳ ପଡିଆଠାରେ ନିର୍ବାଚନମଣ୍ଡଳୀସ୍ତରୀୟ ଆନ୍ତର୍ଜାତୀୟ ମହିଳା ଦିବସ ପାଳନ ସପ୍ତାହ  ଅନୁଷ୍ଠିତ ହୋଇଯାଇଛି ।

{"id":757318,"sizeSlug":"full","linkDestination":"none"}

ଏହି କାର୍ଯ୍ୟକ୍ରମରେ ମନ୍ତ୍ରୀ ତଥା ବିଜୁ ଜନତା ଦଳର ବଲାଙ୍ଗୀର ଜିଲ୍ଲା ସଭାପତି ଟୁକୁନି ସାହୁ ଯୋଗଦେଇ ମହିଳାମାନେ କିଭଳି ଭାବରେ ସରକାରଙ୍କ ଯୋଜନା ଗୁଡିକର ଲାଭପାଇ ଆତ୍ମନିର୍ଭରଶୀଳ ହୋଇପାରିବେ ସେନେଇ ଗୁରୁମନ୍ତ୍ର ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ବଲାଙ୍ଗୀର ଜିଲ୍ଲା ପରିଷଦ ଅଧ୍ୟକ୍ଷା, ଜିଲ୍ଲା  ବିଜୁ ମହିଳା ମୋର୍ଚ୍ଚାର ସଭାପତି, ରାଜ୍ୟର ମହିଳା ମୋର୍ଚ୍ଚା ସାଧାରଣ ସମ୍ପାଦିକା ଯୋଗଦେଇଥିଲେ । ରାଜ୍ୟ ସରକାରଙ୍କ ବିଭିନ୍ନ ଜନହିତ ଯୋଜନା ବିଷୟରେ ଲୋକଙ୍କୁ ଉଦବୋଧନ ଦେବା ସହ ଆଗାମୀ ଦିନରେ ଦଳ କିଭଳି ଆହୁରି ଶକ୍ତିଶାଳୀ ହେବ ସେନେଇ ଟିଟିଲାଗଡ଼ ନିର୍ବାଚନ ମଣ୍ଡଳୀର ଜନସାଧାରଣ ଏକ ହୋଇ ପୁଣିଥରେ ଟିଟିଲାଗଡ଼ ବିଧାନସଭାରେ ଟୁକୁନି ସାହୁଙ୍କ ହାତମୁଠାକୁ ଟାଣ କରିବାକୁ ନିବେଦନ କରିଥିଲେ । ଏହି ମହିଳା ସମାବେଶ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମହିଳା ସଶକ୍ତିକରଣ ଓ ଲୋକାଭିମୁଖୀ କାର୍ଯ୍ୟକ୍ରମରେ ଅନୁପ୍ରାଣିତ ହୋଇ ମନ୍ତ୍ରୀ ଟୁକୁନି ସାହୁଙ୍କ ନେତୃତ୍ଵରେ କଂଗ୍ରେସ ଓ ବିଜେପି ଦଳ ଛାଡ଼ି ବିଜୁ ଜନତା ଦଳରେ ଶତାଧିକ ମହିଳା ଓ ପୁରୁଷ କର୍ମୀ ସାମିଲ ହୋଇଥିଲେ ।