ନୂଆଦିଲ୍ଲୀ: ମିଳିତ ଜାତିସଂଘର ମୁଖ୍ୟାଳୟରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଉନ୍ମୋଚନ କରାଯାଇଛି । ଏହି ଅବସରରେ ବିଦେଶ ମନ୍ତ୍ରୀ ଏସ ଜୟଶଙ୍କର, ଜାତିସଂଘ ମହାସଚିବ ଆଣ୍ଟୋନିଓ ଗୁଟରେସ ପ୍ରମୁଖ ଉପସ୍ଥିତ ରହିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିର ଫଟୋକୁ ସେୟାର କରି ଲେଖିଛନ୍ତି ୟୁଏନ ମୁଖ୍ୟାଳୟରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଦେଖି ପ୍ରତିଟି ଭାରତୀୟ ଗର୍ବ ଅନୁଭବ କରିବ । ସେ ଲେଖିଛନ୍ତି ଯେ ଗାନ୍ଧୀବାଦୀ ବିଚାର ଏବଂ ଆଦର୍ଶ ଆମ ସମାଜକୁ ଅଧିକ ସମୃଦ୍ଧ ଏବଂ ବିକଶିତ କରିବ ।
wp:html/wp:htmlIt makes every Indian proud to see the bust of Mahatma Gandhi at the @UN HQ. May the Gandhian thoughts and ideals make our planet more prosperous and further sustainable development. https://t.co/kU6Juw96WU
— Narendra Modi (@narendramodi) December 15, 2022
ଏହା ପୂର୍ବରୁ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଉନ୍ମୋଚନ ପୂର୍ବରୁ ଭାରତର ବିଦେଶ ମନ୍ତ୍ରୀ ଏସ ଜୟଶଙ୍କର କହିଥିଲେ ଯେ ଆଜି ଦୁନିଆ ହିଂସା, ସଶସ୍ତ୍ର ସଂଘର୍ଷ ଏବଂ ମାନବୀୟ ଜରୁରୀ ସ୍ଥିତି ସହ ମୁକାବିଲା କରୁଛି । ଏପରି ସ୍ଥିତିରେ ଗାନ୍ଧୀ ଜୀଙ୍କ ଆଦର୍ଶ ସାରା ଦୁନିଆରେ ଶାନ୍ତି ଏବଂ ସ୍ଥିରତା ସୁନିଶ୍ଚିତ କରିବାରେ ମହତ୍ୱପୂର୍ଣ୍ଣ ଅଟେ । ସେ କହିଥିଲେ ଯେ ମହାତ୍ମା ଗାନ୍ଧୀଙ୍କ ଆଦର୍ଶ କହୁଛି ଯେ ସଂଘର୍ଷ ଗୁଡିକ ସମାଧାନ ବାହାର କରାଯାଇ ପାରିବ ଏବଂ ଅସମାନତା ଦୂର ହୋଇପାରିବ ।
ଉଲ୍ଲେଖଯୋଗ୍ୟ ଯେ ପ୍ରତିମୂର୍ତ୍ତିକୁ ନର୍ଥ ଲନରେ ପ୍ରତିଷ୍ଠା କରାଯାଇଛି। ଏହା ମୁଖ୍ୟାଳୟରେ ମହାତ୍ମା ଗାନ୍ଧୀଙ୍କ ପ୍ରଥମ ପ୍ରତିମୂର୍ତ୍ତି। ଏହି ପ୍ରତିମୂର୍ତ୍ତିକୁ ପଦ୍ମଶ୍ରୀ ସମ୍ମାନରେ ସମ୍ମାନିତ ସ୍ଥପତି ରାମ ସୁତାର ନିର୍ମାଣ କରିଛନ୍ତି।