କଟକ ୦୧/୦୨: କଟକ ଜିଲ୍ଲା ନେମାଳରେ ଥିବା ଅଚ୍ୟୁତାନନ୍ଦଙ୍କ ଗାଦି ପୀଠରେ ମହାପୁରୁଷ ଅଚ୍ୟୁତାନନ୍ଦଙ୍କ ସ୍ଵନକ୍ଷତ୍ର ଦିବସ ମହାସମାରୋହରେ ପାଳିନ ହୋଇଛି। ଚଳିତ ବର୍ଷ ଏହି ଅବସରରେ ଅଷ୍ଟପ୍ରହରୀ ନାମ ଯଜ୍ଞ ଓ ଭଜନ କୀର୍ତ୍ତନ ଆୟୋଜନ ହୋଇଛି। ଏହାସହ ପୀଠରେ ସ୍ୱତନ୍ତ୍ର ନୀତିକାନ୍ତି ସହିତ ପୂଜାର୍ଚ୍ଚନା କରାଯାଇଛି। ଗାଦି ଗୋସାଇଁ ଅଚ୍ୟୁତାନନ୍ଦଙ୍କ ପୀଠରେ ବହୁ ଶ୍ରଦ୍ଧାଳୁଙ୍କ ବେଶ୍‌ ଭିଡ଼ ଜମିଛି।

ଏହାସହ ଯାହା ଏଠାରେ ଜନଶୃତି ରହିଛି ଯେ, ସ୍ୱନକ୍ଷତ୍ରରେ ମହାପୁରୁଷଙ୍କ ଦର୍ଶନ କରିବା ଯାହା ପ୍ରଭୁ ଜଗନ୍ନାଥଙ୍କୁ ଦର୍ଶନ କରିବା ସହ ସମାନ। ଏପରିକି ମହାପୁରୁଷଙ୍କୁ ଦର୍ଶନ କଲେ କୋଟି ପୁଣ୍ୟ ଫଳ ମିଳିଥାଏ ବୋଲି ବିଶ୍ୱାସ ରହିଛି। ଏଥିପାଇଁ ରାଜ୍ୟର ବିଭିନ୍ନ ସ୍ଥାନରୁ ବହୁ ସଂକୀର୍ତ୍ତନ ମଣ୍ଡଳୀ ଆସି କରି ନାମ ଯଜ୍ଞରେ ଭାଗ ନିଅନ୍ତି। ଏହାଫଳରେ ଏହି ସ୍ଥାନରେ ବେଶ ଆଧ୍ୟାତ୍ମିକ ଓ ଭକ୍ତି ମୟ ପରିବେଶ ସୃଷ୍ଟି ହୋଇଥାଏ। ପ୍ରଶାସନ ପକ୍ଷରୁ ଶାନ୍ତି ଶୃଙ୍ଖଳା ରକ୍ଷା ପାଇଁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି।