ମହାନଦୀ ଜଳ ବିବାଦ, ଶନିବାର ଟ୍ରିବ୍ୟୁନାଲରେ ଶୁଣାଣି କରିବେ ୩ ଜଣିଆ ଖଣ୍ଡପୀଠ

Published By : Prameya-News7 Bureau | August 12, 2023 IST

ନୂଆଦିଲ୍ଲୀ ୧୨।୦୮: ମହାନଦୀ ଜଳ ବିବାଦ । ଟ୍ରିବ୍ୟୁନାଲରେ ଆଜି ଏହି ଜଳବିବାଦର ହେବ ଶୁଣାଣି । ଜଷ୍ଟିସ୍‌ ଏ ଏମ୍‌ ଖାନ୍‌ଓ୍ୱାଲିକରଙ୍କ ଦ୍ୱାରା ଗଠିତ ୩ ଜଣିଆ ଖଣ୍ଡପୀଠ ଏହି ମାମଲାରେ ଶୁଣାଣି କରିବେ ।

ତେବେ ଏବେ ଯାଏଁ ମିଳିଥିବା ସୂଚନା ଅନୁସାରେ, ଛତିଶଗଡ଼ ଏବଂ ଓଡିଶା ମଧ୍ୟରେ ଥିବା ଅସହମତିର ସାମଧାନ ହୋଇପାରନାହିଁ । ପକ୍ଷଭୁକ୍ତ ରାଜ୍ୟମାନଙ୍କ ଭିତରେ କମନ୍‌ ଇନ୍‌ଫରମେସନ୍‌ ଫର୍ମାଟ ପ୍ରସ୍ତୁତି ପ୍ରାୟ ଚୂଡ଼ାନ୍ତି ହୋଇଛି । ଏହାସହିତ ଏହାର ତର୍ଜମା ଟ୍ରିବ୍ୟୁନାଲରେ ଚାଲିଛି । ଛତିଶଗଡ଼ ତରଫରୁ ଟ୍ରିବ୍ୟୁନାଲରେ ଦର୍ଶାଯାଇଛି ଯେ, ଓଡିଶ ଦାଖଲ କରିଥିବା ତଥ୍ୟର ତର୍ଜମା ଚାଲିଛି । ଓଡିଶା ତରଫରୁ ପ୍ରତି ଜବାବରେ କୁହାଯାଇଛି ଯେ, ଛତିଶଗଡ଼ର କମନ ଇନ୍‌ଫରମେସନ ଫର୍ମାଟରେ ତ୍ରୁଟି ରହିଛି ବୋଲି ଆସେଶରଙ୍କୁ ଅବଗତ କରାଯାଇଛି ।

ସେହିପରି ଗତ ଜୁଲାଇ ୧୧ ତାରିଖରେ ଶୁଣାଣିରେ ଚିଲିକା ଅଞ୍ଚଳକୁ ନେଇ ରହିଥିବା ବିବାଦ ସଂପର୍କରେ ଅଧିକ ଆଲୋଚନା ପାଇଁ ଓଡିଶା ସମୟ ମାଗିଥିଲା । ଯାହା ବିଷୟରେ ମଧ୍ୟ ଟ୍ରିବ୍ୟୁନାଲକୁ ଅବଗତ କରାଯାଇଥିବା ସୂଚନା ମିଳିଛି ।

wp:embed {"url":"https://www.prameyanews7.com/sukesh-chandrashekhar-sends-love-letter-to-jacqueline/","type":"wp-embed","providerNameSlug":"prameya-news-7"}
https://www.prameyanews7.com/sukesh-chandrashekhar-sends-love-letter-to-jacqueline/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.