ଭୁବନେଶ୍ୱର ୨୪/୦୮: ମହାନଦୀରେ ଜଳସ୍ତର ବୃଦ୍ଧି ପରେ ସୃଷ୍ଟି ହୋଇଥିଲା ବନ୍ୟା ପରିସ୍ଥିତି । ନୟାଗଡ଼ ଜିଲ୍ଲାର ୩ଟି ବ୍ଲକ୍ ଖଣ୍ଡପଡ଼ା, ଭାପୁର ଓ ଗଣିଆ ବ୍ଲକ ସମ୍ପୂର୍ଣ୍ଣ ଭାବେ ପ୍ରଭାବିତ ହୋଇଛି। ମହାନଦୀ ପାଣି ଗାଁ ଗୁଡିକରେ ପଶି ଭୟାବହ ପରିସ୍ଥିତି ସୃଷ୍ଟି କରିଥିଲା ।

ଜନଜୀବନ ଅସ୍ତବ୍ୟସ୍ତ କରିବା ସହ ଚାଷ ମଧ୍ୟ ବ୍ୟାପକ କ୍ଷତି ଘଟାଇଥିଲା । ୫ ଦିନ ଧରି ନିଜର କରାଳ ରୂପ ଦେଖାଇବାପରେ ମହାନଦୀ ପାଣି କମିଲା ସତ, ହେଲେ ଦେଇଯାଇଥିଲା ଦୁଃଖ । ଘର ଗୁଡିକରେ ପାଣି ପଶି ଭାଙ୍ଗି ଯାଇଥିବାବେଳେ ଲୋକେ ନିଜର ଭଙ୍ଗା ଘରକୁ ଫେରିବା କଷ୍ଟକର ହୋଇ ପଡିଛି। ତୁରନ୍ତ କ୍ଷତିପୂରଣ ଦାବି କରିଛନ୍ତି ବନ୍ୟା ପୀଡ଼ିତ।