ନୂଆପଡା, ୧୭/୦୧: ରବିବାର କରିଥିବା ଶିକାର । ସୋମବାର ଖାଇଲା କଲିଜା । ନୂଆପଡା ଜିଲ୍ଲା କୁଟେଙ୍ଗାପଡାରେ ଶିକାର କରିଥିବା ଗାଈର କଲିଜା ଖାଇଛି ମହାବଳ ।
ନୂଆପଡାରେ ପୁଣି ବାଘ ଆତଙ୍କ । ରବିବାର ଏକ ମହାବଳ ବାଘ ଧରମବନ୍ଧା ଓ ତୋର୍ରା ଗାଁ ମଧ୍ୟସ୍ଥ କୁଟରେଙ୍ଗାପଡ଼ାର ଅଗିନ ମାଝୀ ନାମକ ଜଣେ ବ୍ୟକ୍ତିଙ୍କ ଗାଈକୁ ଟାଣି ନେଇଥିଲା । ଲୋକେ ପାଟି କରିବାରୁ ସେ ଗାଈକୁ ମାରି ଚାଲି ଯାଇଥିଲା । ତେବେ ମାରିଥିବା ଗାଈକୁ ଖାଇବା ପାଇଁ ପୁଣି ଆସିଛି ବାଘ ।
ବାଘଟି ଗାଈର ପେଟ ଫାଡି କଲିଜା ଖାଇଥିବା ଦେଖିବାକୁ ମିଳିଛି । ଏନେଇ ଧରମବନ୍ଧା ଫରେଷ୍ଟର ସୂଚନା ଦେଇଛନ୍ତି । ଯାହାକୁ ନେଇ କୁଟରେଙ୍ଗାପଡା ବାସିନ୍ଦା ଆତଙ୍କିତ ଅବସ୍ଥାରେ ରହିଛନ୍ତି । ବାଘର ଗତିବିଧି ଜାଣିବାକୁ ବନ ବିଭାଗ କ୍ୟାମେରା ଲଗାଇଥିବା ସୂଚନା ମିଳିଛି ।
