scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ତାମିଲନାଡୁ ସରକାର ସୁରକ୍ଷିତ ; ୧୮ବିଦ୍ରୋହୀ ବିଧାୟକଙ୍କ ସଭ୍ୟ ପଦ ରଦ୍ଦ

25/10/2018 at 3:34 PM

ତାମିଲନାଡୁ ୨୫।୧୦ : ସୁରକ୍ଷିତ ରହିଲା ତାମିଲନାଡୁ ସରକାର । ତାମିଲନାଡୁର ଶାସକ ଏଆଇଏଡିଏମକେ ୧୮ଜଣ ବିଦ୍ରୋଦୀ ବିଧାୟକଙ୍କ ସଭ୍ୟ ପଦ ରଦ୍ଦ ହେବାକୁ ମାଡ୍ରାସ ହାଇକୋର୍ଟ କାୟମ ରଖିଛନ୍ତି । ଏହାଦ୍ବାରା ତାମିଲନାଡୁ ମୁଖ୍ୟମନ୍ତ୍ରୀ ପି.ପାଲାନି ସ୍ବାମୀଙ୍କ ସରକାର ବର୍ତ୍ତିଯାଇଛି । ପୂର୍ବରୁ ତାମିଲନାଡୁ ବିଧାନସଭା ବାଚସ୍ପତି ଏହି ୧୮ଜଣଙ୍କ ସଭ୍ୟପଦ ରଦ୍ଦ କରିଥିବାବେଳେ ସେମାନେ ଏହାକୁ ବିରୋଧ କରି ମାଡ୍ରାସ ହାଇକୋର୍ଟରେ ଅପିଲ କରିଥିଲେ । ଏହି ୧୮ଜଣ ବିଧାୟକ ବିଦ୍ରୋହୀ ନେତା ପିଟିସି ଦିନାକରନଙ୍କ ଅନୁଗତ । ଦଳବଦଳ ଆଇନ ବଳରେ ତାମିଲନାଡୁ ବିଧାନସଭା ବାଚସ୍ପତି ପି. ଧନପାଲ ଗତବର୍ଷ ଏହି ୧୮ ବିଧାୟକଙ୍କ ସଭ୍ୟପଦ ରଦ୍ଦ କରିଥିଲେ । ଏମାନଙ୍କ ସଭ୍ୟ ପଦ ରଦ୍ଦ ହେବା ଦ୍ବାରା ଏବେ ମୁଖ୍ୟମନ୍ତ୍ରୀଙ୍କ ସପକ୍ଷରେ ୧୦୯ଜଣ ବିଧାୟକଙ୍କର ସମର୍ଥନ ରହିଛି । ଆଜିର ରାୟ ସହିତ ମାଡ୍ରାସ ହାଇକୋର୍ଟ ଏହି ୧୮ଟି ବିଧାନସଭା ଆସନ ପାଇଁ ଉପନିର୍ବାଚନ କରିବାକୁ ନିର୍ବାଚନ କମିଶନଙ୍କ ଉପରେ ଲାଗିଥିବା ପ୍ରତିବନ୍ଧକକୁ ମଧ୍ୟ ଉଠାଇଦେଇଛନ୍ତି । ତେବେ ସଭ୍ୟ ପଦ ରଦ୍ଦ ହୋଇଥିବା ବିଧାୟକମାନେ ମଧ୍ୟ ଏ ନେଇ ସୁପ୍ରିମକୋର୍ଟରେ ଆବେଦନ କରିପାରିବେ ବୋଲି ହାଇକୋର୍ଟ କହିଛନ୍ତି ।

   Related Posts