ଆଠଗଡ ୨୪।୬: ବନ୍ଧୁକ ଦେଖାଇ ଜବତ ପିକଅପ୍ ଭ୍ୟାନ୍ ନେଇଗଲେ ମାଫିଆ । ଘଟଣାରେ ସମ୍ପୃକ୍ତି ଅଭିଯୋଗରେ ୨ ଜଣଙ୍କୁ ଅଟକ ରଖିଛି ଅବକାରୀ ବିଭାଗ ।

ସୂଚନାଯୋଗ୍ୟ ଯେ, ବିଶେଷ ସୂତ୍ରରୁ ଖବର ପାଇଁ ଅବକାରୀ ବିଭାଗ ଭିରୁଡା ଅଞ୍ଚଳରୁ ଯାଇଥିବା ମଦ ବୋଝେଇ ପିକଅପ୍ ଭ୍ୟାନକୁ ଆଠଗଡ଼ ଥାନା ଅନ୍ତର୍ଗତ ତାରିଣୀ ଛକରୁ ଜବତ କରିଥିଲା ଅବକାରୀ ବିଭାଗ । ଗୁରୁବାର ବିଳମ୍ବିତ ରାତିରେ ଦୁର୍ବୃତ୍ତମାନେ ଅବକାରୀ ବିଭାଗ କାର୍ଯ୍ୟାଳୟ ଗେଟ୍ ଭାଙ୍ଗି କର୍ମଚରୀଙ୍କୁ ବନ୍ଧୁକ ଦେଖାଇ ଜବତ ମଦ ବୋଝେଇ ପିକଅପ୍ ଭ୍ୟାନକୁ ଲୁଟି ନେଇଥିଲେ । ଜବତ ପିକଅପ୍ ଭ୍ୟାନ୍ ଡ୍ରାଇଭରଙ୍କ ସହ ଅନ୍ୟ ଜଣକୁ ଅଟକ ରଖି ପଚରାଉଚରା କରୁଛି ଅବକାରୀ ବିଭାଗ ।