ବାରିପଦା, ୨୪|୦୮: ମୟୂରଭଞ୍ଜ ଜିଲ୍ଲା ମୋରଡା ଥାନା ଅନ୍ତର୍ଗତ ଫୁଲବାଡିଆ ଗ୍ରାମରେ ନକଲି ମଦ କାରଖାନା ଉପରେ ଚଢଉ । ବିପୁଳ ପରିମାଣର ନକଲି ମଦ ଜବତ ।
ପୂର୍ବ ସୂଚନା ମୁତାବକ ମଙ୍ଗଳବାର ବାରିପଦା ଅବକାରୀ ବିଭାଗ ପକ୍ଷରୁ ନକଲି ମଦ ତିଆରି ବିକ୍ରି କରୁଥିବା ଅଭିଯୋଗରେ ଚଢଉ କରାଯାଇଛି । ଚଢଉ ବେଳେ ଗ୍ରାମର ଶତୃଘ୍ନ ମହାନ୍ତଙ୍କ ସ୍ତ୍ରୀ ସୁଭଦ୍ରା ମହାନ୍ତଙ୍କୁ ଗିରଫ କରଯାଇଛି । ଏଥି ସହିତ ୫୦ ଲିଟର ସ୍ପିରିଟ, ୮୮୦ଟି ବିଭିନ୍ନ ବ୍ରାଣ୍ଡର ଠିପି ଓ ୪୫ ଟି ନାମିଦାମୀ କମ୍ପାନୀର ଲେବୁଲ ଜବଦ କରାଯାଇଛି ।
ଜବତ ନକଲି ମଦର ଆନୁମାନିକ ମୂଲ୍ୟ ୫୦ହଜାର ଟଙ୍କାରୁ ଉର୍ଦ୍ଧ ହେବ ବଲି ଜଣାପଡିଛି । ଏବାବଦରେ ଏକ ମାମଲା ରୁଜୁ କରାଯାଇ ଅଭିଯୁକ୍ତ ମହିଳାଙ୍କୁ କୋର୍ଟ ଚାଲାଣ କରାଯାଇଥିବା ବାରିପଦା ସଦର ଅବକାରୀ ବିଭାଗ ଆଇ.ଆଇ.ସି. ସୂଚନା ଦେଇଛନ୍ତି ।
