ସୋର, ୧୫|୧୦: ବିପୁଳ ପରିମାଣର ଦେଶୀ ମଦ ଜବତ । ବାଲେଶ୍ୱର ଜିଲ୍ଲା ସୋର ଅବକାରୀ ଓ ପୋଲିସ ଅଧିକାରୀଙ୍କ ମିଳିତ ଉଦ୍ୟମରେ ଏକ ଟିମ ବିପୁଳ ପରିମାଣର ମଦ ଜବତ କରିଛି ।
ଶୁକ୍ରୂାର ସକାଳେ ଶିଙ୍ଗାଖୁଣ୍ଟା ପଞ୍ଚାୟତରେ ଦୁଇଟି ଦେଶୀ ମଦ କାରଖାନା ଉପରେ ଟିମ୍ ଚଢ଼ଉ କରିଥିଲା । ଚଢଉ ବେଳେ ୨୫୦ ଲିଟର ଦେଶୀ ମଦ ଜବଦ କରିବା ସହ ୮, ୫୦୦ ଲିଟର ଗୁଡ଼ ପୋଚ ନଷ୍ଟ କରାଯାଇଛି । ସେହିପରି ସିମୁଳିଆ ଥାନା ବିରଞ୍ଚିପୁର ଗ୍ରାମରେ ଚଢ଼ଉ କରି କମଳା ବଳଙ୍କ ନିକଟରୁ ପାଞ୍ଚ ଲିଟର ନକଲି ବିଦେଶୀ ମଦ ସହ ପଚାଶ ଲିଟର ସ୍ପିରିଟ ଜବତ କରାଯାଇଛି । ଏହା ସହ ଅଭିଯୁକ୍ତ କମଳାଙ୍କୁ ଗିରଫ କରାଯାଇଛି ।
ସେହିପରି ଖଇରା ଥାନା ହରିପୁର ଗ୍ରାମର ହେମଲତା ଜେନା ଠାରୁ ୧୫ ଲିଟର ଦେଶୀମଦ, ଝାଟିଆ ଗ୍ରାମର ଲଷ୍ମୀ ବେହେରା ଠାରୁ ୪ ଲିଟର ବିଦେଶୀ ମଦ ସହ ୨୦ ଲିଟର ଦେଶୀ ମଦ, ରଟିଣା ଗ୍ରାମର ଭରତ ସେଠୀ ଠାରୁ ୪୫ ଲିଟର ଦେଶୀମଦ ଏବଂ ହରିପୁର ଗ୍ରାମର ସୁକାନ୍ତ ଜେନା ଠାରୁ ୨୦ ଲିଟର ଦେଶୀମଦ ଜବଦ କରାଯାଇଛି । ଏହା ସହିତ ସମସ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।