ଭଦ୍ରକ ୩୦।୦୬: କୋଭିଡ୍ ନିୟମ ଉଲଂଘନକାରୀଙ୍କ ଉପରେ କଡା ଆଭିମୁଖ୍ୟ। ଭଦ୍ରକ ଜିଲ୍ଲା ଅସୁରାଳି ବଜାର ୨ ଦିନ ପାଇଁ ସଟ୍ଡାଉନ୍ ଘୋଷଣା ହୋଇଛି । ଆଜି ଠାରୁ ଆସନ୍ତା ୧ ତାରିଖ ଦିନ ୧୨ଟା ପର୍ଯ୍ୟନ୍ତ ବଳବତ୍ତର ରହିବ କଟକଣା । ବଜାରରେ ଭିଡକୁ ଦେଖି ଏପରି ନିଷ୍ପତ୍ତି ନିଆଯାଇଛି ।
ଖବର ଅନୁଯାୟୀ, ଅସୁରାଳି ବଜାରରେ ପ୍ରବଳ ଭିଡ ହେଉଥିଲା । ଯାହାକୁ ଦୃଷ୍ଟିରେ ଦେଖି କଠୋର ପଦକ୍ଷେପ ନେଇଛନ୍ତି ସରପଞ୍ଚ । ଆଜିଠାରୁ ଆସନ୍ତା ୧ ତାରିଖ ଦିନ ୧୨ଟା ପର୍ଯ୍ୟନ୍ତ ଅସୁରାଳି ବଜାରକୁ ପୁରା ସଟ୍ଡାଉନ୍ ଘୋଷଣା କରାଯାଇଛି । ତେବେ ଏହି ସମୟରେ କେବଳ ଅତ୍ୟାବଶ୍ୟକ ସାମଗ୍ରୀ ଦୋକାନ ବ୍ୟତୀତ ଅନ୍ୟ ସବୁ ଦୋକାନ ବଜାର ବନ୍ଦ ରହିବା ନେଇ ନିଷ୍ପତି ନିଆଯାଇଛି । ସଟ ଡାଉନ ଯୋଗୁଁ କୌଣସି ବ୍ୟକ୍ତି ଅଯଥା ଘରୁ ନ ବାହାରିବା ପାଇଁ ନିବେଦନ କରାଯାଇଛି । ଏ ନେଇ ଅସୁରାଳି ଗ୍ରାମ ପଞ୍ଚାୟତର ସରପଞ୍ଚ ସୂଚନା ଦେଇଛନ୍ତି ।
