ମାଲକାନଗିରି, ୨୬/୦୮: ମାଚ୍ଛକୁଣ୍ଡ ବିଦ୍ୟୁତ୍ ପ୍ରକଳ୍ପରେ ଅଗ୍ନିକାଣ୍ଡ । ହାଇଭୋଲଟେଜ୍ କାରଣରୁ ଜଳ ବିଦ୍ୟୁତ୍ ପ୍ରକଳ୍ପର ୫ଟି ଟର୍ବାଇନ୍ ରୁ ୪ଟି ଟର୍ବାଇନ୍ ସଟଡାଉନ୍ ହୋଇଯାଇଥିଲା । ହେଲେ ଗୋଟିଏ ଟର୍ବାଇନ୍ ସଟଡାଉନ ହୋଇନପାରିବାରୁ ଏଥିରେ ନିଆଁ ଲାଗିଯାଇଥିଲା ।
ଏହି ସମୟରେ ସେଠାରେ ଉପସ୍ଥିତ କନିଷ୍ଠ ଯନ୍ତ୍ରୀ ନିଆଁ ଲିଭାଇବାକୁ ଉଦ୍ୟମ କରି ଆହତ ମଧ୍ୟ ହୋଇଥିଲେ । ତାଙ୍କର ୨ ଟି ଯାକ ହାତରେ ଗୁରୁତର ଭାବେ ଆଘାତ ଲାଗିଛି । ଏଭଳି ଦୁର୍ଘଟଣା ପରେ ୬ ଘଣ୍ଟାରୁ ଅଧିକ ସମୟ ଧରି ବିଦ୍ୟୁତ୍ ସରବରାହ ବନ୍ଦ ରହିଥିଲା । ପରେ ଜଳ ବିଦ୍ୟୁତ୍ ପ୍ରକଳ୍ପର ଟେକନିସିଆନ୍ ମରାମତି କରିବା ପରେ ପୁଣି ବିଦ୍ୟୁତ୍ ଯୋଗାଣ ଆରମ୍ଭ ହୋଇଥିଲା । ତେବେ ପୋଡ଼ି ଯାଇଥିବା ଟର୍ବାଇନକୁ ମରାମତି କରିବା ପାଇଁ ୨ମାସରୁ ଅଧିକ ସମୟ ଲାଗିବ ବୋଲି ଜଣାପଡ଼ିଛି ।.
