AKK 2023
MONGINIS 728X90
Hari omm 2
AKK2023
hari om films
WEB_F-8
MONGINIS 728X90
Showcase2022
HARI-OMM_728X90_B
WEB_F-9
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଲବାଣୀ: ଗୋଛାପଡା ପୋଲିସକୁ ସଫଳତା, କ୍ୱିଣ୍ଟାଲରୁ ଅଧିକ ଗଂଜେଇ ଜବତ
  • ||
  • ଭୁବନେଶ୍ୱର: ରାଜଧାନୀରେ କଙ୍ଗାରୁକୋର୍ଟ, ଯୁବତୀଙ୍କୁ ଖୁଣ୍ଟରେ ବାନ୍ଧି ମାଡ଼
  • ||
  • ପ୍ରକାଶ ପାଇଲା ଜେଇଇ (ମେନ୍‌) ସେସନ-୧ ରେଜଲ୍ଟ, ଓ୍ୱେବସାଇଟ୍‌ରେ ଦେଖିପାରିବେ ଛାତ୍ରଛାତ୍ରୀ
  • ||
  • ଫେବୃୟାରୀରେ ଅଧିକ ରହିବ ତାପମାତ୍ରା, ଜଳବାୟୁ ଶୁଷ୍କ ଥିବାରୁ ଜଙ୍ଗଲରେ ଲାଗୁଛି ନିଆଁ
  • ||

ସିବିଆଇରେ ବିବାଦ : ଯୁଗ୍ମ ନିର୍ଦ୍ଦେଶକ ଏମ୍‌. ନାଗେଶ୍ବର ରାଓଙ୍କୁ ଅନ୍ତରୀଣ ନିର୍ଦ୍ଦେଶକ ଦାୟିତ୍ବ, ସୁପ୍ରିମ୍‌କୋର୍ଟ ଗଲେ ଆଲୋକ ବର୍ମା

24/10/2018 at 12:03 PM

ନୂଆଦିଲ୍ଲୀ ୨୪|୧୦: ବଡ ସଙ୍ଗୀନ ହେଉଛି ସିବିଆଇ ବିବାଦ । ସିବିଆଇ ନିର୍ଦ୍ଦେଶକ ଆଲୋକ ବର୍ମା ଓ ସ୍ବତନ୍ତ୍ର ନିର୍ଦ୍ଦେଶକ ରାକେଶ ଆସ୍ଥାନାଙ୍କୁ ସରକାର ଛୁଟିରେ ପଠାଇ ଦେଇଥିବାବେଳେ ନୂଆ ନିର୍ଦ୍ଦେଶକ ଭାବେ ଏମ୍  ନାଗେଶ୍ବର ରାଓଙ୍କୁ  ନିଯୁକ୍ତି ଦିଆଯାଇଛି । ୧୯୮୬ ବ୍ୟାଚର ଆଇପିଏସ୍ ଅଧିକାରୀ ଏମ୍ ନାଗେଶ୍ବର ରାଓ ହେଉଛନ୍ତି ଓଡ଼ିଶା କ୍ୟାଡର ଅଧିକାରୀ । ତାଙ୍କ ଘର ତେଲେଙ୍ଗାନା ଓ୍ବାରଙ୍ଗଲ ଜିଲ୍ଲାରେ ।ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ବରେ ଗଠିତ ନିଯୁକ୍ତି କମିଟି ଏମ ନାଗେଶ୍ବର ରାଓଙ୍କୁ ଏହି ନିଯୁକ୍ତି ଦେଇଛନ୍ତି । ସେ ଆଜି ସିବିଆଇ ନିର୍ଦ୍ଦେଶକ ଭାବେ ଦାୟିତ୍ବ ଗ୍ରହଣ କରିଛନ୍ତି । ଦାୟିତ୍ବ ନେବା ପରେ ସଙ୍ଗେ ସଙ୍ଗେ ଆକ୍ସନ ମୁଡ୍ କୁ ଆସିଯାଇଛନ୍ତି ନୂଆ ନିର୍ଦ୍ଦେଶକ ଏମ୍ ନାଗେଶ୍ବର ରାଓ । ସେ ଦାୟିତ୍ବ ନେବା ପରେ ସିବିଆଇ ଯୁଗ୍ମ ନିର୍ଦ୍ଦେଶକ ଅରୁଣ ଶର୍ମା ଏବଂ ଡିଆଇଜି ମନୀଶ ସିହ୍ନାଙ୍କୁ ପଦରୁ ହଟାଇଦେଇଛନ୍ତି । ସେହିପରି ଦିଲ୍ଲୀ ସ୍ଥିତ ସିବିଆଇ ହେଡକ୍ବାର୍ଟର ୧୦ ଏବଂ ୧୧ନଂ ଫ୍ଲୋରକୁ ସିଲ୍ କରାଯାଇଛି । ଏହି ଦୁଇ ଫ୍ଲୋରରେ ବିବାଦରେ ଫସିଥିବା ଦୁଇ ଅଧିକାରୀ ଆଲୋକ ବର୍ମା ଓ  ରାକେଶ ଆସ୍ଥାନା କାମ କରୁଥିଲେ । ତେବେ ଆଲୋକ ବର୍ମାଙ୍କୁ ଛୁଟିରେ ପଠାଇଦିଆଯାଇଥିବାରୁ ଏହା ବିରୋଧରେ ସେ ସୁପ୍ରିମକୋର୍ଟ ଯାଇଛନ୍ତି । ଆଲୋକ ବର୍ମାଙ୍କ ଆବେଦନ ଉପରେ ଶୁକ୍ରବାର ଶୁଣାଣି ହେବ । ଉଭୟ ଅଧିକାରୀଙ୍କୁ ପିଏମଓ ପକ୍ଷରୁ ସମନ ଜାରି କରାଯାଇଥିଲା । ଏମିତିକି ଦିଲ୍ଲୀ ହାଇକୋର୍ଟର ଦ୍ବାରସ୍ଥ ହୋଇଥିଲେ ସ୍ବତନ୍ତ୍ର ନିର୍ଦ୍ଦେଶକ ରାକେଶ ଆସ୍ଥାନା । ଆସନ୍ତା ୨୯ପୂର୍ବରୁ ଆସ୍ଥାନାଙ୍କୁ ଗିରଫ କରାଯାଇପାରିବ ନାହିଁ ବୋଲି ଦିଲ୍ଲୀ ହାଇକୋର୍ଟ ଗତକାଲି ରାୟ ଦେବା ସହ ସେହି ଦିନକୁ ମାମଲାର ଶୁଣାଣି ପାଇଁ ଦିନ ଧାର୍ଯ୍ୟ କରିଥିଲେ । ଏଥିସହିତ କୋର୍ଟ ସିବିଆଇ ନିର୍ଦ୍ଦେଶକ ଆଲୋକ ବର୍ମାଙ୍କଠାରୁ ଏନେଇ ରିପୋର୍ଟ ମାଗିଛନ୍ତି । ସେପଟେ ଏହି ମାମଲାରେ ଗିରଫ ହୋଇଥିବା ସିବିଆଇ ଡିଏସପି ଦେବେନ୍ଦ୍ର କୁମାରଙ୍କୁ ୭ ଦିନ ରିମାଣ୍ଡରେ ନିଆଯାଇଛି । ଏଥିସହ ତାଙ୍କୁ ସସପେଣ୍ଡ ମଧ୍ୟ କରାଯାଇଛି ।

   Related Posts