suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡ଼ା : ସ୍ବାସ୍ଥ୍ୟ ମନ୍ତ୍ରୀ ନବ ଦାସଙ୍କୁ ଗୁଳି ମାଡ଼, ଛାତିରେ ବାଜିଛି ଗୁଳି
  • ||
  • ସାଲେପୁର : ପାରିବାରିକ କଳହର କରୁଣ ପରିଣତି, ସ୍ୱାମୀକୁ କିରୋସିନି ଢାଳି ଜାଳିଦେଲା ସ୍ତ୍ରୀ
  • ||
  • ଭୂକମ୍ପରେ ଥରିଲା ଇରାନ : ୭ ମୃତ, ୪୪୦ରୁ ଅଧିକ ଆହତ
  • ||

ଗାଈଗୋରୁଙ୍କୁ ଆକ୍ରମଣ କରୁଛି ଲମ୍ଫି ଭାଇରସ, ଦୁଗ୍ଧ ଚାଷୀଙ୍କ ଜୀବନ ଜୀବିକା ଉପରେ ପ୍ରଭାବ

18/12/2022 at 1:17 PM

ଭଦ୍ରକ୧୮/୧୨: ଆତଙ୍କ ସୃଷ୍ଟି କରିଛି ଲମ୍ପି ଭାଇରସ୍। ବିପଦ ମୁଖରେ ଏଵେ ଗୋ ସମ୍ପଦ। ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକରେ ମାଡି ଚାଲିଛି ଲମ୍ପି ଭାଇରସ୍ ବା ଲମ୍ପି ସ୍କିନ ଡିଜିଜ୍। ଯାହାକୁ କୁହା ଯାଉଛି ଚର୍ମ ବିଣ୍ଡି ରୋଗ।

ଏହି ରୋଗର ହେଲେ ପ୍ରଥମେ ଦେହ ସାରା ଚକଡା ଚକଡା ଵା‌ହାରି ଏକ ଘାଆରେ  ପରିଣତ ହୋଇ  ଖଣ୍ଡିଆ ହୋଇ ରକ୍ତସ୍ରାବ ହୋଇ ପଡ଼ୁଛି ।  ଏହି ରୋଗରେ ଆକ୍ରାନ୍ତ ହୋଇ ଧୀରେ ଧୀରେ ଅସୁସ୍ଥ ପରେ ଗୋରୁ ଖାଦ୍ୟ ଖାଇବା ବନ୍ଦ କରିଦିଅନ୍ତି। ତାପରେ ଚାଲିଯାଏ ଜୀବନ।  ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳୁଛି ଚାନ୍ଦବାଲି ବ୍ଲକର ବିଭିନ୍ନ ଗାଁ ଗଣ୍ଡାରେ। ଯେଉଁଠି ଗୋ ସମ୍ପଦ ବିଭାଗ ପ୍ରତି ଭରଷା ତୁଟି ଗଲାଣି। କେତେକ ଗୋ ପାଳକଙ୍କ  ବାରମ୍ବାର ଅଭିଯୋଗ ସତ୍ତ୍ୱେ ଚାନ୍ଦବାଲି ପ୍ରାଣୀ ଚିକିତ୍ସାଳୟ ଗାଁ ଗଣ୍ଡାରେ ଥିବା ପଶୁ ଚିକିତ୍ସା ପ୍ରତି ଅବ୍ୟବ୍ୟବସ୍ଥାର ଅଭିଯୋଗ ହେଉଛି।

ସୂଚନାଅନୁଯାୟୀ, ବ୍ଲକରେ ସର୍ବମୋଟ ୭୬ହଜାର ଗୋରୁଗାଈ ଥିବା ବେଳେ ଛେଳି ଓ ମେଣ୍ଢାଙ୍କ ସଂଖ୍ୟା ୧୪ହଜାର। ରୋଗ ପ୍ରତିରୋଧକ ଟିକା ୨୮ ହଜାର ଆସିଥିବା ବେଳେ ୫ହଜାର ୩୦୦ ଟି ଟିକାକରଣ କରାଯାଇଛି।

ଅନ୍ୟପଟେ ୧୩୧୫ ଗୋରୁ ଲମ୍ପି ଭାଇରସ୍ ରୋଗର ଚିହ୍ନଟ ହୋଇଥିବାବେଳେ ଆଉ ୨୧୬ ଗୋରୁ ଚିକିତ୍ସାଧିନ ଅବସ୍ଥାରେ ଅଛନ୍ତି। ହେଲେ ବଡ଼କଥା ହେଉଛି କେତେ ଗାଈଗୋରୁଙ୍କ ମୃତ୍ୟୁ ହୋଇଛି ସେ ଖବର ନାହିଁ ଚାନ୍ଦବାଲି ପ୍ରାଣୀ ଚିକିତ୍ସାଳୟ ଅଧିକାରୀ ନିକଟରେ। ଏକଥା ଜାଣିବାପରେ ତୁରନ୍ତ ଟିକା କରଣ ସେବା ଯୋଗାଇ ଦେବାକୁ ସେମାନେ ପ୍ରତିଶ୍ରୁତି ଦେଇଛନ୍ତି।

   Related Posts