ନୂଆଦିଲ୍ଲୀ: ଷ୍ଟୋରରୁ ଚୋରି କରି ଫେରାର ହେଉଥିବା ଦୁର୍ବୃତ୍ତଙ୍କ ପିଛା କରିବା ଦୁଇ କର୍ମଚାରୀଙ୍କୁ ମହଙ୍ଗା ପଡ଼ିଛି । ଏପରି କି ସେମାନଙ୍କୁ ନିଜ କର୍ମଚାରୀଙ୍କୁ ବାହାର କରି ଦିଆଯାଇଛି । ଆମେରିକାର ପ୍ରତିଷ୍ଠିତ ଆଥଲିଟ୍ ପୋଷାକ ବ୍ରାଣ୍ଡ ଲୁଲୁଲେମନର ଏକ ଷ୍ଟୋରରେ ହୋଇଛି । କମ୍ପାନିର ସିଇଓ ନିଜ ଆକ୍ସନରେ କାୟମ ରହିଛନ୍ତି । ଅନ୍ୟପଟେ ଏହି ନିଷ୍ପତ୍ତିକୁ ନେଇ ଲୋକେ ଚକିତ ଅଛନ୍ତି । ଲୋକଙ୍କ ଆଶ୍ଚର୍ଯ୍ୟର ବିଷୟ ଏହା ଯେ ଯେଉଁ କର୍ମଚାରୀଙ୍କୁ ସେମାନଙ୍କ ସାହସୀକତା ପାଇଁ ପୁରସ୍କାର ଦେବା ପରିବର୍ତ୍ତେ, ସେମାନଙ୍କୁ ଚାକିରିରୁ ବାହାର କରିଦିଆଯାଇଛି ।

ଆମେରିକାର ପ୍ରତିଷ୍ଠିତ ଅଥଲିଟ୍ ବ୍ରାଣ୍ଡ ଲୁଲୁଲେମନର ଏକ ଷ୍ଟୋରରୁ ଚୋରି ହୋଇଥିଲା । ଏହାପରେ ଷ୍ଟୋରର ଦୁଇ କର୍ମଚାରୀ ସାହସ ଦେଖାଇ ଚୋରଙ୍କ ପିଛା କରିଥିଲେ । ଏହାପରେ ସିଇଓ ଆକ୍ସନ ନେଇ ଦୁଇ କର୍ମଚାରୀଙ୍କୁ ଚୋରଙ୍କ ପିଛା କରିବା ମାମଲାରେ ଚାକିରିରୁ ବାହାର କରି ଦେଇଥିଲେ ।

ଏକ କାର୍ଯ୍ୟକ୍ରମରେ ସିଏନବିସିକୁ ପ୍ରତିକ୍ରିୟା ଦେଇ ଲୁଲୁଲେମନର ଇସିଓ କେଲଭିନ ମେକଡନାଲ୍ଡ କହିଛନ୍ତି, ‘ଆମ ନୀତି ସ୍ପଷ୍ଟ ଯେ ଆମେ କର୍ମଚାରୀଙ୍କୁ ଚୋରି ସମୟରେ ମୁକାବିଲା ପାଇଁ ପ୍ରଶିକ୍ଷଣ ଦିଆଯାଇ ନାହିଁ । ଆମ ପାଇଁ କର୍ମଚାରୀଙ୍କ ସୁରକ୍ଷା ସବୁଠୁ ଗୁରୁତ୍ୱପୂର୍ଣ୍ଣ ଅଟେ । ଯେପରି ଭାବେ କର୍ମଚାରୀମାନେ ଚୋରଙ୍କ ପିଛା କଲେ, ସେମାନଙ୍କ ଜୀବନ ବିପଦ ପଡିଥାନ୍ତା । କର୍ମଚାରୀଙ୍କୁ ଚାକିରିରୁ ବାହାର କରିବାର କାରଣ ସ୍ପଷ୍ଟ ଯେ ଏପରି କାର୍ଯ୍ୟର ପୁନରାବୃତ୍ତି ହେବ ନାହିଁ’ ।

Also Read: ଭାରତରେ ଗଣତନ୍ତ୍ର ବିପଦରେ; ରାହୁଲଙ୍କୁ ଆଇନା ଦେଖାଇଲା ଆମେରିକା !