vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ପ୍ରକାଶ ପାଇଲା ଚଳିତ ବର୍ଷର ମାଟ୍ରିକ୍ ପରୀକ୍ଷା ଫଳ, ମୋଟ୍ ପାସ୍ ହାର ୯୦.୫୫ ପ୍ରତିଶତ
  • ||
  • ରାଉରକେଲା : ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୦୧ କୋଭିଡ୍ ପଜିଟିଭ୍
  • ||
  • ଘରୋଇ ଗ୍ୟାସ୍ ସିଲିଣ୍ଡର ହେଲା ମହଙ୍ଗା, ସିଲିଣ୍ଡର ପିଛା ବଢିଲା ୫୦ ଟଙ୍କା
  • ||
  • ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ଭୁବନେଶ୍ୱର : ରଶ୍ମିରେଖାଙ୍କ ପୁରୁଷବନ୍ଧୁଙ୍କ ଆତ୍ମହତ୍ୟା, ରାଉରକେଲାରୁ ମିଳିଲା ଝୁଲନ୍ତା ମୃତଦେହ
  • ||

ଅଳ୍ପକେରୁ ବୃଥା ହେବାରୁ ବଞ୍ଚିଗଲା ଡି କକ୍‌ଙ୍କ ଶତକ, ରୋମାଞ୍ଚକର ମ୍ୟାଚରେ ୨ ରନରେ ହାରି IPLରୁ ବିଦାୟ ନେଲା କୋଲକାତା

18/05/2022 at 11:38 PM

ମୁମ୍ବାଇ: ଛକା-ଚୌକାର ବର୍ଷା। ହୃଦ ସ୍ପନ୍ଦନ ବଢାଇ ଦେଉଥିବା ରୋମାଞ୍ଚକର ଏବଂ ସଂଘର୍ଷପୂର୍ଣ୍ଣ ମୁକାବିଲାରେ ଶେଷରେ ବାଜି ମାରିଲା ଲକ୍ଷ୍ନୌ ସୁପର ଜିଆଣ୍ଟ୍ସ। ଆଉ ଅଳ୍ପକେରୁ ବୃଥା ହେବାରୁ ବଞ୍ଚିଗଲା ଡି କକ୍‌ଙ୍କ ଆଇପିଏଲର ସର୍ବଶ୍ରେଷ୍ଠ ଇନିଂସ। ଶେଷ ଓଭରରେ ଜିତିବାକୁ ୨୧ ରନ ଦରକାର ଥିବା ବେଳେ ୧୮ ରନ କରିବାରେ ସକ୍ଷମ ହୋଇଥିଲା କୋଲକାତା ନାଇଟ୍ ରାଇଡର୍ସ। ଆଉ ୨ ରନରେ ମ୍ୟାଚ୍ ଜିତିଗଲା ଲକ୍ଷ୍ନ। ରିଙ୍କୁ ସିଂହଙ୍କ ବିସ୍ଫୋରକଙ୍କ ୧୫ ବଲରୁ ୪୦ ରନ କୋଲକାତାକୁ ପରାଜୟରୁ ବଞ୍ଚାଇ ପାରିନାହିଁ। ଲକ୍ଷ୍ନୌ ଦ୍ଵାରା ଧାର୍ଯ୍ୟ ୨୧୧ ରନର ବିଜୟ ଲକ୍ଷ୍ୟକୁ ପିଛା କରି କୋଲକାତା ୮ ଓ୍ଵିକେଟ୍‌ ବିନିମୟରେ ୨୦୮ ରନ କରିବାକୁ ସକ୍ଷମ ହୋଇଛି। ପରାଜୟ ସହ ଟୁର୍ଣ୍ଣାମେଣ୍ଟରୁ ବିଦାୟ ନେଲା କୋଲକାତା ନାଇଟ୍ ରାଇଡର୍ସ। ଲକ୍ଷ୍ନୌ ୧୪ଶ ମୁକାବିଲାରୁ ନବମ ବିଜୟ ପରେ ୧୮ ପଏଣ୍ଟ ସହ ପଏଣ୍ଟ ତାଲିକାର ଦ୍ଵିତୀୟକୁ ଉଠିବା ସହ ପ୍ଲେ ଅଫରେ ପ୍ରବେଶ କରିଛି।

୨୧୧ ରନର ବିଶାଳ ବିଜୟ ଲକ୍ଷ୍ୟ ପିଛା କରିଥିବା କୋଲକାତା ବିନା ରନରେ ଭେଙ୍କଟେଶ ଆୟରଙ୍କ ଓ୍ଵିକେଟ୍ ହରାଇଥିଲା। ପୁଣି ୯ ରନ ସ୍କୋରରେ ଦଳ ଅଭିଜିତ ତୋମାର(୪)ଙ୍କ ରୂପେ ଦ୍ଵିତୀୟ ଓ୍ଵିକେଟ୍ ହରାଇଥିଲା। ହେଲେ ନୀତୀଶ  ରାଣା କ୍ରିଜକୁ ଆସିବା ମାତ୍ରେ ବିସ୍ପୋରକ ବ୍ୟାଟିଂ କରି କୋଲାକତା ପାଇଁ ବିଜୟ ଆଶା ସଞ୍ଚାର କରିଥିଲେ। ସେ ମାତ୍ର ୨୨ ବଲରୁ ୯ ଚୌକା ସହ ୪୨ ରନ କରି ଆଉଟ୍ ହୋଇଥିଲେ। ସେ ଅଧିନାୟକ ଶ୍ରେୟସ ଆୟରଙ୍କ ସହ ତୃତୀୟ ଓ୍ଵିକେଟରେ ୫୬ ରନ ଯୋଡିଥିଲେ। ପୁଣି ଶ୍ରେୟସ ଆୟ ଏବଂ ସାମ ବିଲିଙ୍ଗ ଚତୁର୍ଥ ଓ୍ଵିକେଟ୍ ପାଇଁ ୬୬ ରନ ଯୋଡି ବିଜୟ ଆଶା ଉଜ୍ଜିବୀତ ରଖିଥିଲେ। ଶ୍ରେୟସ ୨୯ ବଲରୁ ୪ ଚୌକା ଏବଂ ୩ ଛକା ସହ ୫୦ ରନ କରିଥିଲେ। ଶ୍ରେୟସଙ୍କ ଆଉଟ୍ ପରେ କୋଲକାତା ଶୀଘ୍ର ଦୁଇଟି ଓ୍ଵିକେଟ ହରାଇଥିଲା। ସାମ ବିଲିଙ୍ଗ ୩୬ ରନ ଏବଂ ଆନ୍ଦ୍ରେ ରସେଲ ୫ ରନ କରି ବିଦାୟ ନେଇଥିଲେ।

୧୫୦ ରନରେ ୬ ଓ୍ଵିକେଟ୍ ହରାଇବା ପରେ କୋଲକାତାର ବିଜୟ ଆଶା ମଉଳିବାରେ ଲାଗିଥିଲା। ହେଲେ ରିଙ୍କୁ ସିଂହ ଏବଂ ସୁନିଲ ନାରିନ ଛକା-ଚୌକା ବର୍ଷା କରିଥିଲେ। ଉଭୟ ବିସ୍ଫୋରକ ବ୍ୟାଟିଂ କରି ମ୍ୟାଚରେ ରୋମାଞ୍ଚ ଭରିଥିଲେ। ଶେଷ ଓଭରରେ ୨୧ ରନ ଦରକାର ଥିବା ବେଳେ ୧୮ ରନ କରିବାକୁ ସକ୍ଷମ ହୋଇଥିଲା କୋଲକାତା। ରିଙ୍କୁ ସିଂହ ୧୫ ବଲରୁ ୨ ଚୌକା ଏବଂ ୪ ଛକା ଜରିଆରେ ୪୦ ରନ କରି ଶେଷ ଓଭରର ପଞ୍ଚମ ବଲରେ ଆଉଟ୍ ହେବା କୋଲକାତା ବିଜୟରୁ ଦୂରେଇ ଯାଇଥିଲା। ସୁନିଲ ନାରିନ ୭ ବଲରୁ ୩ ଛକା ସହ ୨୧ ରନ କରି ଅପରାଜିତ ଥିଲେ। କୋଲକାତା ୮ ଓ୍ଵିକେଟରେ ୨୦୮ ରନ କରିବାରେ ସକ୍ଷମ ହୋଇଥିଲା।

ଲକ୍ଷ୍ନୌ ଇନିଂସ

କ୍ଵିଣ୍ଟନ ଡିକକ୍‌ଙ୍କ ବିସ୍ଫୋରକ ଶତକ ଏବଂ କେଏଲ ରାହୁଲଙ୍କ ଅର୍ଦ୍ଧଶତକ ବଳରେ ଆଇପିଏଲର ୬୬ତମ ମୁକାବିଲାରେ ଲକ୍ଷ୍ନୌ ସୁପର ଜିଆଣ୍ଟ୍ସର ବିଶାଳ ବିନା ଓ୍ଵିକେଟ୍‌ରେ ୨୧୦ ରନ କରିଥିଲା ଲକ୍ଷ୍ନୌ। କ୍ଵିଣ୍ଟନ ଡିକ ଅପରାଜିତ ୧୪୦ ରନ କରିଥିଲେ। ସେ ୭୦ ବଲରୁ ୧୦ଟି ଲେଖାଏଁ ଚୌକା ଏବଂ ଛକା ମାରିଛନ୍ତି। ଆଇପିଏଲରେ ଏହା ହେଉଛି ତାଙ୍କର ଦ୍ଵିତୀୟ ଶତକ। କେଏଲ ରାହୁଲ ୫୧ ବଲରୁ ୩ ଚୌକା ଏବଂ ୪ ଛକା ସହ ୬୮ ରନ କରି ଅପରାଜିତ ଅଛନ୍ତି। ଡିକକ୍ ଏବଂ କେଏଲ ରାହୁଲ କୌଣସି ଭାଗିଦାରୀରେ ସର୍ବାଧିକ ରନ କରି ଆଇପିଏଲରେ ଇତିହାସ ରଚିଛନ୍ତି।  ସୁନିଲ ନାରିନଙ୍କୁ ବାଦ୍ ଦେଲେ କୋଲକାତା ନାଇଟ୍ ରାଇଡର୍ସର ସମସ୍ତ ବୋଲର ମହଙ୍ଗା ସାବ୍ୟସ୍ତ ହୋଇଥିଲେ। 

ଟସ୍ ଜିତି ଲକ୍ଷ୍ନୌ ବ୍ୟାଟିଂ ନିଷ୍ପତ୍ତି ନେଇଥିଲା। ଆରମ୍ଭରୁ ଦୁଇ ବ୍ୟାଟସମ୍ୟାନ କୋଲକାତା ବୋଲରଙ୍କ ଉପରେ ପ୍ରାଧ୍ୟାନ୍ୟ ବିସ୍ତାର କରିଥିଲେ। ବିଶେଷ କରି ଡିକକ୍ ଦ୍ରୁତ ବ୍ୟାଟିଂ କରି ପ୍ରତିପକ୍ଷ ବୋଲରଙ୍କୁ ନିର୍ଧୁମ ପ୍ରହାର କରିଥିଲେ। ଡିକକ୍ ଆଇପିଏଲ ଇତିହାସରେ ନିଜର ସର୍ବଶ୍ରେଷ୍ଠ ଇନିଂସ ଖେଳିଛନ୍ତି। ସେ ୭୦ ବଲରୁ ୧୦ଟି ଲେଖାଏଁ ଚୌକା ଏବଂ ଛକା ସହ ୧୪୦ ରନ କରିଛନ୍ତି। ଆଇପିଏଲର ଏହା ତାଙ୍କର ଦ୍ଵିତୀୟ ଶତକ। ଅନ୍ୟପଟେ ତାଙ୍କୁ ଉତ୍ତମ ସହଯୋଗ ଦେଇଛନ୍ତି ଅଧିନାୟକ କେଏଲ ରାହୁଲ।

କୋଲକାତାର ସୁନିଲ ନାରିନଙ୍କୁ ବାଦ୍ ଦେଲେ ବାକି ସମସ୍ତ ବୋଲର ମହଙ୍ଗା ସାବ୍ୟସ୍ତ ହୋଇଛନ୍ତି। ଉମେଶ ଯାଦବ ୩୪ ରନ, ଟିମ୍ ସାଉଦି ୫୭, ବରୁଣ ଚକ୍ରବର୍ତ୍ତୀ ୩୮ ଏବଂ ଆନ୍ଦ୍ରେ ରସେଲ ୪୫ ରନ ବ୍ୟୟ କରିଛନ୍ତି। ସୁନିଲ ନାରିନ ସବୁଠୁ କମ ୨୭ ରନ ଦେଇଛନ୍ତି।

   Related Posts